Pov cov ntơưv jiês khiêz phêv kaz shôngk shông HĐ tỉnh Sơn La nhiv kruôr tâu tsưr tsix puz pâuz, shông 2021, tas nro phênhv sâu sâuv thax tsav tỉnh njuôs xav tax 16 cxênhz tỷ đeiv, tax zuôr xar 118% HĐ li phênhv nhiêx txiêx choz; phênhv sâu fênhx pheiz lênhx nênhs tax 45 tsov đeiv ntâu iz lênhx nênhs iz shông (chuôz ndê 1,1 tsov đeiv pir đros shông 2020); sâu nhiêx txiêx sâuv thax tsav tax 4 cxênhz 250 tỷ đeiv, bâuv 120% phênhv Trung ương choz. Tiv zix, côngz xưv cxơưz cxiz muôv muôs, sik côngv, sâu zuôr thiêz muôs tơưv hax huv tâu cxơưz tiês uô, đros 17 xiv huv kôngz nuv tâu muôs tơưv saz đrâuv têz qơưk thiêz heik kriê ntơưv niêv ciêz 21 luz têz qơưk thiêz thax tsav (chuôz ndê 5 têz qơưk pir đros shông 2020); tsiv grê hax huv cxaz chuôz muôs tơưv tax 160 tsov ntâu USD, chuôz ndê 42% pir đros tsêz no...Lơưr zơưv Nguyễn Quốc Khánh, Chủ tịch Hiệp hội Doanh nghiệp tỉnh Sơn La, đrâuv tas nro cxix luôk chinhr trị tiv phaz li sir jos, hâur co muôx côngv thôngx doanh nghiệp nhoz sâuv thax tsav, chêx cuk no muôx tâu tsênhv zos khov Chính phuv li Nghị quyết 128 tâu tso tơưv tưz paz krêz thôngz ntâu hâux lưv, tiv zix zos hâux lưv muôv muôs hax huv: “Nghị quyết 128 tsênhz tsênhz tưz tâu uô jông hâur luz nênhx thiêz tâu côngv thôngx doanh nghiệp lok six thôngx ziv uô trơưk. Tiv zix, iz cxiê vênhv thix li vênhv teiv, ju lix, jix vuv ntu đhâu njiz lok six ntâu phêv liv,taz sik nhiv no tưz muôx têx hôx phưx jông. Lơưr Cục thôngz sâu li số laov mak shông no, txơưv lok six phêv liv, taz sik tỉnh Sơn La zuôr tror uô jông qơư tsov txos zos chuôz tsar huôv tsar jông đuô thiêz”./.

(Thu Thùy-Txâur Vax cxeik nhênhv)

Tỉnh Điện Biên thiêz Tổng Công ty yar yêz za VN-CTCP (ACV) nhiv kruôr thôngx ziv lok tsưr ziv krêz côngz dưv anr yưv pênhr cxiv uô lox đar đuô yar yêz za Điện Biên hâur hli 1/2022. Hâux lưv co njuôk xav tas hur si zuôr uô tas nhos 1.500 tyv đeiv. Qơư tsav yêz za muôx: Cêr yêz za, đrêk; qơư yêz nhoz, đrêk so thiêz ntâu côngz trênhx txơưr đuô….. Txos nhiv no, tỉnh Điện Biên tưz cxiv uô tiêr têx qơư, côngz trênhx yêik txar tsôngv box muk nhoz chiê zuôr qơư uô yar yêz za, iz chas co phênhv ntâu uô tiêr luôs hâux lưv pâux nzir ar zuôr qơư uô yar yêz za zos ntơưv qơư hâux lưv. Tsênhv tsênhz zos uô tiêr hâux lưv cir ntơưr pâux nzir 118 têx luôs hâux lưv, paz max trâu 1.300 ntâu chuôz zis, lênhx nênhs  thiêz 23 tsưr tsix, xav tas nhos 892 tyv đeiv ntâu; Lênhk nhav, choz zok qơư muôx nhos 200 ntâu ha, tax xar 100% tsưr ziv tso tơưv./.

(Vũ Lợi-Riê Lâux cxeik, nhênhv)

Xav tas luz hlik 11, tas nro tỉnh Yên Bái tưz chos yiêz tâu 16 cxênhz ntâu hecta jôngr, tax 103% ntâu tsưr ziv tso tơưv. Tas nro tỉnh cux tưz pov thiêz yưr lir 112 txuz uô cxâuv chei jôngr nuv, tưz yưr lir 104 txuz, khiêz nhiêx txiêx trâu têz qơưk zuôr xar 556 tsov đeiv. Chiê txu grês cuz tox cuz jôngr, lưx lươngv qênhz jôngr tỉnh tưz uô ntâuz ntơưr yax mông, cir ntơưr por vêv jôngr thiêz phax cuz tuô cuz jôngr txos têx ziv chuôz zis tsôngv box; tuôr truôx thiêz hlôngr yiêz 1 cxênhz 479 tuêv uô ntêx nyuôk phax cuz tuô cuz jôngr đros muôx 8 cxênhz lênhx nênhs cxaz chuôz. Cxiv tsa thiêz tuôr truôx têx côngz tsinhx phax cuz, chuôz zênhx phax cuz tuôx cuz jôngr./.

(Báo YB-Txâur Vax cxeik nhênhv)

Iz luz tsêr 2 yôngx nhoz TP Lào Cai tưz trâul poz vâu, puôk tsuôx tas hur si. Txuz tsêr poz vâu co muôx yưv thâuv zar hnuz kêix 14/12, ntơưv txox cêr  Phan Chu Trinh. Chor nênhs seiz njiê pov heik pâuz, luz tsêr co trâul xưz poz vâu thâuv nhoz jê iz saz muôx iz luz tsêr sôr 116 tsênhv taz tov khơưz kuô tsêr chiê cxiv uô yiêz. Luz tsêr no trâul poz vâu cux uô ruôr hiêv, puôk tsuôx txos iz phênhv luz tsêr sôr 114 nhoz jê co thiêz. Hmôngr lok six jông tsi muôx lênhx nênhs tưs trâul uô ruôr hiêv, viv thâuv hnor thiêz pov muôx têx txơưr txar, iz lênhx nênhs lâul hnuz nhôngs siêz tsênhv nhoz hâur luz tsêr co tưz zênhx max đhiê khiêr tâu điv. Đhâu hlo thâuv muôx têx tsi jông no, lưv lươngv muôx vax huôv ntơưv qơư tưz zênhx max tuôx qênhz shuôs thiêz uô tsênhz mênhx qir tiv. Co zos txuz tsêr poz vâu tiv 2 hâur thax tsav qơư hâur shông no, qir tiv zos têx ziv chuôz zis nhoz jê iz ndis khơưz uô kuô tsêr uô poz vâu./.

 (An Kiên-Riê Lâux cxeik, nhênhv)