Trơưk li Tsênhv qơư njuôk ntux yar ntux nas têz qơưk, hâur têx luz hlik kaz shôngk shông, thax tsav tox siêz faz Bắc muôx têx tsênhv zuôr tror muôx ntux txơưr txar phiv liv, uô ruôr hiêv lox xưk li thâuv hâur shôngk shông 2020 li: Lok nas chuô, muôx xoz, lok lơưs.... Sik pheiz kênh têx tsưr ziv lok phax tar ntux uô hiêv, zơưv Đặng Xuân phong-Chủ tịch Ủy ban tỉnh Lào Cai-Tsar ban seiz car phax tar ntux uô hiêv thiêz zok nriêr chơưv paz lênhx nênhs tỉnh Lào Cai heik, hâur hâux lưv phax tar ntux uô hiêv, phax tir thêir zos zov chênhr thiêz uô trơưk tsưr ziv 4 ntơưv qơư: “Tsuv tsi so moz siêz txos hâux lưv tso lênhx nênhs lês uô têx nuv co, cxiv kho, gra siêz Ban seiz car phax tar ntux uô hiêv thiêz zok nriêr chơưv paz lênhx nênhs cxuô cấp li txux chi tsưr ziv uô hâux lưv, chiê uô tâu jông têx luôs hâux lưv zok muôz hâur phax tir thêir ntux uô ruôr hiêv”./.

(BTS-Riê Lâux cxeik, nhênhv)

Nhiv no, tỉnh Yên Bái tưz chos yiêz tâu zuôr xar 13 cxênhz hecta jôngr, tax 82% ntâu tsưr ziv tas nro hâur shông, hâur co tsôngv box chêx chôngk chos phênhv ntâu têx tsoz chos li ciêv fix, keo, bồ đề thiêz shôngz. Tas nro mênhv chêx jôngr chos yiêz huôv tsar jông, chiêx 95% ntâu. Khov uô jông hâux lưv yax mông vênhv tôngv tsôngv box chos jôngr; khov muôx têx cấp ủy, chinhr quyênx cxôngx tỉnh txos cơ sở sik côngv uô mak phongz yaox chos jôngr nhoz Yên bái ziv huôv tsar jông.

Sở kôngz nuv thiêz huôv tsar nôngx cxênhz tỉnh Yên Bái tsênhv chêx chôngk chox kriê Chi cục qênhz jôngr tỉnh yax six qênhz yuôx, car chêx têx phêv liv trâu tsôngv box chiê muôx tsưr ziv cxơưz tiês huôv tsar jôngr chiv sor lax shông 2020. Thôngx cxix, muôz siêz tsơưr lươngv chos jôngr sâuv thax tsav, txos tas shông no, tỉnh sir jos uô tiêr tsưr ziv zos chos 16 cxênhz hecta jôngr./.

(DTMN-Txâur Vax cxeik nhênhv)

Tsêr nhiêx tsênhv chei XH nhoz tỉnh Lai Châu uô lơưr tâu jông têx tsaz yênhx pênhr nhiêx txiêx tsênhv chei, lar heik zos tsaz yênhx tso kêr txeik trơưk li Chính phủ Nghị định lok huôv tsar thiêz seiz car tsêr nhoz hâur XH. Iz chas ntơư, têx lênhx nênhs tâu kêr txeik uô tsêr nhoz XH trơưk Chính phủ Nghị định sôr 100 zos têx lênhx muôx côngz trâu têz qơưk, lênhx nênhs muôx phênhv sâu tâu tsơưs, chuôz zis pluôs, zuôr xar pluôs nhoz hâur thax tsav ciêz đrôngs; nênhs lox tôngv tsênhv uô hâux lưv ntơưv têx doanh nghiệp; canr bôv, công chức, viên chức hâur cơ quan, taz viv lês uô hâux lưv têz qơưk, bôv đôiv, công an. Đhâu 3 shông ntâu fuô uô, tsaz yênhx tso kêr txeik nhiêx txiêx uô tsêr nhoz tưz paz tsôngv box, canr bôv, công chức, viên chức muôx phênhv sâu tâu tsơưs hâur thax tsav tỉnh muôx nzir đas jos cxiv uô têx vax tsêr nhoz, tso siêz uô hâux lưv, huôv tsar uô nox uô hnar, truôx tuk luz nênhx./.

(Tin tức-Riê Lâux cxeik, nhênhv)

Jênhv pov têx liv zix cxôngx hâux lưv zôngv tênhv cxôngx năng lượng mặt trời, shông 2018 COng ty TNHH muôv muôs thiêz cxiv tsa Duy Hồng tỉnh Điện Biên nhoz tuêv 7, thị trấn Tủa Chùa (huyện Tủa Chùa) tưz yưv pênhr uô cxix luôk tênhv năng lượng mặt trời đros công suất zos 6kwp. Zơưv Nguyễn Đỗ Nghị, giám đốc Công ty puz pâuz: Zos doanh nghiệp huôx tôngv ntâu vênhv thix viv li muôx ntâu chuôz zênhx tênhv đros công suất lox. Zuôr xar 2 shôngk sir zôngv pov tsơưr lươngv tênhv cxôngx tênhv năng lượng mặt trời cux bâuv tênhv tênhz têz qơưk. Chor tênhv tsiv uô đruôz hnuz côngv đros tênhv tênhz têz qơưk, viv li sir zôngv taz por. Đrâuv co cxênhx txuôk tâu nhiêx txiêx tênhv tênhz thiêz nganhx tênhv jos li chính sách, hâur yênhx hli têx tsưr tsix, ziv chuôz zis zuôr thêv iz chor nhiêx txiêx, Công ty zôngv chiê yưv pênhr muôz siêz công suất cxix luôk tênhv. Cxôngx têx kror jông li co, nganhx tênhv tsênhv heik têx ziv chuôz zis thiêz tsưr tsix, doanh nghiệp sir zôngv tênhv năng lượng mặt trời./.

(BĐBP-Txâur Vax cxeik nhênhv)