Têis cik 15/12, Ủy ban tỉnh Lai Châu tsưr tsix Jiês cơưv trực tuyến txos 8 kror qơư nhoz têx huyện, thành phố lok ntâuk gri qênhx shênhx kriz uô tsưr ziv huôv tsar kinh têr, xar hôiv shông 2021, kriz uô jênhv vưv shông 2022. Shông 2021, đros tas nro cxiv luôs chính triv li sir jos, tỉnh Lai Châu tưz tax tâu chuôz ndê GRDP 5,6%; tas nro phênhv sâu xav lênhx nênhs njuôk xav tâu muôx 44 triệu đêiv ntâu iz lênhhx nênhs iz shông; tỉnh li uô côngz nghiệp njuôk xav ndê muôx 8,7% pir li shông 2020; phênhv sâu nhiêx txiêx têz njuôk xav tâu muôx 2.000 tiv đêiv ntâu. Shông 2022, tỉnh Lai Châu tso tơưv tsưr ziv por vêv cxix cxuô đas jos trâu pêx xênhv; sir jos paz trâu chuôz ndê kinh têr. Tiv zix, thax tsav qơư sir jos trâu hlôngr yiêz hành chính, hlôngr yiêz tênhv qơư yưv pênhr kinh doanh, huôv tsar kôngz nuv lơưr saz uô hax huv tsơưr lươngv siêz, sir jos huôv tsar du lịch đros trâu tuôr chiê têx vênhx huôv cxuô mênhx cxưx./.

(Khắc Kiên-Lik Thox cxêik nhênhv)

Đros tsưr ziv “Sik đros cxiv tsa iz Lào Cai tsâu sor, têz qơưk Việt Nam vav mênhx, huôv tsar jông”, tsaz yênhx uô nênhx shir phaz zos Cơ quan hux jos ntiêx têz Hàn Quốc chơưv paz hâur six hơưv đhâu tưz paz lok six jông trâu txo grêk cêr pluôs truôx nhoz thax tsav tox siêz Lào Cai. Iz chas paz max zuz nôngz kôngz, tsiêx tu zus, taz yênhx tsênhv paz xi măng trâu tsôngv box Si Ma Cai uô cêr luôv xuôz jêz muk lol hâur jêx jok tâu xar muôx 40 cêik, txix ntơư sơưr đơưk zôngx ziv muk lol tâu, thâux xa têx hax huv. Iz chas Si Ma Cai, thị xã Sa Pa thiêz 2 huyện txơưr đuô hâur Lào Cai zos: Bắc Hà, Mường Khương cux tâu tsaz yênhx paz max hur si. Xav tas nro têx phênhv paz co tas muôx 600 tyv đeiv ntâu, thiêz phênhv ntâu zos paz đas jos, tsưr ziv uô….. Zos iz chuôz zis txov nhêv nhoz xã Quan Hồ Thẩn, huyện Si Ma Cai, tỉnh Lào Cai, zơưv Lìu Seo Áo chuôz zis tâu tsaz yênhx paz max iz tus tưv chiê tu zus. Khov tâu paz nôngz tưv zus, zơưv Áo thiêz pox niêv mê nhuôv muôx qơư khov chiê huôv tsar uô nox uô hnar, hla đhâu cêr pluôs. Zơưv Áo heik:

“Tsaz yênhx paz max chuôz zis iz tus nôngz tưv chiê zus, nhiv no tưz sha tâu 2 tus mê nhuôv, iz tus muôs tâu 40 tsov đeiv, iz tus muôs 25 tsov đeiv. Chuôz zis tưz tiz jông zus tus niêv tưv co, vav chiê siêz hâur six hơưv zuôr txos, chuôz zis tror tâu sơưr đơưk moz siêz, paz max txos thiêz”./.

(An Kiên-Riê Lâux cxeik, nhênhv)

Têx hnuz nhiv kruôr đhâu, chor jâuz sâuv thax tsav thành phố Sơn La, tỉnh Sơn La ndê gri, muôx têx zav jâuz ndê siêz đuô 2 jiês pir li ntu uô ntêx. Ndis shuôk iz cxiê luz ciês ntơưv thành phố Sơn La, chor jâuz cux muôx ntâu zav, taz sik gri ndê siêz, xưk li txir lưk suôr muôx gri muôs txix 50.000-70.000 đêiv iz cir, siêz đuô 2 jiês pir li ntu uô ntêx; iz cxiê zav jâuz, txir, kok txơưr cux ndê txix 2-3 jiês, li: Tâuz đas, tâuz tưs 20.000 đêiv iz cir; cà rốt, kok zax zưv 30.000 đêiv iz cir; têx zav jâuz nox nhôngk 50.000 đêiv iz cir… Hêik lok kror no, niêv tix Kiều Thị Mai, nênhs muôs huv ntơưv ciês 7/11, thành phố Sơn La puz pâuz: tiv phiv liv txix moz Covid-19, uô thiêz thâux xa têx jâuz, hax huv njiz trâus iz cxiê kror phiv liv. Đuô thiêz, thâuv txos chêix ntux no li no mak uô trâu chor jâuz huôv tsar kênhz, muôx tsik txâuk jâuz chiê muôs:

“Tiv jiês ntux no nhiv kruôr đhâu, muôx tê lok, jâuz hloz lox kênhz viv li grê muôs chor jâuz cux chuôz ndê siêz đuô”./.

(TTTB-Lik Thox cxêik nhênhv

Công an tỉnh Điện Biên nhiv kruôr qir fuô uô luôs hâux lưv sơưr tơưv txênhz, phax tir thêir têx nênhs fêv, nênhs uô cxâuv chei têz qơưk, taz por txiv ngaz, truôx tuk hâur six hơưv tsiêz têz qơưk tsor shông 2022 thiêz fuô uô têx hâux lưv qênhz yuôx, phax tir thêir chor nênhs uô cxâuv chei têz qơưk sâuv têx cêr muk lol. Đại tá Ngô Thanh Bình, Giám đốc Công an tỉnh Điện Biên heik pâuz: Six hơưv uô ntêx, hâur thiêz đhâu tsiêz têz qơưk, khênhr muôx ntâu têx cuz nxor li uz li no phiv liv, chênhr viv li, hâur ntu fuô uô têx hâux lưv co, Công an tỉnh Điện Biên zuôr tso yênhx puô lênhx canr bôv, chiến sỹ muk trâu cxuô thax tsav chiê bax phax tir thêir, sơưr tơưv txênhz têx nênhs fêv, nênhs uô cxâuv chei têz qơưk, tsưx phưx truôx qơư nhoz, cov sơưr đơưk shir phaz lus nox iz luz tsiêz sor si, truôx tuk thiêz lov jêv./.

(Vũ Lợi-Riê Lâux cxeik, nhênhv)