Lào Cai tso tơưv hâux lưv huôv tsar jông tas nro chiê yênhx tsênhv qơư, qơư trâu sđ tuôx zuôr muôs, uô lax luôv xiv huv, đối ngoại nhoz VN thiêz têx têz qơưk ASEAN đros thax Tây Nam-Trung Quốc; txos shông 2025 Lào Cai tror zos tỉnh huôv tsar hâur thax tsav Trung du, Tox siêz faz Bắc; shông 2030 Lào Cai yênhx tỉnh uô tâu jông têx luôs hâux lưv uz no hâur tas nro têz qơưk thiêz lok shông 2045 zos tỉnh huôv tsar hâur hur si têz qơưk.

Iz chas têx hâux lưv zov chênhr, Lào Cai xav krêz uô thiêz tuôr truôx têx muôx jông ntơưv qơư trâu huôv tsar, hâur co “Zuôr công nghiệp zos têx zov chênhr, muôv muôs-ju lix....zos tsưr ziv jông, kôngz-jôngr nuv thiêz cxiv tsa jêx jok yiêz zos qơư chênhr”. Đại biểu Đỗ Trường Sơn, Bí thư Thành ủy Lào Cai heik pâuz:

“Đảng bộ tỉnh tsưr ziv huôv tsar, cxiv tsa têx thax tsav ciêz đrôngs lox jông, cxiv tsa têx ngênhx lok six yiêz; xav cxiv tsa TP Lào Cai thiêz thị xã Sa Pa zos ciêz đrôngs jông jav; xav kinh tế ju lix zos têx jông, zov chênhr hâur tỉnh Lào Cai, cur pov, no zos têx yiêz thiêz cur seiz hâur ntu zuôr txos uô li têx heik co zos fiv đros”./.

(VOVTB-Riê Lâux cxeik, nhênhv)

Hnuz 15/10, Sở Y tế tỉnh Sơn La tưz hêik pâuz lok qir tiv uô tus mê nhuôv nxêik muôx 2 luz hli xã Chiềng Xôm, TP Sơn La trâus tuôs đhâu cxax yuôx tir thêir moz gênhk.

Đhâu muôx yưv têx tsik jông hêik ntơư thiêz uô trơưk luôs hâux lưv chox car, qênhz yuôx, hnuz 14/10, Sở Y tế tỉnh Sơn La tưz tsưr tsix cơưv nriêr pâuz lok qir tiv sir zôngv yuôx vắc xin cxax trâu mê nhuôv chiê tir thêir moz gênhk, zos muôx cxuô lênhx nhoz Viện Vệ sinh dịch tễ Trung ương sik đros nriêr pâuz qir tiv đhâu cxax yuôx vắc xin uô mê nhuôv trâus tuôs.

Đhâu hội đôngx qênhz yuôx, sêiz njuôk shuôk: Tus mê nhuôv nxêik muôx 2 luz hli đhâu cxax yuôx tas trâus tuôs zos uô cuz hnhar trâu tus mê nhuôv co./.

                             Tsu cxêik nhênhv-Thu Thuỳ - Hạnh BT

Viện Dược liệu (bộ Y tế), Sở Khoa học thiêz Công nghệ, Ủy ban huyện Sìn Hồ, tỉnh Lai Châu nhiv kruôr sik đros cơưv Hội thảo seiz lax lok huôv tsar iz cxiê zav yuôx đrox njuôz ntơưv Lai Châu.

Ntơưv jiês cơưv, chor nênhs nhênhz chơưv khoa học thôngz đhâu têx heik pâuz, tsưr ziv nhênhz chơưv khoa học: Đhâu phênhz tsênhz mênhx lok têx zav yuôx đrox njuôz muôx 7 đeiv blôngx iz luz pax muôx nhoz tỉnh Lai Châu; xuz thơưx fuô kriê uô zuz thiêz chos tsoz yuôx đrox njuôz 7 đeiv blôngx iz zav pax co ntơưv Quảng Ninh; Phênhz lok têx jông yuôx chơưv kho moz, tsưr ziv râuz, nhox uô yuôx kho moz....

Ndax six hơưv no, Ủy ban huyện Sìn Hồ cux heik pâuz lok huyện li cêr huôv tsar kinh tế-XH thiêz tsưr ziv huôv tsar chos zav yuôx heik sâuv hâur thax tsav huyện. Nhiv no, tas nro huyện muôx 500 ha ntâu  têx yuôx co, phênhv ntâu nhoz trâu chor xã tox siêz, thax tsav thị trấn thiêz iz cxênhz ha ciêv fix nhoz thax tsav qơư kis. Ntu 2020-2025, Đảng bộ huyện tror kriê tsưr ziv, chox car tsôngv px huôv tsar chos ntâu đuô têx yuôx đrox njuôz thiêz./.

(VOV4-Riê Lâux cxeik, nhênhv)

Trơưk li Ban sêiz car tir thêir nas chuô, zok nriêr chơưv paz lênhx nênhs tỉnh Yên Bái hêik pâuz, đêx nas chuô tưz uô iz lênhx nênhs nhoz huyện Trạm Tấu trâus pôngz plox. Tsênhz mênhx zos thâuvgiờ 6 six hnuz 14/10, tix lâus Tráng x muôk, xênhz shông 1987, nhoz jos  Pa Khoang, xã Túc Đán, huyện Trạm Tấu trâus đêx cuôr yôngz trâu thâuv tix lâus Tráng đros 10 lênhx muk uô hâux lưv lok txos ntơưv tus đêx Nậm Động nhoz thax tsav xã. Thâuv ntơư, ntux lok nas, đêx huôv lox, chor cưr tix ntơư thiêx muôz iz txox hluô khi đêi hla đhâu đêx, taz sik thâuv tix lâus Tráng tsênhv muk txos trâu đraz đêx, txox hluô co chiê tu, tix lâus Tráng thiêx trâus đêx cuôr yôngz.

Txêik tâu mông, xã tưz tso lực lươngx sik đros zok nriêr, taz sik zok txos trâu thâuv 4 six hnuz 15/10 cux tsênhv zok nriêr tsik pov tix lâus Tráng kror tưs hlo./.

          Tsu cxêik nhênhv-VOVTB - Hạnh BT