Lơưr tsưr ziv txix nhiv no txos shông 2020, Lào Cai zuôr muôx 60 hax huv OCOP cấp tỉnh tâu tso tơưv. Đề án OCOP, zos “Iz xar iz hax huv” tỉnh Lào Cai ntu 2018-2020, tsưr ziv txos shông 2030 tâu tso tơưv kaz hli 9/2018. Txos nhiv no, đhâu 6 hli kriz uô, tas nro tỉnh tưz muôx 10 kror hax huv xuz thơưx ciês tax ploz tsênhr 3 sao OCOP cấp tỉnh, hâur co phênhv ntâu zos têx hax huv kôngz nuv li cxur Séng Cù, cuô txoz jov Mường Khương, txir tâuz zax Sa Pa, chơưr blêx Thanh Kim, yuôx zêx Shan Mường Khương…/.

(An Kiên-Lik Thox cxêik nhênhv)

Tsôngv box thiêz cưr tix fôngx zưs hmor yuô! Txos six hơưv no, đhâu hâux lưv njuôs siv sei tsơưr zax zênhz đros lênhx nênhs tsar yêz sâuv thax tsav, Công an tỉnh Sơn La tưz pov muôx 14 lênhx nênhs zôngv zax zênhz. Hâur 14 lênhx nênhs co muôx 11 lênhx muôx hộ khẩu nhoz tỉnh Sơn La, 3 lênhx nhoz têx tỉnh txơưr. Trung tá Nguyễn Đức Hiếu, Phưv tsar phongx cảnh sát zaoz thôngz Công an tỉnh Sơn La puz pâuz:

“Hâur six hơưv zuôr txos pêz tror uô côngz xưv seiz car, qênhz yuôx, sik côngv đros têx lưx lươngv muôx txơưx jênhv li cảnh sát zax zênhz, hình sự Công an têx huyện, thành phố seiz car sâuv têx cêr zaoz thôngz, cxơưz tiês côngz xưv qênhz yuôx tsi pov uô ntêx chiê pov tâu nênhs tsar yêz zôngv zax zênhz cxaz chuôz zaoz thôngz. Pêz yax six, tsi so uô, chiê jav qênhx shênhx nênhs tsar yêz cxoz txưv jav lưx lươngv cảnh sát zaoz thôngz qênhz yuôx, yưr lir”./.

(Tuyết Lan- Txâur Vax cxeik nhênhv)

Công an huyện Mường Chà, tỉnh Điện Biên nhiv kruôr cxov tâu Muôk A Thếnh (zus shông 1988) nhoz jok Huổi Hua, xar Núa Ngam, huyện Điện Biên, tỉnh Điện Biên zuôr muôs zax zênhz tsik trơưk chêi. Lưx lươngv Công an sâu tâu 970 njiêr yuôx zax zênhz, 1 luz yêz mêir, 1 luz điện thoại thiêz ntâu zav cik txos. Ntơưv cơ quan Công an, Muôk A Thếnh kriz tiêk tưz zuôr chor zax zênhz co txix iz lênhx nênhs Lào ntơưv thax tsav ntus đriv, thâuv tsênhv chox muk muôs thiêx trâus cxov./.

(KT-Lik Thox cxêik nhênhv

Cxôngx hmo 16/4 txos hnuz 17/4, 100 ntâu lênhx tsôngv box jos Nà Bỏ, xã Bản Giàng, huyện Tam Đường (Lai Châu) tưz uô tsêr tax sâuv cêr mul qơư por têx vuôz tsuôz kiês nênhs Phan Lìn chiê tsi puz têx yêz thâux têx vuôz tsuôz kiês nênhs por ntơưv qơư no thiêz. Qir tiv tsôngv box heik tiêk, qơư tso vuôz tsuôz kiês nênhs no tưz uô kiês nênhs zov chênhr txos tsôngv box li hâur đêx xênhz huôx thiêz uô kôngz lôngk. Zơưv Lèng Văn Sin, iz lênhx tsôngv box nhoz jos Nà Bỏ puz pâuz: Ntâu luz hlik no, chuôz zis tưs muôx nhiêx mak zuôr đêx lok sir zôngv, chuôz zis tưs tsi muôx nhiêx mak tsuv zôngv chor đêx no chiê xênhz huôx. Hâux lưv no uô ntâu lênhx tsôngv box hâur jos trâus moz gênhs thiêz trâus moz têx zav moz sâuv tơưr greix.

“Cxênhx lâuk thâuv ntêx lok no tu zus keiz, ok, cxuô zav puôr lênhx jông. Cxôngx thâuv muôx qơư tso vuôz tsuôz kiês nênhs no mak luz nênhx trâus zênhr shar ntâu, njês trâus moz, keiz, buô trâus moz ntâu. Tsôngv box nhiv no zôngv tsi tâu hâur đêx nhoz no thiêz, lok nas mak đêx lok six đru, tsư nxiêz viv đêx trâus kiês nênhs”./.

(Khắc Kiên- Txâur Vax cxeik nhênhv)