Tas cik hnuz 15/4, Hội đồng bo xeir têz qơưk li đoanx côngz xưv zos Ủy viên Trung ương Đảng, Phưv Chủ tịch côx hôiv Nguyễn Đức Hải uô tsar đoanx tưz muk qênhz yuôx côngz xưv bo xeir teiv plor côx hôiv thiêz HĐ cxuô cấp six cxiv 2021-2026 ntơưv tỉnh Yên Bái. Ntơưv jiês uô hâux lưv, têx lênhx nênhs đoanx côngz xưv tưz gôngr ziv chênhv lok côngz xưv bax trâu jiês bo xeir, hâur co muôx côngz xưv yax mông, tsov zix zos yax mông lok bo xeir đros thax tsav tsôngv box mênhx cxưx tsơưs nênhs....Thôngx cxix thix ziv ntu zuôr txos, tỉnh Yên Bái tsuv tror chuv tôngv hâur côngz xưv thôngz xor mông, pâuz tâu tsôngv box, tiv zix zos tsôngv box nhoz thax tsav tox siêz, thax tsav tsôngv box mênhx cxưx tsơưs nênhs li têx siêz xar njôngr./.

(Đinh Tuấn-Txâur Vax cxeik nhênhv)

Hâur têx hnuz no, Ủy ban Mặt trận têz qơưk thành phố Lào Cai tsênhv tsêx trung qênhz shuôk chor tsưr tsix, nênhs ứng cử li têx ntâuz ntơưr, côngz xưv bax trâu bâux xêir xưk li lo chiv bê ntơưr chor cử tri, bax jông cxuô zav ntơưv têx taz viv bâux xêir, uô tsưr ziv phax tar ntux têz uô hiêv, phax tar moz Covid-19…ntơưv cxuô thax tsav qơư. Nhiv no, 80% ntâu xar, phường tưz tâu qênhz yuôx, sêiz kaz. Zơưv Đoàn Văn Ngàn, Chủ tịch Ủy ban Mặt trận Têz qơưk Việt Nam thành phố Lào Cai puz pâuz:

“Đuô li pêz tsênhv sêiz kaz tsik so đhâu nriêr pâuz têx xor mông, txêik jênhv đơưk tu têx ntơưr pênhr. Tsênhv tsênhz mak pêz tsênhv txêik tsik tâu tâu têx ntâuz ntơưr pênhr cik txos côngz xưv bâux xêir. Taz sik pêz cux tsuv nriêr pâuz chiê đơưk tu, iz zav li ntơưv têx jiês cơưv zuôr cử tri ziv chênhv nhiv kruôr đhâu, muôx têx kror cử tri tsênhv pâuz tsik tâu tâu tsênhz, xar tiêk tsik zos taz sik đhâu thâuv sik thav, cử tri tưz pâuz tâu tiêk pêz uô huv zos li tsưr ziv, huv zos li hêik kriê, tâu uô dân chủ, ndax ndênhk, tsênhz mênhx”./.

(An Kiên-Lik Thox cxêik nhênhv)

Thâuv 12 six tar su hnz 15/4, ntơưv xã Phổng Lăng, huyện Thuận Châu, tỉnh Sơn La muôx yưv iz txuz pôngz đêx uô 3 lênhx shux xênhz trâus tuôs. Xor mông qir thơưx xav tênhv, 3 lênhx shux xênhz zos Quàng Hải B, Cà Văn Đ, Lò Văn S puôr lênhx nhoz xã Phổng Lăng, huyện Thuận Châu, zos shux xênhz cơưv tiv 4, tiv 5 tsêr cơưv cxênhx 1- cxênhx 2 Phổng Lăng. Têx mê nhuôs shux xênhz no sik zâuv muk cơưv ntơưr nzor, txos ntơưv pas đêx nhoz jos Lăng, xã Phổng Lăng txơưv sik zâuv muk đa đêx thiêz trâus pôngz đês. Thâuv txos six hơưv cơưv ntơưr, cưk kriê tsi pov 3 lênhx shux xênhz tuôx cơưv ntơưr viv li tưz thôngz pov trâu chuôz zis, đhâu co thiêx nriêr pov 3 lênhx shux xênhz trâus pôngz đês. Ciês thâuv jênhv tâu xor mông, têx lưx lươngv muôx txơưx jênhv đros chính quyênx tiv phaz, pox nhuôs hâur jos tưz muk nriêr tâu 3 lênhx mê nhuôs no thiêz choz trâu chuôz zis uô đaz uô kruô./.

(Trấn Long- Txâur Vax cxeik nhênhv)

Têis cik hnuz 15/4, Phongx Cảnh sát Zoz thôngz, Công an tỉnh Điện Biên tưz tsưr tsix kriz uô luôs hâux lưv tuôr truôx ngaz tuk zoz thôngz hâur jiês so ntênhk 30/4-1/5 thiêz por vêv bâux xêir têiv plor Côx hôiv khóa 15, têiv plor Hội đôngx cxuô cấp. Thượng tá Trần Văn Vang, Phưv trưởng phongx Cảnh sát zoz thôngz, Công an tỉnh Điện Biên puz pâuz: hâur jiês kriz uô hâux lưv no, taz viv zuôr tso chôngz lênhx nênhs đros trâu chuôz zênhx thiêz kriz uô jông, cxuô nro têx tsưr ziv tuôr truôx ngaz tuk zoz thôngz, ngaz tuk xar hôiv chiê phax tar thiêz txo grêk tsơưs txiêz nanv zoz thôngz.

“Phongx Cảnh sát zoz thôngz Công an tỉnh Điện Biên tưz tso tơưv têx tsưr ziv chiê uô jông ngaz tuk zoz thôngz li qênhz yuôx jông chor yêz thâux xa kruô, chor shux xênhz. Thôngx cxix sir jos yax krie trâu chor nênhs cxaz chuôz zoz thôngz pâuz txos têx kror uô cxâuv chêi zoz thôngz thiêz têx qir tiv zuôr uô muôx yưv txiêz nanv zoz thôngz; txix co paz gra siêz đuô jênhv pâuz thiez paz txo grêk tsơưs txiêz nanv zoz thôngz sâuv thax tsav”./.

(Vũ Lợi-Lik Thox cxêik nhênhv)