Niêv pos Việt Nam zênhz shôngx Trịnh Thị Lan, 101 shông, nhoz jok Đào Kiều 2, xar Thịnh Hưng, huyện Yên Bình, tỉnh Yên Bái hnuz 13/4 tưz tuôx trâu Ủy ban mặt trận têz qơưk huyện, muôz 3 triệu đêiv chiê paz phax, tar moz Covid-19. no zos niêv pos chor nhiêx cxênhx txuôs tâu hâur yênhx hli.

Zơưv Bàn Văn Thêm, Tsar Ban Dân vận huyện ủy, Chủ tịch Ủy ban mặt trận têz qơưk huyện Yên Bình puz pâuz, Niêv pos tưz uô nenhx nhoz đhâu oz jiês ntâuk tros châuz, viv li pâuz tsênhz txos têz qơưk têx cêr txov. Đros trâu hâur ntu tsênhv taz tov muôx moz Covid-19 sâuv ntiêx têz thiêz Việt Nam, niêv pos cux xar paz mê njik nhiêx chiê tir tar tâu caz moz:

“Lâul Trịnh Thị Lan zuôr zos iz lênhx nênhs trâu sơưr đơưk cơưv shâuv uô trơưk. Nhiv no muôx chôngz lênhx nênhs uô tsik tâu tâu kror hâux lưv no, pêz tsênhv kriz uô trâu hâur pêx xênhv chiê sơưr đơưk cơưv shâuv thiêz uô li niêv, cxaz chuôz paz trâu cuiv phax, tar moz covid-19”./.

(TTTB-Lik Thox cxêik nhênhv)

Chiê taz por đas jos trâu công chức, viên chức, lưx lươngv công an, bộ đội, pênhz phax uô hâux lưv ntơưv têx qơư seiz car moz; tuôr truôx lưx lươngv uô hâux lưv, jênhv vưv thiêz taz por trâu côngv thôngx, Ban chox kriê phax tar moz covid-19 tỉnh Sơn La chox kriê têx sở, nganhx muôx lưx lươngv cxaz chuôz uô jênhv vưv ntơưv qơư seiz car muôx tsưr ziv heik canr bộ uô hâux lưv huv đros chiê taz por lênhx nênhs uô hâux lưv. Six hơưv uô jênhv vưv ntơưv qơư seiz car tsơưs tiv zix zos 14 hnuz, thâuv uô tiêr tsuv chiê cán bộ, viên chức, chiến sĩ cêv kuôk ntơưv tsêr 14 hnuz, đhâu co thiêx tror mul uô hâux lưv. UB têx huyện, thành phố bax qơư nox nhoz chêx chôngk chiê jông trâu hâux lưv coar lik tas nro lưx lươngv hâur hnuz, 7 hnuz hâur ciêz, xav tas hur si têx hnuz thứ 7, hnuz ciêz, hnuz so ntênhs./.

(Thanh Thủy- Txâur Vax cxeik nhênhv)

UBND huyện Si Ma Cai, tỉnh Lào Cai nhiv kruôr muôx cuêz tênhv muôz zơưv Thox A. T. (nhoz xar Cán Cấu) xưv bluô 5 triệu đêiv nhiêx, tiv tsik uô trơưk li cui tênhv hêik kriê hâur ntu tsênhv taz tov muôx moz  covid-19.

Lơưr co, thâuv 10 six 15 phênhz hnuz 7/4, zơưv Thox A. T chuôz zis tưz tsưr tsix nox tơư yôngz trâu tuk mê nhuôs đros muôx chôngz lênhx nênhs ntơưv tiv phaz tuôx đros côngv nox trôngx yôngz. Thâuv cơ quan txơưx jênhv pov, zơưv Thox A. T tưz chiv chir hêik pâuz, hêik sơưr đơưk muk tsêr, thiêz hêik tiêk zuôr tsik tror uô cxâuv thiêz tsuv muôx txơưx jênhv trâu kror hâux lưv no. Uô ntêx co, hnuz 9/4 cux muôx iz chuôz zis nhoz phường Sa Pả, thị xã Sa Pa (Lào Cai bax nox tơư yôngz thiêz uô yôngz cok trâu tuz nhaz. Thâuv tôv uô côngz xưv nhoz ntơưv thax tsav pov tâu tưz tuôx hêik chuôz zis tso tsês têx hâux lưv co chiê uô truôx jông cui tênhv phax, tar caz moz, đhâu co zơưv thox A. V chuôz zis tưz thôngx ziv cir jênhv chiê uô trơưk./.

(An Kiên-Lik Thox cxêik nhênhv)

Têx shôngk đhâu, trâur nuv “Xênhv nênhs truôx tul” tưz khav tênhv tâu luz bê co hâur cxiv tsa luz nênhx vênhx huôv, tuôr truôx txiv ngaz, huôv tsar KTXH nhoz ntơưv thax tsav huyện Tủa Chùa, tỉnh Điện Biên. Tiv zix zos xênhv nênhs Vưx nhoz xã Mường Bàng đros chinhz yênhx gruôs cơưv ntơưr; xênhv nênhs Vưx nhoz xã Trung Thu uô jông côngz xưv zaoz zux, coar lik tuz nhuôs tsi chiê muôx zênhs zax zênhz, tsi mnôngs lơưr nênhs fêv; xênhv nênhs Vix thiêz xênhv Zax nhoz Sính Phình, xênhv nênhs Lờ nhoz xã Xá Nhè đros phongz yaox huôv tsar tu zus tsiêx cxu.... Zơưv Lò Văn Nắm, chủ tịch UB xã Mường Bàng puz pâuz: nhiv no tas nro xã tưz yênhx lix thiêz muôx 46 “xênhv nênhs truôx tul”. Têx xênhv nênhs cux sir jos tưr thik hâur huôv tsar kinh têr, tuôr truôx vênhx huôv chax chês, tso tsês têx cêr uô nênhx pôngz kaz; sir jos cxaz chuôz tuôr truôx txiv ngaz jêx jos; car chêx muôx chêx cuk têx hâux lưv sik txênhz, uô cxâuv chei hâur xênhv nênhs cux xưk li hâur jêx jos./.

(Báo ĐBP-TXâur Vax cxeik nhênhv)