Khắc Kiên, chor sâu xor xưv Đeix TNVN nhoz faz Tây Bắc xa mông txix Lai Châu: Txix hnuz 13/7 txos hnuz 15/7, Đảng bộ huyện Tam Đường, tỉnh Lai Châu Đại hội jiês tiv 20, six cxiv 2020-2025, muôx 221 lênhx đại biểu, hlôngr njêx muôs trâu 2.600 ntâu lênhx đảng viên hâur tas nro đảng bộ cxaz chuôz dưv.

Six cxiv 2020-2025, Đảng bộ huyện Tam Đường tso tơưv 10 tsưr ziv sir jos uô cov tiêr li: phênhv sâu tâu xav kror đruôz đraz iz lênhx nênhs tâu 50 tsov đeiv iz shông; sâu nhiêx txiêx têz qơưk tâu 55 tyv đeiv; têx chuôz zis pluôs txo grêk tsơưs 3% iz shông; phênhv sâu tâu txix ju lix muôx 230 tyv đeiv, sir jos chox thax tsav qơư yênhx tỉnh Lai Châu tsênhv qơư ju lix......

Đại hội tưz bo xeir BCH Đảng bộ huyện, khóa 20 muôx 35 lênhx đôngx chir. Jiês cơưv tiv iz BCH Đảng bộ huyện tưz bo Ban Thường vụ, Bí thư, Phưv Bí thư, Ủy ban qênhz yuôx, seiz car Ủy ban qênhz yuôx. Đôngx chir Hoàng Quốc Khánh, Bí thư Đảng bộ huyện khóa 19 tror tâu bo uô Bí thư Đảng bộ huyện Tam Đường khóa 20, six cxiv 2020-2025./.

(Khắc Kiên-Riê Lâux cxeik, nhênhv)

Thu Thùy nênhs sâu xor xưv nhoz Đeix nta suôz VN iz suôv Tây bắc tso mông cxôngx SƠn La: Đhâu 3 hnuz uô hâux lưv, tas nro cik hnuz 15/7 Đại hội teiv plor Đảng bộ TP Sơn La tưz uô tiêr têx tsaz yênhx tso tơưv thiêz suôv câuv yênhx côngz jông. Đros chinhz yênhx sik côngv siêz, chêx chôngk, jênh chuv thiêz thôngx ziv siêz, Đại hội tưz bo xeir BCH six cxiv 2020-2025 muôx 39 lênhx nênhs. Ntơưv jiês khiêz phêv tiv 1 BCH Đảng bộ TP khóa 19, đros chor ntơưr bo xeir tax 100%, zơưv Hà Trung Chiến, Ủy viên Ban thường vụ Tỉnh ủy, Bí thư thành ủy khóa 18 tror tâu njênhs njôngr bo xeir uô Bí thứ Thành ủy khóa 19, six cxiv 2020-2025. Jiês khiêz phêv cux tsưr tsix bo xeir Ban thường vụ thành ủy muôx 13 cán bộ, bo xeir têx chức danh Phưv bí thư, Ủy ban qênhz yuôx Thành ủy thiêz bo xeir đoanx teiv plor muk dưv đaị hội thênhv siêz muôx 26 lênhx./.

(Thu Thùy-Txâur Vax cxeik nhênhv)

Zơưv Quàng Văn Việt, Phưv Chánh văn phongx Ban seiz car phax tar ntux uô hiêv thiêz zok nriêr chơưv paz lênhx nênhs tỉnh Lào Cai heik pâuz, txos nhiv no tỉnh Lào Cai tưz uô tâu 52 qơư seiz njuôk shuôs, heik pâuz thiêz njuôk xav ntux têx txơưr txar. Luôs hâux lưv yưv pênhr uô têx qơư li heik sâuv, xuz thơưx tưz uô tâu jông thiêz phưx vưv tâu hâur ntu tso tơưv quyết tinhv phax tir thêir ntux uô ruôr hiêv. Taz sik, txix ntux têx txơưr txar lok six phiv liv, chiê uô tâu jông luôs hâux lưv phax tar, xav tâu têx tsưr ziv seiz njuôk, heik pâuz lok ntux têx txơưr txar tsi jông, lar heik zos tsuv xa mông thiêz bax têx tsưr ziv trâu px nhoz thax tsav zôngx ziv njiz trâul ntux uô hiêv phax tir thêir thiêz pâuz tâu cxix cxuô:“Têx tsưr ziv, ntơưr xa yax kriê tsuv zôngx ziv, zos ntâu hênhr px luôs cux tsi nhênhv, tsi moz siêz txos. Zov chênhr zos uô ntêx, hâur thiêz đhâu ntux uô hiêv, px tsuv uô li chas, phax tir thêir, txar jav li chas. Tsênhz đuô zos chor txir nênhx uô đaz tsi, pox niêv uô têx nuv tưs. Thâuv yêik txar qơư nhoz mak zuôr yêik txar muk nhoz kror tưs, suôv qơư tưs.... Zuk vax tsêr trâul đêx ngaz mak khiêr đreiv muk nhoz trâu chuôz zis tưs; tox xưz poz zuôr muk khiêr muk trâu thax qơư tưs thiêx truôx tuk. Co zos têx px zuôr trâul pâuz thiêz tsuv tâu yax kriê trâu px pâuz”./.

(BTS-Riê Lâux cxeik, nhênhv)

Tix lâuk Đặng Văn Đại thiêz niêv lâuk Nguyễn Thị Hà 2 niêv txir nhoz xã An Thịnh, huyện Văn Yên, tỉnh Yên Bái têx hnuz no siêz nhoz tsi kaz ciês hlo. Yêz teiv thâux hax huv mak tưz muôs lơưv, trôngz chos ciêv fix mak tsi tâu txos six hơưv sâu cux tưz txiêr muôs chiê thêv nux grê taz sik cux tsi tâu tas. Tix lâuk Đại thiêz niêv lâuk Hà puz pâuz, chuôz zis tưz txeik pênhr chiê zuôr cxaz ciêv fix muôs trâu Công ty TNHH tsiv uô,muôs tơưv Đạt Thành. Nhiv no công ty no tsênhv yuôr chuôz zis 435 tsov đeiv tsi tâu thêv. Ntâuz ntơưr xav tênhv tsênhv nhoz no, taz sik tsi pâuz thâuv tưs Công ty thiêx li thêv:“Công ty yuôr ưz lok six ntâu nhiêx txiêx, ưz teix mak công ty six fênhx heik tos txos ciêz no, ciêz uz, hli no hli uz, shông no shông uz. Công ty heik li xưz taz sik tsi thêv. Viv yuôr ntâu nux grê ưz tsuv mul txeik zênhx hangx thiêz txeik đrâuv chiê thêv”./.

   (VOVTB-Txâur Vax cxeik nhênhv)