Xor mông cxôngx Sở zaoz zux thiêz thox cxov tỉnh Lai Châu puz pâuz, tiv phaz muôx shux xênhz tik tâu lớp 12 tax 96% ntâu, hâur co hệ THPT muôx shux xênhz thik tâu siêz tiv zix zos 98% ntâu, tsênhv qơư zaoz zux yax six tax zuôr xar 85% thiêz shux xênhz tự do tax zuôr xar 47%. Jiês thik THPT têz qơưk shông no, tỉnh Lai Châu muôx 3 cxênhz 233 lênhx shux xênhz nhoz têx tsêr cơưv THPT, mênhx cxưx nội trú, tsênhv qơư zaoz zux yax six thiêz kriê hâux lưv uô thiêz shux xênhz txơưr cxaz chuôz dưv thik. Đhâu thâuv seir côngz jênhv cơưv tiêr lớp 12, tỉnh Lai Châu muôx 114 lênhx shux xênhz thik tsi tâu đhâu, hâur co muôx 3 lênhx tâu 0 điểm. Tas nro tỉnh muôx 1 jax thik tax 10 điểm, 193 jax thik tax 9 điểm ndê muk thiêz muôx shux xênhz tâu xeir muk cơưv đại học, cao đẳng nhoz têx nganhx A01, đros 26,6 điểm./.                               

(K.Kiên- Lan cxêik nhênhv)

Hâur 2 hnuz nhiv kruôr đhâu, chor nênhs siêz jông Huệ Thảo, tỉnh Quảng Ninh sik côngv đros chính quyền tiv phaz 2 xar: Mường Lói, Phu Luông (huyện Điện Biên, tỉnh Điện Biên) tưz khơưk muôz 2 luz tsêr thiêz 700 đêiv vuôk vor tsêr trâu 14 ziv chuôz zis pluôs, chuôz zis muôx luz nênhx txov nhêv sâuv thax tsav, đros tas nro tsiv gri muôx 130 triệu đêiv. No zos chor nhiêx tâu 20 ntâu lênhx nênhs hâur hôiv sik côngv thiêz huiz tôngv nzir chor nênhs siêz jông nhoz sâuv thax tsav tỉnh Quảng Ninh paz. Hâur co 2 luz tsêr tâu khơưk muôz trâu 2 ziv chuôz zis muôx luz nênhx txov nhêv tiv zix nhoz oz jok Tin Tốc, Huổi Không (xar Mường Lói), 700 đêiv vuôk vor tsêr tâu khơưk muôz trâu 12 ziv chuôz zis pluôs xar Phu Luông. Zơưv Lò Văn Siêng, Chủ tịch Ủy ban xar Mường Lói puz pâuz:

“Oz chuôz zis co jênhv tâu têx paz thâuv muôx luz nênhx lok six txov nhêv. Lò thị Soong mak tsik muôx niêv txix thâuv zâuv tsuôk uô iz luz tsêr fênhz suôz zâu chiê nhoz xưz. Nhiv no chor nênhs txov nhêv sâuv thax tsav xar yuôx muôs 20% ntâu, vax tsêr đaz tuôs tsik muôx tsar tov chiê uô tsêr yiêz nhoz. Viv li cấp ủy, chính quyền xar cux tsênhv hêik chor nênhs siêz jông sik côngv sir jos chiê paz trâu lơưr”./.

