Moz siêz thiêz muôx txơưx jênhv đros hnuz hôiv bâux xêir têiv plor Côx hôiv thiêz Hôiv đôngx cxuô cấp, cử tri sâuv thax tsav thành phố Điện Biên Phủ, tỉnh Điện Biên tsênhv sir jos kriz uô ntâu kror hâux lưv tsênhv tsênhz, muôx tsiv gri. Ntơưv chor nênhs ứng cử li chor jiês cơưv njiz cử tri puôr lênhx txêik tâu cxuô lênhx nênhs li têx luk hêik, siêz xar. Pos Đỗ Thị Nguyệt, Bí thư Chi bộ tổ dân phố 14, phường Mường Thanh, thành phố Điện Biên Phủ puz pâuz:

“Tưz tsik zos yax kriê sâuv tôv dân phố chor loa mak tsênhv txix chor jiês cơưv zuôr cử tri têx ziv chênhv, siêz xar tâu pêx xênhv thôngx ziv đros thiêz cử tri siêz vav njôngr trâu chor nênhs ứng cử uô têiv plor Côx hôiv thiêz têiv plor hôiv đôngx tỉnh tsuv gra siêz txơưx jênhv chiê uô tiêr jông têx jênhv vưv mak zuk tâu choz zok, tsik so moz siêz txos paz trâu pêx xênhv”./.

(Vũ Lợi-Lik Thox cxêik nhênhv)

Nhiv kruôr đhâu, UB tỉnh Sơn La tưz tsưr tsix phêv ziv sik thav đros doanh nghiệp, HTX. Chiê hlôngr yiêz tênhx qơư muôv muôs, muôz siêz pênhr xưv tơưv txênhz, cxơưz tiês huôv tsar KTXH tiv phaz. Nhiv no tỉnh Sơn La muôx zuôr xar 700 HTX thiêz zuôr xar 3 cxênhz doanh nghiệp. Ntơưv phêv ziv, hlôngr njêx muôs Hiệp hội doanh nghiệp tỉnh, têx doanh nghiệp thiêz HTX tưz muôx ntâu thix ziv, ziv chênhv muôx lênhx coaz txos têx vênhv thix li: car chêx têx phêv liv truz ntêr trâu têx doanh nghiệp lok vênhv thix ar têz; seiz shuôk thêv phênhv nux grê tưz uô tiêr choz lok sir zôngv iz cxiê dự án lox hâur tỉnh; nzor njuôs xav thax tsav tu zus nhux tso cuô mis chiê doanh nghiệp thiêz têx ziv chuôz zis nhoz Mộc Châu tso siêz huôx tôngv..../.

(Trấn Long-Txâur Vax cxeik nhênhv)

Chor njêl zus hâur têx đêx txiêk xuz thơưx ciês ntơưv Lào Cai tưz tâu lo ntơưr chiê nriêr pâuz qơư tu zus. No tâu sêiz zos iz hâur têx tsưr ziv paz đơưk kho têx phiv liv trâu nênhs tu zus njêl hâur têx đêx txêik nhoz Lào Cai, hâur qênhx shênhx muôs têx njêl njiz ntâu phiv liv txix nhiês zuôr chor njêl tầm tsik zos chêi saz đrâuv têz qơưk lok. Hôiv njêl zus hâur đêx txiêk nhoz tỉnh Lào Cai nhiv no sêiz car 55 qơư zus têx tsiêx đêx hâur têx đêx txiêk, phênhv ntâu zos ntơưv têx huyện Sa Pa, Bát Xát, Văn Bàn…iz shông muôs tâu muôx 335 tấn, tsav muôx 50% tas nro tỉnh. Ntu zuôr txos, hâux lưv lo ntơưr ntâuk chiv nriêr pâuz qơư tu zus trâu chor njêl zus hâur đêx txiêk zuôr tâu ntâu qơư tu zus njêl ntơưv Lào Cai kriz uô chiê por vêv côngz bê trâu zuk thiêz nênhs sir zôngv./.

(An Kiên-Lik Thox cxêik nhênhv)

Zos tỉnh tox siêz, muôx ntâu har jôngr thiêz chôngz tsôngv box mênhx cxưx tsơưs nênhs nhoz uô nênhx. Phênhv ntâu pox nhuôs uô liêx têz chiê huôv tsar kôngz nuv. Têx hnuz no tsênhv zos ntu pox nhuôs hlơưr têz chos kôngz lôngk chiv yiêz. Qir lok trâu cheix ntux kruôr shông no, lơưr chox kriê cxôngx Chi cục qênhz jôngr tỉnh Yên Bái, tas nro lênhx nênhs qênhz jôngr tsuv seiz car jông hâur yênhx hnuz, yênhx ciêz chiê đros têx lênhx nênhs hâur Ban chỉ huiz phax tar cuz cux cuz jôngr cấp xã yax mông, heik kriê thiêz seiz car jông thâuv tsôngv box qir uô ar, hlơưr têz. Zơưv Kiều Tư Giang, Phưv chi cục tsar Chi cục qênhz jôngr tỉnh Yên Bái puz pâuz cxaz:

“Viv pox nhuôs li cêr cor cav hlơưr têz cxôngx nzor thiêz nhiv no cux li ntơư. Pêz heik pox nhuôs tsuv luôx thiêz hlơưr lok zar hnuz keix. Tsi hlơưr thâuv tar su. Pêz thôngx ziv chiê tsôngv box uô, taz sik uô mak tsuv thôngz pov trâu pêz pâuz six hơưv hlơưr têz”./.

(Đinh Tuấn-Txâur Vax cxeik nhênhv)