Đros tsưr ziv sir jos cov tỉnh Điện Biên zos yênhx tỉnh huôv tsar nhoz thax tsav trung du thiêz tox siêz faz Bắc, tỉnh tưz xav jênhv tror kho đuô nganhx kôngz nuv đros cxiv tsa jêx jok yiêz thiêz tưz uô tâu ntâu chêx cur jông. Six cxiv 2020-2025, đros thiêz têx sir jos chiê cxiv tsa tỉnh Điện Biên cov huôv tsar sêi thiêz truôx đrênh. Đại tướng Tô Lâm, Ủy viên Bôv Chính trị, Bôv trưởng Bôv Công an ntâuk gri siêz, hênhr kruôk thiêz phôngv jông têx chêx cur mak Đảng bôv, chính quyền thiêz pêx xênhv cxuô mênhx cxưx tỉnh Điện Biên tưz uô tâu hâur ntu đhâu:

“Tsêx trung chox kriê huôv tsar têx kror liv tỉnh muôx, sir jos chiê chox Điện Biên zos yênhx tỉnh huôv tsar sêi thiêz truôx đrênhk, sir jos yưv pênhr thiêz zaz zâuv cxuô lênhx nênhs yưv pênhr, tiv zix zos chor tập đoàn kinh têr lox yưv pênhr trâu kinh têr-xar hôiv, đô thị chiê paz cov huôv tsar, kriz uô cov tiêr sêi qơư tsar đrêk yêz za Điện Biên, sik côngv đros chor bôv, nganhx Trung ương hâur kriz uô côngz xưv bax yưv pênhr uô ntu cêr muk chênhr Hòa Bình, Sơn La-Điện Biên (ntu Sơn La-Điện Biên) uô ntêx shông 2030)./.

(Vũ Lợi-Lik Thox cxêik nhênhv)

Txos nhiv no, tas nro tỉnh Sơn La tưz muôx zuôr xar 2 cxênhz 700 trâur nuv txơưx vênhv tôngv tsôngv box sâuv têx vênhv thix. Hâur co, vênhv thix huôv tsar kinh têr ntâu tiv zix, đros 1 cxênhz 32 trâur nuv. Ntâu tập thêv, lênhx nênhs truôx siêz hlôngr yiêz tsoz chos sâuv ar têz nxaz; yưv pênhr tu zus njês hâur tơưz sâuv niêv pas đêx tênhv; uô têx dự án chos, por vêv jôngr; huôv tsar tu zus niêv tsiêx cxu....tưz phuôx huiz jông chêx cuk, gôngr phênhv cxuôv yeiz thiv pluôs, ntâu ziv chuôz zis tưz sir jos uô bluô nux cxôngx huôv tsar kinh têr....Tix lâuk Sồng A Tồng mênhx cxưx Hmôngz, tsar jos Tà Dê, xã Lóng Luông, huyện Vân Hồ- lênhx nênhs uô ntêx nyuôk txơưx jênhv tôngv tsôngv box đros trâur nuv uô “Yax mông, vênhv tôngv tsôngv box tsi muôv muôs, thâux gra zax zênhz tsi trơưk chei” dưv phêv ziv puz pâuz:

“Zax zênhz tưz uô zênhr shar lok six ntâu txos tsôngv box jos Tà Dê luz nênhx. Zos iz lênhx tsar jos cur đros têx ban nganhx đoanx thêv jos vênhv tôngv thiêz yax mông chiê pox nhuôs tso tsês zax zênhz. Nhiv no nhoz pêz jos pox nhuôs tsi muôs zax zênhz thiêz. Ntu zuôr txos, cur zuôr đros têx lâuk jos, txir ndâux txir luk thiêz têx ban nganhx đoanx thêv tror vênhv tôngv pox nhuôs tsêz chos kôngz lôngk tso lok phênhv sâu siêz chiê yênhx trus cxuôv yeiz thiv pluôs”./.

(VOVTB-Txâur Vax cxeik nhênhv)

Cxênhx hluôk nênhs Lai Châu njênhs njôngr trâu Đảng. Co zos tsênhv njiêz Tsaz yênhx siz njiz tâu Ban Thường vụ Tỉnh đoàn, Hôiv liên hiệp hluôk nênhs Việt Nam thiêz Hôiv Đồng đôiv tỉnh sik côngv tsưr tsix. No zos hâux lưv zov chênhr chiê hơưv txos Đại hôiv Đảng bôv tỉnh Lai  châu jiês tiv 14, six cxiv 2020-2025, Đại hôiv nhuôs ciêz zơưv hloz Hôx thôngz têz qơưk jiês tiv 9, Chiv nhênhv 64 shông hnuz Hôiv liên hiệp hluôk nênhs Việt Nam (15/10/1956-15/10/2020). Đros co, zos paz tsar tov trâu chor hluôk nênhs, hôiv viên, cưk kriê sêiz car đôiv…sik njiz, kriz uô vênhx huôv vênhx nghệ, sik thav, sik cơưv shâuv chênhz zênhv tsưr tsix hâux lưv Đoanx, Đôiv, Hôiv, paz muôz siêz đuô tsơưr lươngv uô hâux lưv ntơưv taz viv, tiv phaz./.

(VOV4-Lik Thox cxêik nhênhv)

Chiê tsov cưv txos côngz xưv tsoz phưz đas jos côngv thôngx, hâur têx hnuz đhâu, ntơưv thị trấn Cổ Phúc, Hội chữ thập đổ tỉnh Yên Bái đros tsênhv qơư y tế huyện Trấn Yên, Cuiv siêz jông Tập đoàn vingroup tsưr tsix tsaz yênhx seiz njuôs đas jos côngv thôngx shông 2020. ntơưv jiês seiz njuôs moz thiêz tsoz phưz đas jos côngv thôngx, têx y bác sỹ Tsênhv qơư y tế huyện Trấn Yên tưz seiz njuôs, heik kriê đas jos thiêz muôz yuôx tsi zuôr nhiêx txiêx trâu 350 jiês lênhx nênhs tâu sơưv cêr chei, nênhs muôx côngz đros cơưx mênhv, nênhs trâus tsơưr tưx đas, ziv chuôz zis, nênhs muôx hnuz nhôngs siêz, nênhs txov nhêv sâuv thax tsav thị trấn Cổ Phúc, xã Nga Quán, xã Minh Quán huyện Trấn Yên. Thôngx cxix, cungz 350 hnaz yuôx tsi zuôr nhiêx txiêx trâu tsôngv box./.

(VOV4-Txâur Vax cxeik nhênhv)