Jiês thik tưr cơưv tiêr ntơưr cxênhx pêz shông no, tỉnh Điện Biên muôx 6.300 ntâu lênhx shux xênhz chor tsêr cơưv cxênhx pêz, Tsênhv qơư zoz zux hâux lưv uô, zoz zux thường xuyên thiêz shux xênhz tự do đăngk cir dự thik. Chiê tir tar caz moz Covid-19 txơưr txar phiv liv, Sở Zoz zux tỉnh Điện Biên tưz chox kriê 100% chor tsêr cơưv ntơưr cxênhx pêz sâuv thax tsav uô truôx jông oz tsưr ziv cê phax, tar jông caz moz Covid-19, cê bax uô jông, kho đuô tsưr ziv cơưv nzir ntơưr thik tưr cov trơưk cui tênhv, tsơưr lươngv thiêz truôx jông. Nguyễn Việt Hoàng, shux xênhz lớp 12, tsêr cơưv cxênhx pêz Mênhx cxưx nội trú tỉnh Điện Biên hêik:

“Tâu chor cưk kriê ntơưr moz siêz txos thiêz paz lok six jông hâur hâux lưv phax, tar Covid-19 thiêz hâux lưv cơưv ntơưr mak cur lok six tso siêz. Chor cưk kriê ntơưr hâur tsêr cơưv tsik so sir jos paz trâu chor shux xênhz, txix xênhz huôx hâur luz nênhx yênhx hnuz txos cơưv ntơưr pêv têx lớp, viv li cur cux pov ngaz tuk thiêz tso siêz đuô”./.

(Vũ Lợi-Lik Thox cxêik nhênhv)

Txix hnuz xiêz 10/6 txos nhiv no, hâur thax tsav chor tỉnh tox siêz faz Tây Bắc li: Lào Cai, Yên Bái, Sơn La tưz muôx ntux lok nas lox trâu cxuô thax tsav qơư. Lok nas lox ntêr, tox xưz poz, đêx nas cuôr yôngz uô 2 lênhx nênhs ntơưv Lào Cai thiêz Yên Bái trâul tuôs. Txix ntux nas lox li heik sâuv, chiê bax tsưr ziv phax tir thêir zênhx max, txo grêk tsơưs têx trâul uô ruôr hiêv, tsi jông tiv ntux uô, hâu nov cxuô thax tsav qơư, lar heik zos cấp xã tưz bax qênhz shuôs têx qơư nhoz, vax tsêr nhoz jê ntus đêx, cưx đês cưx ha, tơư trôngz…chiê muôx tsưr ziv yêik txar tsôngv px muk nhoz qơư truôx tuk. Sở Công thương tỉnh Lào Cai tưz heik cxuô taz viv tsêr meir tênhv tênhz bax tsưr ziv phax tir thêir têx tsi jông tiv ntux nas uô. Ntơưv tỉnh Yên Bái, nhoz chor huyện Trạm Tấu, Yên Bình, Trấn Yên, Văn Chấn, Mù Cang Chải zôngx ziv muôx đêx nas cuôr yôngz, tox xưz poz. Iz chas co, Ban seiz car phax tar ntux uô ruôr hiêv-Zok nriêr chơưv paz lênhx nênhs cxuô cấp tỉnh Yên Bái tưz bax uô têx faz tsưr ziv phax tar./.

 (VOVTB-Riê Lâux cxeik, nhênhv)

Thâuv đros niêv têik muk uô têz, nhuôs V.T.A, 4 shông nhoz xar Co Tòng, huyện Thuận Châu, tỉnh Sơn La tưz trâus đêir plêr ntâu jiês, uô trâu tuk nhuôs co trâus tuôs.

Xor mông xuz thơưx puz pâuz, chuôz zis muôx luz nênhx txov nhêv, viv li nhuôs V.T.A niêv thiêz txir muk uô công nhân ntơưv tỉnh Bắc Giang. Jiês so sor no nhuôs tâu chox muk trâu niêv têik zơưv txir nhoz jok Pá Khoang, xar Bó Sinh, huyện Sông Mã, tỉnh Sơn La sêiz jor.

Thâuv 1 six tar su hnuz 13/6, tuk nhuôs no tâu niêv têik chox đros muk chos poz cưk pêv têz, thâuv niêv têik tsênhv ntor ntông chêk trâus đêir za tuôx plêr. Đhâu co, nhuôs A tâu chuôz zis chox muk cxax yuôx chơưv paz, taz sik tiv trâus plêr ntâu kror viv li nhuôs tưz trâus tuôs. Mur thiêz đêir plêr mak zuôr uô njiz trâus têx phiv liv, têx thâuv tsênhv trâus tuôs. Thâuv trâus mur plêr mak tsuv thêir ntov jông têx njêx muôs thiêz têx qơư tsik muôx trik yo vor thiêz khiêr muk cov đêz qơư muôx đêir thiêz tuôx ciês trâu têx qơư y têr jê tiv zix chiê tâu chơưv kho cov sêi./.

(Trấn Long-Lik Thox cxêik nhênhv)

Tas cik hnuz 14/6, ntơưv thax tsav qơư muôs trox yêz xã Pom Lót, huyện Điện Biên, Zênhx Pênhz phax trôngx đriv Ntiêx têz Tây Trang, Bôv đôiv Pênhz phax Điện Biên đros Công an huyện Điện Biên tưz ntêk tâu iz lênhx txir nênhx zuôr muôs, thâux gra zax zênhz tsi trơưk chei. Têx chuôz zênhx yơưz pov thiêz sâu tâu ntơưv lênhx txir nênhx co chêr zos 2 poz hnaz tax njuôz, saz hâur krưr têx njiêr yuôx shơư zênhz, muôx nhos 400 njiêr, iz luz xor tôngx gra ntơưv têk. Đhâu qênhz nus, lênhx nênhs no krêz lênhk tiêk, zos Thái Xênhv Shôngx, xênhz shông 1984, nhoz ntơưv jok Tà Té A, xa Noong U, huyện Điện Biên Đông. Chor zax zênhz no Thái zuôr 3 tsov đeiv ntơưv iz lênhx pox niêv Hmôngz lok taz sik tsi pâuz bê. Tsênhv taz tov thâux gra txos tos cêr txơưv trâul tổ côngz xưv qênhz pov thiêz ntêk tâu./.

 (Vũ Lợi-Riê Lâux cxeik, nhênhv)