Thu Thùy nênhs sâu xor xưv nhoz Đeix nta suôz VN iz suôv Tây Bắc tso mông cxôngx Sơn La: Đại hội teiv plor jies tiv 19, Đảng bộ TP Sơn La (tỉnh Sơn La), six cxiv 2020-2025 krêz uô tas cik hnz 14/7 đros 225 lênhx teiv plor hlôngr njêx muôs trâu 8 cxênhz 800 ntâu lênhx đảng viên nhoz 41 tsưr tsix cơ sở Đảng hâur tas nro Đảng bộ cxaz chuôz. Phuôx plov ntơưv Đại hội, Zơưv Nguyễn Hữu Đông, Ủy viên dự khuyết Ban chấp hành Trung ương Đảng, Bí thư tỉnh ủy Sơn La tưz kruôk têx chêx cuk mak Đảng bộ TP Sơn La tax tâu hâur six cxiv đhâu. Thôngx cxix, heik mênhx, Thành phố tsuv tror hlôngr yiêz siêz xar, tsưr ziv lênhs tov, tsov cưv txos côngz xưv cán bộ lơưr saz cxiv tsa têx cán bộ muôx txâuk pênhr xưv txux chi uô jênhv vư mak Nghị quyết Đại hội tso tơưv. Đrâuv co, Thành phố Sơn La tsuv nhênhz chơưv, thix ziv đros tỉnh yưv pênhr, huôv tsar têx dự án huôv tsar niêv đrôngs, dự án muôv muôs ju lix, jix vuv vênhx huôv thiv thao, tsiv nhos zos tsênhv qơư chinhr trị, kinh têr, vênhx huôv tỉnh SƠn La thiêz thax tsav Tây Bắc./.

(Thu Thùy-Txâur Vax cxeik nhênhv)

Hnuz 14/7, Bộ Công an thiêz Tập đoanx tênhv tênhz VN tưz muôz 30 tyv đeiv nhiêx txiêx paz cxiv uô, kho đuô vax tsêr nhoz trâu têx chuôz zis pluôs hâur thax tsav huyện Nậm Pồ, tỉnh Điện Biên. Co zos têx nhiêx txiêx chiê cxiv uô 615 luz tsêr nhoz trâu tsôngv px pluôs hâur thax tsav. Nậm Pồ zos iz hâur têx huyện pluôs yax hâur tỉnh Điện Biên, nhiv no tsênhv yuôr 56% ntâu chuôz zis pluôs. Trơưk li thôngz sâu, tas nro huyện tsênhv yuôr iz cxênhz ntâu chuôz zis pluôs tsênhv uô nênhx nhoz hâur têx luz tsêr đaz tuôs, kâus kêz jik, lok six txov nhêv. Xav txos tas hnuz 13/7/2020, tas nro huyện tưz cơư tâu 150 gơưv ntông uô tsêr thiêz uô tâu tiêr 25 luz tsêr. Zơưv Lê Khánh Hòa, Bí thư Huyện ủy Nậm Pồ, tỉnh Điện biên heik:“Nậm Pồ zos huyện txov nhêv, têx chuôz zis pluôs nhiv no zuôr xar 60% thiêz tsôngv px luz nênhx lok six txov nhêv. Tsôngv px tsi muôx vax tsêr nhoz cux li muôx tsi txâuk mor nox, uô hiêv lox txos lơưr luz nênhx thiêz txiv ngaz chính trị, truôx tuk XH. Chênhr li ntơư, luôs hâux lưv paz uô tsêr nhoz trâu tsôngv px li no zuôr uô trâu px muôx luz nênhx truôx tuk, jông đuô thiêz tsưx phưv truôx chính trị, XH hâur thax tsav ntus đriv”./.

(Vũ Lợi-Riê Lâux cxeik, nhênhv)

Tỉnh Yên Bái muôx ntâu tul đêx cưx đês, pas đêx viv li zôngx ziv muôx yưv qênhx shênhx lênhx nênhs trâus pôngz đêx, tiv zix zos đros mê nhuôs zâu zos tsi tâu têx lênhx uô niêv uô txir seiz jông. Ntâu lớp kriê luôv đêx trâu mê nhuôs tưz tâu tsưr tsix, taz sik têx lớp no phênhv ntâu chêx chôngk nhoz têx thành phố, thị xã, thị trấn. Têx mê nhuôs shux xênhz nhoz tox siêz tiv luz nênhx txov nhêv, tsi tâu cơưv shâuv. Lơưr zơưv Hoàng Viễn, Phưv chủ tịch UB huyện Văn Yên (Yên Bái) têx tiv phaz tsuv cxơưz tiês côngz xưv yax mông chiê têx lênhx uô niêv uô txir muôz siêz siêz xar phax tar pôngz đêx trâu mê nhuôs. Đrâuv co, tsuv tsưr tsix jông têx huôx tôngv xênhz huôx cheix so sor trâu shux xênhz, krêz đar têx trâur nuv kriê luôv đêx trâu mê nhuôs, muôx fiêx canhv pov ntơưv têx tul đêx, pas đêx riêz nênhs....

“Huyện tưz tso tơưv ntâuz ntơưr chox kriê txos têx tsêr cơưv cux xưk li đros têx tiv phaz sâuv thax tsav huyện lok têx huôx tôngv coar lik, huôx tôngv phax tar trâus pôngz đês, kriê luôv đêx, đa đêx hâur tsêr cơưv cux xưk li bax jông trâu shux xênhz hâur cheix so sor”./.

(Tuấn Xuân- Txâur Vax cxeik nhênhv)

Công an huyện Bảo Thắng, tỉnh Lào Cai nhiv kruôr ntêk tâu iz lênhx nênhs trâul muôx zênhk zax zênhz tsênhv xar uô tuz saz nhiês txiêr têx xor tôngx ntơưv qơư tso tênhv tênhz. Lênhx nênhs co zos Hoàng Văn hùng, xênhz zus shông 1990, nhoz ntơưv jok Vàng, xã Xuân Giao, huyện Bảo Thắng. Hùng trâul ntêk cxov lok tas cik hnuz 13/7, thâuv tsênhv taz tov ndê muk trâu sâuv kror qơư tso tênhv tênhz nhoz jok Phú Thịnh 3, thị trấn Phố Lu, huyện Bảo Thắng chiê nhiês txiêr zar xor tôngx txuôk trâu hâur ar. Chênhr têx lênhx canr bôv công ty tênhv tênhz thâuv tsênhv uô hâux lưv qênhz shuôs têx xor tênhv tưz qênhz pov Hùng hnar tsôngk tril yo jông iz zav li chor nênhs kho tênhv tênhz chiê nhiês txiêr, hlê têx xor tênhv.

Thâuv trâul qênhz pov, Hùng tưz zênhx max tso têk khiêr, taz sik đhâu 2 luz six hơưv tov kaz ntơư tưz trâul công an ntêk tâu. Nhiv no lưv lươngv muôx vax huôv tsênhv tror qênhz yuôx, uô tsênhz mênhx txuz nuv co./.

(An Kiên-Riê Lâux cxeik, nhênhv)