Ủy ban tỉnh Yên Bái heik têx sở, ban, ngênhx, đoanx thêv, cơ quan, taz viv thiêz têx tsưr tsix, tsôngv px tror uô lơưr jông têx cui tinhv nhiv no lok phax tir thêir moz Covid-19, muôx hur si kuôk cêv XH tax txos trâu thâuv têx hloz muôx luk kriê txuôk lơưr co.

Nhiv no, moz Covid-19 tsênhv lok six zôngx ziv siz cik tâu hâur côngv thôngx, lar heik zos têx lênhx nênhs muk thiêz lok txix thax tsav, suôv qơư muôx moz lok hâur tỉnh Yên Bái. Iz chas co tưz heik têx tsưr tsix, px tror tsơưs muk lol trâu uz trâu no; nênhs lâuk muôx 60 ntâu shông, nênhs muôx moz gênhs tsuv nhoz hâur tsêr tsi tâu muk uz muk no hâur iz jiês no. Tsôngv px tsuôk tơưv đrâuv jôngr muk uô têx hâux lưv thâuv lok six zuôr trâul txos xưz thiêz tsuv chox ntâuz bos kror ndâux trơưk li heik kriê, nhoz siz kuôk đêz tus no trâu tus tov muôx 2 thiêr, tsi muk nhoz uô cê yax 2 lênhx ntơưv têx qơư côngz côngv, qơư uô hâux lưv. Tror uô luôs hâux lưv vêv xênhz phax tar moz trâu zuk lênhx nênhs thiêz chor nênhs hâur tsêr trơưk li Bộ Y tế heik kriê, uô jông lơưr 10 kror px Yên Bái tsuv uô tthiêz sik đros phax tir thêir moz./.

(TTTB-Riê Lâux cxeik, nhênhv)

Đhâu iz đraz hli uô lơưr cêv kuôk xar hôiv, yênhx lênhx pêx xênhv, chuôz zis nhoz Sơn La hax zav jênhv pâuz ntâu đuô lok moz covid-19 li phiv liv, cux xưk li kriz uô cxuô nro têx tsưr ziv chiê phax, tar caz moz. Pêx xênhv puôr lênhx thôngx ziv đros tỉnh li cuêz tênhv tror uô lơưr cêv kuôk xar hôiv. Lơưr pos Lê Thị Hồng Phẩm, Bí thư Chi bộ tôv 3, phường Quyết Thắng, TP Sơn La:

“Phax tar moz covid-19 lơưr Chính phủ li chỉ thị 16 pêz pov lok six jông. Pêz cux tưz yax kriê txos trâu pox nhuôs sơưr đơưk pâuz hâur ntu phiv liv li no pêz tsik  cxoz tso siêz mak tsuv tror uô cov truôx jông. Thâuv tưs muôx Chính phủ thiêz tiv phaz li cuêz tênhv yiêz mak pêz thiêz li tror uô luz nênhx thiêz têx hâux lưv jông li kuz”./.

(Thu Thùy-Lik Thox cxêik nhênhv)

Chủ tịch Ủy ban tỉnh Sơn La quyết tinhv tso shux xênhz hâur tỉnh so ntơưr tax txos hnuz xiêz 03/5 chiê phax tir thêir moz Covid-19.

Hâur six hơưv so ntơưr, têx tsêr cơưv hâur tỉnh Sơn La tâu heik cov chor shux xênhz nhoz hâur vax tsêr, tsi tâu muk ndis uô si trâu uz trâu no, tsi muk uô têx hâux lưv muôx chôngz nênhs. Sở Y tế muôx txơưx jênhv chox kriê têx taz viv lês car uô têx hâux lưv phax tar moz sir jos phax tir thêir moz gênhs trơưk li cui tinhv ntơưv têx tsêr cơưv, tsi so heik trâu têx hloz muôx vax huôv pâuz lok moz gênhs têx txơưr txar. Iz chas ntơư, tsôngv px cux tror uô lơưr jông têx tsưr ziv phax tir thêir moz Covid-19 trơưk li ngênhx y tế kriê. Tỉnh Sơn La nhiv no tsi tâu pov muôx lênhx nênhs tưs trâul moz Covid-19 hlo./.

(Thu Thùy-Riê lâux cxeik, nhênhv)

Ntơưv thành phố Lào Cai, tỉnh Lào Cai, iz chor shux xênhz nhiêv nhênhz chơưv khoa học tsêr cơưv cxênhx pêz số 1 thành phố Lào Cai đhâu iz ntu lur tưz xar tơưv uô tâu luz mêis ATM cxur chiê muôz lok phưx vưv côngv thôngx. No cux zos luz mêir ATM cxur xuz thơưx ciês ntơưv tiv phaz no. Luz mêir ATM cxur tso ntơưv trôngx vas tsêr cơưv cxênhx pêz số 1 thành phố Lào Cai đros lo luk hêik “Zos txov nhêv mak gra iz phênhv. Zos tsik txov mak tsês trâu lưv tuk”. Tas nro cxuô lênhx nênhs tuôx gra cxur puôr lênhx shir phaz:

“Cur gra tâu bâuv li no, cur sêiz pov sâuv ti vi thiêx pâuz txos, tas nro cur oz niêv txir mak tsik muôx jos uô tsik tâu đaz tsi hlo”.

“Chuôz zis txov nhêv, cur muôx oz niêv tuz, mê nhuôs muôx 60 shông lơưv, trâus tuôs iz chêr tsuôk pâuz nhoz li co xưz, tâu li no mak cux jông hênhr lơưv”.

Hâur têis cik nas hmo, tưz muôx 1 tấn ntâu cxur tâu muôz trâu xar muôx 400 lênhx nênhs txov nhêv. Chor cxur mak tâu chor nênhs siêz jông muôz paz. Nhiv no mêir ATM Lào Cai txêik tâu muôx 6 tấn ntâu cxur paz txix chor nênhs siêz jông./.

(An Kiên-Lik Thox cxêik nhênhv)

Phongx phax tar zax zênhz thiêz têx nênhs fêv uô cxâuv chei têz qơưk Bôv đôiv pênhz phax tỉnh Điện Biên nhiv kruôr seiz car đros Cục seiz car ciêz đrôngs tỉnh Điện Biên, Zênhx pênhz phax Trôngx đriv ntiêx têz Tây Trang ntêk tâu iz lênhx nênhs fax thâux ntâu têx ntâuz bos kror ndâux tsi pâuz tsênhz qơư uô.

Đhâu qênhz yuôx shuôs, tổ côngz xưv qênhz pov sâuv yêz muôx 50 ntâu luz thôngz, saz hâur ntiv ntâu têx ntâuz bos kror ndâux y tế, muôx ntâu zav ntâuz, ntơưr lo tsi siz thôngx, xav hur si muôx nhos 125 cxênhz đeiv. Qênhz shuôs lênhx nênhs tsar yêz thiêz tsưr yêz, zos zơưv Tăng Văn Thiện, muôx tsi cxix têx ntâuz ntơưr cik txos lok chor ntâuz bos kror ndâux heik sâuv.

Nhiv no Bôv đôiv pênhz phax tỉnh Điện Biên thiêz têx cơ quan cik txos tưz uô ntâuz ntơưr xưv bluô, choz zok lênhx nênhs thiêz têx huv heik sâuv trâu chor lưv lươngv muôx vax huôv muôz tik cêr cxâuv trơưk đreiv li chei têz qơưk cui tinhv./.

(Vũ Lợi-Riê Lâux cxeik, nhênhv)