Ủy ban tỉnh Lào Cai nhiv kruôr cir ntơưr thôngx ziv trâu tsưr ziv phênhz têx nhiêx txiêx, chiê yêik txar 100 ntâu chuôz zis tsôngv box nhoz hâur thax tsav vuôz tsuôz, kiêk nênhs ntơưv thax tsav Công nghiệp Tằng Loỏng, huyện Bảo Thắng, tỉnh Lào Cai muk nhoz qơư truôx tuk. Têx chuôz zis tsôngv box tâu yêik txar qơư nhoz co phênhv ntâu zos ntơưv jok 1, jok 5, thị trấn Tằng Loỏng thiêz jok Phú Hà 1, xã  Phú Nhuận, huyện Bảo Thắng. Co zos têx thax tsav trâus uô hiêv hnhar txix têx tsêr meir têx vuôz tsuôz, kiêk nênhs. Xav hur si têx nhiêx yêik txar tas muôx nhos 130 tỷ đeiv, pheiz uô 2 jiês yêik txar./.

                               (An Kiên-Riê Lâux cxeik, nhênhv)

Ciêz hmo ntux San Thàng, thành phố Lai Châu, tỉnh Lai Châu nhiv kruôr tâu kriz uô ntơưv ciêz tox siêz San Thàng, xar San Thàng. Ciêz tâu phêiz uô pêz kror qơư chênhr: qơư muôs zav nox, qơư muôs đêx hâuk thiêz qơư muôx têx huv uz no. Hâur hmo piz kriz uô, ciêz tưz txêik tok muôx yênhx cxênhz lênhx nênhs hâur thax tsav thiêz tsôngv kruô tuôx ndis shuôk, zuôr huv. Ciêz San Thàng zuôr tâu kriz uô trâu chor hmo thưr 7 yênhx ciêz. Ciêz tâu kriz uô zuôr paz tuôr chiê cxuô mênhx cxưx têx vênhx huôv jông. Đhâu chor jiês uô ciêz, tiv phaz zuôr piêr pâuz lok têx hax huv, zav nox cxôngx nzor txos trâu sơưr đơưk; paz thơưz du lịch huôv tsar./.

(Khắc Kiên-Lik Thox cxêik nhênhv)

Hnuz hội vênhx huôv, thêv thao, tsiêz hluôk nênhs công nhân 2020 tỉnh Sơn La nhiv kruôr tâu tsưr tsix ntơưv thị trấn Nông trường Mộc Châu, huyện Mộc Châu, đros ntâu zav txux chi jông thiêz tsênhv tsênhz. Hâur tsaz yênhx uô têx nuv jông siêz cheix ntux no 2019-cheix ntux yiêz uô têx hâux lưv jông siêz shông 2020, Ban tsưr tsix tưz phuôx tôngv ntâu côngz trênhx, hâux lưv hluôk nênhs muôx liv, tsênhv tsênhz li: Vênhv tôngv hluôk nênhs uô têx nuv jông siêz đros paz cxiv “Uô tsêr nhoz trâu têx shux xênhz nox nhoz hâur tsêr cơưv, cơưv ntơưr niêv txir zus mor’; “cheix ntux yiêz siz hluz siz paz-Tsiêz trâu têx lênhx nênhs moz pluôs”..... Đhâu hlo thâuv phuôx tôngv uô tsaz yênhx heik sâuv, Ban tsưr tsix tưz muôz 10 poz huv puz trâu têx hluôk nênhs công nhân muôx luz nênhx txov nhêv, muôz 10 poz học bổng trâu têx nhuôs muôx niêv thiêz txir zos công nhân muôx luz nênhx txov nhêv./.

(Trấn Long-Riê Lâux cxeik, nhênhv)

Phongx Cảnh sát phax cuz tuô cuz (Công an tỉnh Điện Biên) đros chor lưx lươngv xar Noong Luống, huyện Điện Biên nhiv kruôr tuô tâu iz txuz hluôr tơưl cuz jôngr sâuv thax tsav. Chính quyền tiv phaz txêik tâu xor môngz hêik pâuz muôx iz txuz hluôr tơưl cuz jôngr ntơưv thax tsav jok Noong Luống A1. Ciês đhâu co, chính quyền xar tưz huiz tôngv muôx nhos 100 lênhx nênhs zos dân quân, công an viên, pêx xênhv chor đội 15, 19 (zos chor nênhs tâu choz zok sêiz jor jôngr) sêiz đrơưv tuôx tuô hluôr tơưl. Đhâu 5 six hơưv hluôr tơưl tưz tâu tuô tuôs. Nhiv no qir tiv txuz hluôr tơưl cuz jôngr no tsênhv tâu cơ quan txơưx jênhv qênhz yuôx uô cov tsênhz mênhx./.

(Vũ Lợi-Lik Thox cxêik nhênhv)