Tas cik hnuz 16/8, 300 cxênhz ntâu lênhx shux xênhz nhoz têx cấp cơưv ntơưv tỉnh Sơn La tưz muk cơưv ntơưr, tos shông cơưv yiêz 2021-2022. Zos iz hâur têx tiv phaz tso shux xênhz muk cơưv ntơưr nzor tiv zix sâuv tas nro têz qơưk tas cik hnuz 16/8 têx shux xênhz nhoz Sơn La muk chêx chôngk ntơưv tsêr cơưv cxix cxuô, uô jông têx tsưr ziv phax tar moz Covid-19 thiêz mnôngs têx cưk kriê heik kriê lok tsêr cơưv li nội quy, quy chế. Shux xênhz Nguyễn Đăng Tuấn, cơưv lớp 10A9, tsêr cơưv THPT Tô Hiệu, TP Sơn La puz pâuz:

“Cur pov cux pov muôx njik cxơưx thâuv qir cơưv cxênhx 3, viv cur zuôr tâu njiz fôngx zưs yiêz, tâu cơưv thiêz nhoz hâur iz tênhx qơư yiêz, tâu njiz ntâu lênhx cưk kriê yiêz. Cur zuôr sir jos cơưv ntơưr cov tax ntâu yênhx tix jông”

Tiv moz Covid-19 huôv xênhz phêv liv, ntơưv huyện Phù yên, tỉnh Sơn La muôx zuôr xar 70 tsêr cơưv zuôr chêx chôngk cơưv ntơưr lis đuô. Phongx zaoz zux thiêz thox cxov huyện cux tưz muôx tsưr ziv cơưv nzir trâu shux xênhz thâuv moz tâu tir tar tâu ./.

(Trấn Long-Txâur Vax cxeik nhênhv)

Uô lơưr tsaz yênhx tsưr ziv têz qơưk cxiv tsa jêx jok yiêz, ntâu ntu cêr muk lok hâur jêx jok, xar nhoz huyện tox siêz Lục Yên, tỉnh Yên Bái tưz tâu uô yiêz, kho đuô, paz trâu pêx xênhv muk lok, zuôr muôs hax huv zôngx ziv đuô. Kror tsuv hêik zos ntâu ntu cêr tâu uô txix pêx xênhv sik côngv paz lok nhiêx txiêx, hnuz côngz, ar…Pos Nông Thu Hà, Phưv Chủ tịch UBND huyện Lục Yên, tỉnh Yên Bái puz pâuz:

“Pêz tror sir jos uô côngz xưv yax kriê, hlôngr yiêz đuô têx tsưr ziv uô, đhâu co huiz tôngv tas nro cxiv luôs chinhr triv thiêz pêx xênhv đros uô cxiv tsa jêx jok yiêz hâur ntu zuôr txos. Txix co, zuôr phuôx huiz tâu têx pênhr jos, kror liv zênhx muôx, sik côngv đros uô nhoz têx tsưr tsix, tiz nênhs chiê cxiv tsa jêx jok yiêz hâur ntu nhiv no”./.

(Thừa Xuân-Lik Thox cxêik nhênhv)

2 cán bộ y tế tỉnh Lào Cai nhiv kruôr tâu khav tênhv trâus moz Covid-19 lok zar hnuz keix hnuz 16/8.

No zos 2 cán bộ tsênhv uô hâux lưv kho moz trâu têx lênhx nênhs trâus moz Covid-19 ntơưv Khoa truyền nhiễm, tsêr kho moz đa khoa tỉnh Lào Cai. Hâur 14 hnuz uô ntêx thâuv trâus moz, 2 cán bộ no đrâuv uô jênhv vưv chuyên môn hâur thax tsav cêv kuôk mak sik đros nox, đros so thiêz xênhz huôx ntơưv qơư tsês trâu cán bộ y tế, tsi muk tsêr lok sik muk njiz lênhx nênhs txơưr, viv li tâu ntês grê tsi cik moz trâu côngv thôngx. 2 cán bộ y tế no li moz yưv xuz thơưx zos iz chêr gênhs gênhs, muôx njik cuz sor iz chêr, lok hưk. Thâuv tâu njuôs siv pov trâus moz Covid-19, 3 lênhx cán bộ đros 2 lênhx nênhs no uô côngz xưv cux tâu cêv kuôk nhoz nưs iz qơư chiê seiz njuôs. Njuôs xav zos trâus cik moz cxôngx têx lênhx nênhs trâus moz tsênhv kho moz hâur thax tsav qơư cêv kuôk chêx chôngk./.

(An Kiên-Txâur Vax cxeik nhênhv)

UBND huyện Than Uyên, tỉnh Lai Châu nhiv kruôr tso tơưv cuêz tênhv xưv bluô 3 lênhx nênhs zos Lò Văn L, zus shông 1998; Lò Văn Th, zus shông 1998 (đros nhoz uô cê ntơưv jok Pắc Ta, xar Pắc Ta, huyện Than Uyên) thiêz Lò Văn Ng, zus shông 1992, nhoz ntơưv jok Đán Đăm, xar Hua Nà, huyện Than Uyên txix qơư muôx caz moz, qơư tsuv uô lơưr cêv kuôk xar hôiv trơưk Thủ tướng Chinhr phuv li Chỉ thị 16 tror lok. Xar muôx 3 six têis cik hnuz 15/8 chor nênhs no lok txos qơư sêiz jor, phax tar caz moz sôr 2 huyện Than Uyên mak hêik pâuz tiêk txix huyện Việt Yên, Bắc Giang lok. Taz sik, lưx lươngv muôx vax huôv ntơưv qơư xav jênhv, 1 hâur 3 lênhx nênhs no uô ntêx co tưz  tâu xar Hua Nà hêik pâuz tiêk tsênhv piz txix thax tsav qơư muôx caz moz ntơưv Hà Nội lok trâu ntơưv thax tsav qơư nhoz.

Khov lơưr lưx lươngv muôx vax huôv li têx xor mông xav jênhv tâu thiêz chor nênhs co li hêik pâuz, Chủ tịch UBND huyện Than Uyên, tỉnh Lai Châu tưz tso tơưv cuêz tênhv xưv bluô nhiêx txiêx iz lênhx nênhs 7,5 triệu đêiv thiêz hêik cov uô jông lơưr têx tsưr ziv phax, tar caz moz Covid-19 thiêz chox muk cêv kuôk y têr trơưk cui tênhv./.

(Khắc Kiên-Lik Thox cxêik nhênhv)