Hmo ntux thiêz têik cik sơưr nzor hnuz 16/4, sâuv thax tsav tỉnh Yên Bái muôx ntux nas lox nhoz ntâu qơư đros chuô lox, uô 200 ntâu luz tsêr nhoz Mù Cang Chải trâus za trur. Njuôk xav trâus hiêv lok nhiêx txiêx muôx 200 triệu đêiv. Ciês jênhv tâu xor mông, huyện Mù Cang Chải tưz chox kriê, huiz tôngv lưx lươngv ntơưv qơư khưx phưx têx trâus hiêv, sêiz nus thiêz paz trâu chor chuôz zis trâus hiêv. Tỉnh Yên Bái cux hêik chor huyện, thị xã tror sêiz kaz jông qiv hơưv li txơưr txar chiê phax tar, paz truôx tuk luz nênhx thiêz uô xênhz yar trâu pêx xênhv./.

(Thừa Xuân-Lik Thox cxêik nhênhv)

Thôngz sâu cxôngx Ban chỉ huiz phax tar ntux nas thiêz nriêr chơưv nanv huyện Mộc Châu tỉnh Sơn La puz pâuz, jiês lol lơưs đros chuô lox ntơưv tiv phaz zar hnuz keix hnuz 14/4 nhiv kruôr đhâu uô 20 luz tsêr trâus zơưk trur; 900 hecta tsoz chos trâus ruôr hiêv. Hâur co, ntâu tiv zix zos txir khơưz; lơưr co zos txir bơ, txir lưk hmaz thiêz jâuz tâuv cxuô zav. Ban chỉ huiz phax tar ntux nas thiêz nriêr chơưv nanv huyện Mộc Châu tưz qênhz yuôx qênhx shênhx ntơưv tiv phaz thâuv muôx ntux nas. Uô ntêx, huiz tôngv têx pênhr jos chiê paz txưv tsôngv box khưx phưx têx trâus ruôr hiêv, nzor ngaz tul luz nênhx trâu pox nhuôs./.

(Trấn Long- Txâur Vax cxeik nhênhv)

Lơưr Ban sêiz car phax tar ntux têz uô hiêv thiêz zok nriêr chơưv paz tỉnh Điện Biên li hêik pâuz, tas nro tỉnh muôx zuôr xar 380 luz tsêr trâus hiêv đhâu jiês lok nas chuô hmo 15 thiêz têik cik 16/4 nhiv kruôr đhâu. Chor huyện, thị trâus hiêv ntâu zos: Tủa Chùa, Tuần Giáo, Nậm Pồ, Mường Ảng thiêz Mường Chà. Thôngz sâu tsik tâu cxuô, tas nro tỉnh muôx zuôr xar 380 luz tsêr trâus hiêv, hâur co muôx 2 luz trâus poz vâu tas hur si, 30 luz trâus puôk tsuôx txix 50 txos 70%, tsênhv yuôr mak trâus za trur. Đhâu ciês muôx yưv têx trâus hiêv, Ban sêiz car ntux têz uô hiêv thiêz zok nriêr chơưv paz tưz tso nênhs muk têx tiv phaz chiê njuôk xav têx trâus hiêv; paz pêx xênhv khưx phưx nzor truôx tuk luz nênhx thiêz uô xênhz yar./.

(Vũ Lợi-Lik Thox cxêik nhênhv)

Tas cik hnuz 16/4, UB taz por zaoz thôngz têz qơưk đros Ban taz por zaoz thôngz tỉnh Lào Cai, Công ty Honda Việt Nam tsưr tsix phêv ziv krêz uô tsaz yênhx khơưk muôz mov por vêv tâuz hâu trâu mê nhuôs têx tsêr cơưv sâuv thax tsav tỉnh Lào Cai. Tsaz yênhx khơưk muôz mov por vêv trâu mê nhuôs shông 2018 tâu uô đros njiêz luv “ Tuôr truôx siêz xar njôngr” zos UB taz por zaoz thôngz têz qơưk đros Bộ zaoz zux thiêz thox cxov, Công ty Honda Việt Nam krêz uô, chiê 100% mê nhuôs qir cơưv lớp 1 ( shông cơưv 2018-2019) sâuv tas nro têz qơưk tâu jênhv mov por vêv tax ploz tsênhr. Đhâu co gôngr phênhv muôz siêz tsôngv box li siêz xar lok uô trơưk cui tênhv ntông mov por vêv tâuz hâu tax ploz tsênhr thâuv cxaz chuôz zaoz thôngz./.

(KT-Txâur Vax cxeik nhênhv)