Txix hâur shôngk shông txos nhiv no, tỉnh Yên Bái tưz paz, zok nriêr hâux hâux lưv uô trâu 9.600 ntâu lênhx lox tôngv, tâu 54% tsưr ziv tso tơưv thiêz ntâu đuô 2% ntâu pir li shông uô ntêx. Txix nhiv no txos kaz shông, tỉnh Yên Bái sir jos cov zok nriêr tâu hâux lưv uô trâu zuôr xar 8.700 lênhx lox tôngv, tsar ndê têx lênhx lox tôngv muôx hâux lưv uô hâur shông muôx 18.300 lênhx. Iz chas ntơư, tỉnh cux sir jos kriê txux chi tsưr ziv uô nuv trâu 15.800 lênhx lox tôngv. Zơưv Vũ Lê Thành Anh, Phưv Giám đốc Sở Lox tôngv, xaz pênhz thiêz XH tỉnh Yên Bái heik pâuz:

“Pêz tsưr tsix kriê txux chi tsưr ziv uô têx nuv li: Tsiv uô têx xiv huv, muôv muôs....hâur thax tsav chiê muôx txâuk nênhs uô hâux lưv trâu ngênhx Công thương, chêx tsôngk phênhv ntâu trâu tỉnh têx hâux lưv zov chênhr li: Tsiv uô yuôx zêx, ntông ciêv fix,....Tiv 2 zos tsưr tsix têx jiês cơưv siz chuôs njiz nhoz têx doanh nghiệp thiêz qơư kriê txux chi tsưr ziv uô nuv. Chox kriê têx qơư kriê txux chi tsưr ziv uô nuv co chuôz tsar tiês sik côngv tês đros têx doanh nghiệp, tsưr tsix kriê txux chi trơưk li siz chos cir ntơưr tsês ......”./.

(Đinh Tuấn-Riê Lâux cxeik, nhênhv)

Tiv ntux txơưr txar uô hiêv txos, txix tas cik hnuz 16/7 txos nhiv no ntơưv huyện Mường Tè, tỉnh Lai Châu tror lok nas lox, uô tox xưz poz thiêz đêx cuôr yôngz nhoz ntâu thax tsav qơư. Đros thiêz ntux nas lox ntơưv huyện Mường Tè hâur jiês no tsênhv zôngx ziv tror muôx đêx nas cuôr yôngz, tox xưz poz nhoz ntâu suôv qơư. Lar heik zos têx cêr mul lok, trâus xưz poz, uô ruôr hiêv lox hâur jiês đêx nas cuôr yôngz kaz hli 6 nhiv kruôr đhâu tsênhv cxiv kho tsi tâu tâu. Nhiv no Ban seiz car phax tar ntux uô ruôr hiêv thiêz zok nriêr chơưv paz lênhx nênhs huyện Mường Tè tưz muôx ntơưr heik cxuô thax tsav qơư bax tsưr ziv phax tar trơưk tsưr ziv 4 ntơưv qơư. Iz chas co, cxuô thax tsav sir jos uô jông hâux lưv yax kriê, vênhv tôngv tsôngv box hâur thax tsav zôngx ziv muôx tox xưz poz, đêx nas cuôr yôngz yêik txar muk nhoz qơư truôx tuk; Tsi muk đhâu têx njưs tar đêx, tsas đêx ntưk chênhr, tsi pư pêv têx liêx têz, ntâuk muôz shuôz njêl, bo tơưk hâur têx đêx thâuv hâur thax tsav lok nas./.

(Khắc Kiên-Riê Lâux cxeik, nhênhv)