Tas cik hnuz 13/3, đ/c Đinh Tiến Dũng, Ủy viên BCH TW Đảng, Bộ trưởng Bộ nhiêx txiêx đros đoanx côngz xưv tưz muôx jiês uô hâux lưv đros tỉnh Điện Biên. Ntơưv jiês uô hâux lưv, Bộ trưởng Đinh Tiến Dũng kruôk têx chêx cuk mak tỉnh Điện Biên tax tâu hâur shông đhâu. Tiv zix zos hâux lưv muôz siêz phênhv sâu tiv phaz tax 9 cxênhz 600 tỷ đeiv; muôz nhiêx txiêx 8 cxênhz 400 tỷ đeiv, cux tuôv zênhv tâu hâux lưv uô jênhv vưv huôv tsar KTXH, taz por côx phax txiv ngaz ntơưv tiv phaz. Đrâuv co, côngz xưv phax tar nhiês muôv muôs hax huv chuôr, tsi txâuk tsơưr lươngv tror tâu krêz uô muôx chêx cuk, đros 1 cxênhz 800 txuz thiêz zuôr xar 2 cxênhz lênhx nênhs trâus yưr lir, khiêz trâu phênhv nhiêx txiêx têz qơưk 17 tỷ đeiv ntâu./.

(V.Lợi- Txâur Vax cxeik nhênhv)

Ntu đhâu, Công an huyện Văn yên tưz chuôz cxaz sik côngv đros lưx lươngv công an xã thiêz chor nênhs muôx suôz bê, cán bộ chênhr hâur tsôngv box cxuô mênhx cxưx chiê yax kriê, hêik pêx xênhv chiv chir choz zok cxuô zav fov, chuôz lov tơưs thiêz chuôz zênhx paz. Tsuôk uô ntêx, hâur thiêz đhâu tsiêz đêr shông 2018, công an huyện Văn Yên tưz sâu tâu 208 traz fov chiv chir uô cxuô zav. Tix lâus Hoàng Thừa Kinh nhoz jok 5, xã Phong Dụ Thượng, huyện Văn Yên puz pâuz:

“Traz fov no chuôz zis tưz tsês txix ntâu fâuv nênhs lok thiêz xar tuôr tsês chiê tâu sêiz. Thâuv cán bộ Công an tuôx huyện chiê yax kriê, jênhv pâuz tâu têx phiv liv mak zuôr muôx yưv viv li cur gra tuôx trâu tsêr uô hâux lưv xã chiê choz zok”./.

(Đinh Tuấn-Lik Thox cxêik nhênhv)

Tiv ar têz nxaz, yênhx shông, tỉnh Lai Châu trâus zênhr shar hnhar tiv ntux nas hâur cheix lol nas. Shông 2017, tiv phaz muôx 9 lênhx nênhs tuôs, zuôr xar 400 luz tsêr trâus ruôr hiêv thiêz zênhr shar tiv ntux nas. Njuôs xav ruôr hiêv lok kinh têr zuôr xar 200 tỷ. Zơưv Hà Văn Um, giám đốc Sở kôngz nuv thiêz huôv tsar nôngx cxênhz tỉnh Lai Châu puz pâuz, tiv tsi muôx txâuk nheiex txiêx, viv li chor ziv chuôz zis tâu txar qơư nhoz tsi ntâu. Txos nhiv no, tas nro tỉnh tsênhv yuôr 100 ntâu chuôz zis nhoz thax tsav riêz nênhs njuôs xav muôx tox poz, chêx chôngk ntơưv têx huyện Tam Đường, Sìn Hồ, Nậm Nhùn, Phong Thổ thiêz Mường Tè:

“ Trung ương li pênhr cungz trâu tỉnh chiê txar qơư nhoz trâu tsôngv box tsênhv tsơưs, iz shông tsuôk muôx nhos 5 tỷ đeiv trâu tas nro têx huyện. Tiv 2 zos tỉnh cux tsênhv njuôs xav muôz trâu iz ziv chuôz zis 20 tsov đeiv viv li lok six tsơưs, đros phênhv nhiêx txiêx co tsôngv box cux txar qơư nhoz tsi tâu”./.

( Khắc Kiên-Txâur Vax cxeik nhênhv)

Zar hnuz kêix 13/3, đhâu 2 hnuz chor lưx lươngv tiv phaz sir jos zok nriêr, muôx nzir iz lênhx nênhs trâus tuôs hâur txuz 9 lox tôngv muk uô jos trâus txiêz nanv fuôx gox sâuv đêx liêz tưz tâu nriêr pov. Lênhx nênhs tâu zok pov zos Hầu A Hùa (mênhx cxưx Hmôngz, zus shông 1992), nhoz ntơưv xã Pa Cheo, huyện Bát Xát, tỉnh Lào Cai. Xav txos six hơưv no, tưz muôx 6 hâur 9 lênhx nênhs uô jos ntiêr trâus txiêz nanv fuôz gox sâuv tuk đêx liêz trâu têik cik hnuz 11/3 tâu nriêr pov. Chor nênhs trâus tuôs tưz tâu chox lok uô đaz uô kruô ntơưv tsêr. Nhiv no, côngz xưv zok nriêr 3 lênhx nênhs tsik pov tsênhv yuôr  cux tsênhv tâu chor lưx lươngv tiv phaz sir jos kriz uô./.

(An Kiên-Lik Thox cxêik nhênhv)