Cxôngx hâur shôngk shông txos nhiv no, sâuv thax tsav tỉnh Lào Cai muôx yưv 3 txuz trâus tsơưr tưx, trâus caz moz tiv zav nox tsi taz por uô 66 lênhx nênhs nênhs trâus tưx. Pir đros tsêz no, têx lênhx nênhs trâus tưx chuôz ndê siêz 3 jiês. Chiê uô jông côngz xưv taz por vêv xênhz zav nox, tỉnh Lào Cai heik têx tiv phaz, taz viv cir ntơưr taz por zav nox hâur têx pluôk mor muôx chôngz lênhx nênhs nox, yax six qênhz yuôx, yưr lir txos qơư têx lênhx nênhs uô cxâuv; yax mông tsôngv box nox hâuk huv vêv xênhz...Pos Nguyễn Thị Hải Anh, Chi cục tsar Chi cục taz por vêv xênhz zav nox tỉnh Lào Cai puz pâuz:

“Chi cục taz por zav nox tưz heik Sở y tế thiêz UB tỉnh tso tơưv tsưr ziv krêz uô taz por zav nox sâuv thax tsav. Hâur co chêx chôngk seiz car lok vênhv thix taz por zav nox thiêz yax mông zaoz zux, muôz siêz jênhv pâuz trâu tsôngv box. Đros hâux lưv tso tơưv tsưr ziv mak Chi cục cux heik tsưr tsix têx jiês qênhz yuôx nhoz cơ sở chiê taz por chêx cuk coar lik têz qơưk lok taz por zav nox”./.

( An Kiên- Lan dịch đọc)

Ntux ziv hnuz ziv txơưr txar phiv liv. Ntơưv tỉnh Sơn La, tưz muôx 9 lênhx nênhs trâul tuôs, 11 lênhx trâus saz tiv ntux uô ruôr hiêv hâur têx luz hlik hâur shôngk shông no. Lok sâuv têx chuôz zênhx chuôz tas, ntux nas lox, đêx hloz tưz uô 2 cxênhz ntâu luz tsêr trâus puôk tsuôx, zơưk trur; 1.100 ntâu ha têx ntông nox txir thiêz tsoz chos ntêr shông trâus uô ruôr hiêv hnhar; zuôr xar 14 tênhr shuôz njêl trâus đêx nas cuôr yôngz; 30 tuk ndêx tênhv lox, mê trâus vâu lor, 1.900 thiêr xor tênhv trâus tu...., njuôk xav hur tiz si têx trâus uô hiêv heik sâuv tas muôx 138 tỷ đeiv. Ciês thâuv muôx têx jiês ntux uô ruôr hiêv ntơư, Ban seiz car phax tar ntux uô hiêv thiêz zok nriêr chơưv paz lênhx nênhs cxuô thax tsav qơư tưz zênhx max qênhz yuôx shuôs, chox kriê phax tir thêir thiêz cxiv kho têx tsi jông trơưk tsưr ziv 4 ntơưv qơư; tsưr tsix muk shuôs, paz thiêz uô jông tsênhv chei XH paz tsôngv box thax tsav trâus đêx nas uô ruôr hiêv chiê truôx tuk luz nênhx./.

(Trấn Long-Riê Lâux cxeik, nhênhv)

Nhiv kruôr đhâu, têx trinh sát Tuêv cảnh sát qênhz yuôx nênhs phamv cxâuv lok zax zênhz Công an quận Nam Từ Liêm tưz ntês Lương Thị Huấn- nhoz tỉnh Điện Biên viv muôv muôs zax zênhz tsi trơưk cêr chei, sâu tâu 10 đeiv zênhz đơưz tâu jeik hâur luz naz tuôr tês. Đhâu qênhz yuôx, Ban chuyên án tưz xav tênhv tâu 2 lênhx nênhs cxaz chuôz txuz muôv muôs zax zênhz no zos Vi Trung Hiển, 30 shông nhoz thị trấn Lộc Bình, huyện Lộc Bình, tỉnh Lạng Sơn thiêz Lương Thị Huấn 18 shông nhoz xã Na Sang, huyện Mường Chà, tỉnh Điện biên. Nhiv no, chiz coaz cảnh sát qênhz yuôx CÔng an quận Nam Từ Liêm, Hà Nội tưz cuiz tênhv tik cêr cxâuv đros Vi Trung Hiển thiêz Lương Thị Huấn viv muôv muôs zax zênhz./.

( KT- Lan dịch đọc)

Tar su hnuz 17/7, zơưv Nguyễn Minh Phú, Chủ tịch Ủy ban huyện Mường Chà, tỉnh Điện Biên xav jênhv, tưz zok nriêr tâu 2 lênhx nênhs uô kaz ciês hâur txuz gox trâus nzênhr thâux 10 lênhx nênhs (xã Sá Tổng, huyện Mường Chà” ntơưv Lai Châu. 2 lênhx nênhs zok nriêr tâu co zos Nzơưk Xênhv Hơưx, xênhz  shông 1985 thiêz Txiêz Xênhv Hơưx, xênhz shông 1996; yuôr tuk nhuôv Ziêk Xênhv Shôngx, xênhz shông 2008 mal zok nriêr tâu hnuz 16/7. Hur si 3 lênhx nênhs heik co puôr lênhx nhoz ntơưv jok Háng Mừ Lừ, xã Sá Tổng, huyện Mường Chà. Chủ tịch Ủy ban huyện Mường Chà cux heik pâuz, chor nênhs trâus pôngz plox mông zok nriêr tâu heik co nhiv no tâu choz trâu chuôz zis uô đaz uô kruô. Têx lênhx hlôngr njêx muôs hâu nov huyện cux tưz muk shuôs, tôngv zênhx chuôz zis muôx lênhx nênhs trâul tuôs./.

(KT-Riê Lâux cxeik, nhênhv)