(Vũ Lợi-Lik Thox cxêik nhênhv)

Hnuz 15/7, Công an tỉnh Yên Bái qir sơưr cêr muk qênhz yuôx têx yêz thâux kruô, yêz teiv lox thiêz yêz mô tô lơưr Cục cảnh sát zaoz thôngz, Bộ công an li chox kriê. Jiês qênhz yuôx no tâu uô cxôngx hnuz 15/7 txos tas hnuz 14/8. Đrâuv hâux lưv qênhz yuôx txâuk 4 zav ntâuz ntơưr lơưr Chei zaoz thôngz cêr ar li cui tênhv, lưx lươngv cảnh sát zaoz thôngz Công an Yên Bái tsênhv cxơưz tiêk qênhz yuôx, seiz car, chiê pov têx uô cxâuv lok thâux chôngz kruô tsi trơưk cui tênhv, thâux tsơưr cuz tơưs, thâux hnhar tsi trơưk cui tênhv... Trung tá Vũ Thanh Tùng, Phưv tsar phongx cảnh sát zaoz thôngz Công an tỉnh Yên Bái puz pâuz:

“Đros thiêz côngz xưv yax mông, pêz cxơưz tiês seiz car, pov thiêz yưr lir têx uô cxâuv lok taz por zaoz thôngz. Cxơưz tiês thiêz uô txos qơư têx tsưr ziv taz por zaoz thôngz li: yưr lir uô cxâuv lok hâux lưv hâuk chơưr bia thâuv cxaz chuôz zaoz thôngz, tsar yêz muk chênhr, lok hâux lưv tsi ntông mov por vêv tâuz hâu thâuv cxaz chuôz zaoz thôngz”./.

(Tuấn Xuân- Txâur Vax cxeik nhênhv)

UBND phường Đoàn Kết (thành phố Lai Châu) sik côngv đros tsênhv qơư viv huôv tsar truôx đrênhk tox siêz, cxiv luôs tuôr chiê thiêz huôv tsar txux chi ntơưv tiv phaz cxuô mênhx cxưx tsơưs nênhs Việt Nam ntơưv tỉnh Lai Châu nhiv kruôr suôv câuv lớp kruôz kriê tuôr chiê vênhx huôv hêir nênhs Thái.

Lớp cơưv no tâu piz cơưv txix hnuz xiêz 7/5, muôx 35 lênhx nênhs zos hôiv viên câu lạc bộ tuôr chiê vênhx huôv Thái phường Đoàn Kết, chor nênhs nhiêv trax, hêik gâux ntơưv chor phường sâuv thax tsav thành phố cxaz chuôz. Tuôx lớp cơưv no, nênhs cơưv tâu cơưv têx zav trax, kênhx…suôv câuv jiês cơưv, 23/35 lênhx nênhs tưz pâuz ntâuk thiêz kox trax; tas nro chor nênhs cơưv tâu côngz jênhv cơưv tiêr khóa cơưv no./.

(Báo Lai Châu-Lik Thox cxêik nhênhv)

Tas cik sơưr nzor hnuz 16/7, ntơưv đrôngs Sơn La muôx ntux lok nas lox. Lok nas ntêr hâur ntâu six hơưv uô yênhx puôk luz tsêr trâus đêx ngaz, ntâu ntu cêr ntơưv têx phường Quyết Thắng, Tô Hiệu, Quyết Tâm trâus đêx ngaz toz zuôr xar 1 yiv. Trâus ngaz hnhar tiv zix zos têx ziv chuôz zis nhoz thax tsav buôk pas njês zơưv Hloz Hôx, nhoz phường Tô Hiệu. Têx cêr trâus ngaz li cêr Trường Chinh, cêr Hoàng Quốc Việt txos 8 six sơưr nzor đêx tsênhv ngaz toz, yêz lax muk lok tâu. Lưx lươngv muôx txơưx jênhv tưz tuôx ntơưv têx qơư muôx đêx ngaz heik kriê zaoz thôngz, canhv pov têx qơư muk đhâu tsi tâu. Lơưr văn phongx Ban chỉ huiz phax tar ntux nas thiêz nriêr chơưv nanv tỉnh, ciês tas cik no zuôr tso đêx ntơưv tuk qox hla đhâu ntơưv đrôngs Sơn La chiê đêx nzor xâuk tas hâur thax tsav niêv đrôngs Sơn La./.

(TTTB-Txâur Vax cxeik nhênhv)