Huyện Nậm Nhùn tâu yênhx lix shông 2013, pheiz txix 2 huyện Sìn Hồ thiêz Mường Tè, tỉnh Lai Châu lok. Đhâu yênhx lix, ntâu lênhx canr bôv nhoz têx huyện Mường Tè, Sìn Hồ thiêz TP Lai Châu tâu tso tuôx no lês uô hâux lưv. Chiê muôz jông six hơưv trâu canr bôv, công chức, viên chức tso siêz lês uô têx hâux lưv zok muôz, huyện tưz cxiv uô têx ntâuz ntơưr thiêz tâu Ủy ban tỉnh Lai Châu jông siêz, thôngx ziv trơưk tsưr ziv choz zok ar nhoz, sâu zuôr nhiêx sir zôngv.

Hli 10/2017, huyện yênhx lix Tổ qênhz yuôx xav jênhv hâux lưv choz zok ar li heik sâuv trâu 95 chuôz zis. Đhâu co, tsuôk muôx 87 chuôz zis txâuk têx ntâuz ntơưr tâu choz zok ar nhoz, yuôr 8 chuôz zis muôx txâuk têx uz no trơưk li cui tinhv viv li tưz trâus sâu tsês têx ar nhoz. Txix hâux lưv cik txos uô cxâuv hâur seiz car ar têz, huyện tưz yênhx lix Hôiv đôngx đơưk tu, xưv lik, kiểm điểm têx tsưr tsix, lênhx nênhs cik txos. Đhâu co, tik cêr cxâuv 5 lênhx canr bôv, công chức xã txos trâu têx phongx, ban hâur huyện./.

(Khắc kiên-Riê Lâux cxeik, nhênhv)

Ủy ban tỉnh Lào Cai nhiv kruôr tso tơưv hêik pâuz lok hâux lưv sâu tsês Công ty Cổ phần DAP số 2 ntơưv qơư Công nghiệp Tằng Lỏng, huyện Bảo Thắng (Lào Cai) li 50.000 yiv ar chiê choz zok lok trâu Ban sêiz car qơư kinh têr tỉnh.

Qir tiv sâu ar zos tiv Công ty DAP số 2 tâu cungz ntơưr cungz jênhv chêi sir zôngv ar txix shông 2011 chiê uô dự án yưv pênhr, taz sik ho uô cxâuv lik six hơưv. Ủy ban tỉnh Lào Cai cux tso tơưv ntâuz ntơưr tso chêi uô siv tas nro công ty li tsêr mêir uô qir zuôv chiê ntâuk gri ngaz tuk đhâu jiês tơưs njưs thêir têx vuôz tsuôz hnuz 7/9 nhiv kruôr đhâu, đros muôx cơ quan uô hâux lưv no li sêiz kaz jông.

Six hơưv tso uô siv zos 6 luz hli, xav txix hnuz 8/11/2018./.

(An Kiên-Lik Thox cxêik nhênhv)

Trơưk li Cơ quan thường trú nhoz faz Tây Bắc xa mông, lênhx tiz nênhs fêv nhiv kruôr tsông njuôk fông, kriz kror trôngx Cục thi hành án dân sự tỉnh Sơn La li tsêr khâuk trâu têx ntâuz ntơưr uz no, ntơưv jo Giảng, phường Quyết Thắng, TP Sơn La thiêz nhiês gra iz cxiê chuôz zênhx, ntâuz ntơưr uz no khiêr muk.

 Thâuv tar su hnuz xiêz 10/11 nhiv kruôr đhâu, chor lưv lươngv muôx vax huôv Sơn La tưz muôx njêx muôs ntơưv Cục thi hành án dân sự tỉnh chiê xav jênhv, uô tsênhz mênhx txuz nuv co.

Chiê pâuz tsênhz têx mông lok txuz plâuz no, lar heik zos xav jênhv seiz pok zos trâul tuz saz nhiês tas ntâu têx zax zênhz xưk li tsôngv box sđ heik lol tsi zos, hâur 2 hnuz, hnuz 12/11 thiêz 13/11, têx tuz sâu xor xưv Đeix nta suôz VN tưz ntâu jiês hu xor tôngx trâu hâu nov thiêz buôk ti muk trâu văn phongx Cục thi hành án dân sự tỉnh Sơn La đas cir uô hâux lưv đros lênhx thơưx seiz car qơư uô hâux lưv no zos zơưv Nguyễn Ngọc Hải, taz sik zơưv Hải cux tsi cav đros chor sâu xor xưv thav lok têx luôs hâux lưv heik sâuv./.

(Thanh Thủy-Riê Lâux cxeik, nhênhv)

Yênhz châuv hec ta tsoz ntông nox txir nhoz huyện Lục Yên, tỉnh Yên Bái tsênhv trâus tuôs tiv muôx caz hmoz ruôr hiêv, tsêx trung ntơưv chor xar chos ntâu txir cam, thênhx caz li: Yên Thắng, Liễu Đô, Mường Lai, Khánh Hòa…Qir tiv tâu xav jênhv zos tiv ntux nas truz ntêr, uô trâu ntông lưx chas, trâus moz đax blôngx. Njuôk xav ntu zuôr txos, tiv zix zos chêix tsâus yiêz mak zuôr phiv liv đuô. Viv li, Ngahx kôngz nuv tỉnh Yên Bái tsênhv sir jos kruôz kriê pox nhuôs kriz uô têx tsưr ziv phax tar.

Pos Hoàng Yên, Phưv chi cục trưởng, Chi cục chos kôngz lôngk thiêz por vêv đrox tsuôs tỉnh Yên Bái puz pâuz:

“Txir cam trâus lưx chas, đax blôngx thiêz tuôs iz cxiê thax tsav, Chi cục cũ tưz qênhz yuôx, kruôz kriê phax tar txix têx zav yuôx. Tso cán bộ Chi cục muk đros cán bộ huyện chiê chox kriê, hêik pox nhuôs tsik so qênhz yuôx caz hmoz, tsov cưv têx qơư muôx yưv moz chiê tso tơưv têx tsưr ziv phax tar cov muôx chêx cur tiv zix”./.

(Thừa Xuân-Lik Thox cxêik nhênhv)