Nas hmo, tỉnh Sơn La tsưr tsix ntênhk chiv nhênhv 30 shông hnuz Hôiv Côx phax tas nro pêx xênhv 22/12/1989-22/12/2019 thiêz 75 shông hnuz yênhx lix quân đôiv Việt Nam 22/12/1944-22/12/2019. 74 shông cxiv tsa, huôv tsar, Đảng bộ thiêz pêx xênhv cxuô mênhx cxưx Sơn La tưz sik côngv, uô tâu zênhx liv ntâu kror hâur tsav txênhz, cxiv tsa thiêz por vêv têz qơưk, tâu Đảng, têz qơưk khơưk kruôk ntâu kror tsiv gri lox, 82 lênhx niêv tâu khơưk kruôk zos Niêv Việt Nam zênhz shôngx. Lò Thị Mai Thương, phưv Bí thư đoanx phường Quyết Tâm, thành phố Sơn La shir phaz hêik:

“Hnuz no tâu hlôngr njêx muôs trâu cxênhx hluôk dự tsaz yênhx chiv nhênhv 30 shông hnuz côx phax tas nro pêx xênhv thiêz 75 shông hnuz yênhx lix quân đôiv Việt Nam mak cur lok six jông siêz thiêz shir phaz. Đhâu no mak pêz cux gra siêz đuô jênhv pâuz thiêz txơưx jênhv hâur cxiv tsa thiêz por vêv têz qơưk; ntu zuôr txos mak cxênhx hluôk nênhs thành phố Sơn La zuôr tror sir jos sik côngv đros chor lưx lươngv vũ trang cxiv tsa thành phố Sơn La vav mênhx, jông gâux đuô”./.

(Trấn Long-Lik Thox cxêik nhênhv)

Ủy ban qênhz yuôx huyện ủy Sìn Hồ, tỉnh Lai Châu nhiv kruôr xưv bluô đảng viên uô cxâuv chei. Iz chas ntơư, iz lênhx canr bôv Hạt kiểm lâm huyện trâus tsi puz nhoz hâur đảng viv zuôr muôs, uô luôv zax zênhz tsi trơưk chei.

Trơưk li têx cêr cxâuv mak Toax anr huyện sìn Hồ xưv bluô Hà Ngọc Nam, canr bôv Hạt kiểm lâm huyện Sìn Hồ nhoz tux 2 shông 6 luz hlik lok sâuv zuôr muôs, uô luôv zax zênhz tsi trơưk chei; seiz lok têx cêr cxâuv, Ủy ban qênhz yuôx Huyện ủy Sìn Hồ tưz quyết tinhv xưv bluô tsi puz zơưv Hà Ngọc Nam nhoz đảng./.

                             (Thanh Thủy-Riê Lâux cxeik, nhênhv)

Ntơưv Lào Cai, six hơưv kaz shông, qênhx shênhx zuôr muôs hax huv chuôr thiêz tsik zos chêi sâuv ntus đriv txơưr txar phiv liv. Nhiv no, chor lưx lươngv txơưx jênhv Lào Cai tưz kriz uô cxuô nro ntâu tsưr ziv, sir jos phax tar muôl muôs hax huv chuôr, tsik zos chêi sâuv thax tsav tỉnh, paz por vêv qênhx liv trâu nênhs sir zôngv. Đros zos luz tỉnh muôx ntus đriv truz ntêr, qênhx shênhx muôl muôs hax huv chuôr, thâux xa hax huv tsik zos chêi đhâu ntus đriv txơưr txar phiv liv. Đros qênhx shênhx co, chor lưx lươngv txơưx jênhv tưz kriz uô tsưr ziv tsav txênhz phax, tar zuôr muôs hax huv chuôr, tsik zos chêi thâuv uô ntêx thiêz đhâu tsiêz shông no./.

(Báo Lào Cai-Lik Thox cxêik nhênhv)

Hâur iz đraz hlik ntâu đhâu, sâuv thax tsav tỉnh Điện Biên tsi so no njiv, no hênhr. Iz cxiê xã nhoz têx huyện tox siêz li: Tủa Chùa, Điện Biên Đông, Tuần Giáo, Mường Chà, Điện Biên.... tsênhv lok đâul tê thiêz. Txix ntux têz têx txơưr txar phiv liv li co, tsôngv box thax tsav ntus đriv hâur đras Mường Thanh-huyện Điện Biên, tỉnh Điện Biên tưz thiêz tsênhv sir jos uô cxuô faz tsưr ziv phax tar no njiv trâu tsiêx cxu, chiê txo grêk tsơưs têx tsi jông tiv ntux no uô ruôr hiêv. Pos Lò Thị Hặc, nhoz jok 6, xã Thanh Chăn, huyện Điện Biên, tỉnh Điện Biên heik pâuz:

“Cheix ntux no nor, cur tso têx tsiêx muk seiz nox jâuz lok mak muôz iz fiêz đêx cuô njêr trâu tsiêx hâuk, iz fiêz têx hmôngr krâur trâu nox. Hâur guôx, qơư khi mak muôz kuôr blêx, xuô blêx trâur trâu ntê, thâuv hmo cux tsuv uô li ntơư, tas cik tưs cux tsuv uô li heik sâuv”./.

(Vũ Lợi-Riê Lâux cxeik, nhênhv)