Đros thiêz tsôngv box cxuô heir nênhs nhoz thax tsav qơư tir ntâuk trol châuz đrav ntêx xã Mường Phăng, TP Điện Biên Phủ, tỉnh Điện Biên, Đại tướng Võ Nguyên Giáp thâuv tưs tưz tâu seiz zos iz lênhx cxênhz jê hâur chuôz zis. Têx đuôz lok Đại tướng, zơưv têx luk kriê tsôngv px sđ hâur jiês tror tuôx seiz yuô Tuz lênhv qơư nhoz tir ntâuk  trol châuz đrav ntêx Điện Biên Phủ jiês uô kaz lok shông 2004, sđ cux tsênhv ndo njôngr tsês hâur đruôz siêz tsi plox thiêz lênhx tưs cux seiz têx luk kriê co chiê cxiz sđ cxiv tsa, tsưx phưv têz qơưk, thax tsav qơư nhoz ziv hnuz ziv huôv tsar, vav mênhx. Zơưv Lò Văn Hợp, Chủ tịch Ủy ban xã Mường Phăng, TP Điện Biên Phủ heik pâuz:

“Đảng bộ, hâu nov thiêz tsôngv px xã Mường Phăng thâuv tưs tưz ndo njôngr tsês Đại tướng Võ Nguyên Giáp têx luk kriê lok tsưx phưv jôngr ntông, huôv tsar uô nox uô hnar chiê luz nênhx tsâu sor, tso têx tuz nhuôs muk cơưv ntâuz cơưv ntơưr cxix cxuô. Cxuô heir nênhs hâur thax tsav xã uô nênhx sik thôngx siêz chiê sik đros tsưx phưv, cxiv tsa têz qơưk vav mênhx, cxuz cêr yeiz pluôs, tsiv nhos zos thax tsav nhiêv têz nhiêv qơư, tir ntâuk zênhx trol châuz thiêz Đại tướng Võ Nguyên Giáp tsưr ziv, siêz xar njôngr”./.

(Vũ Lợi-Riê Lâux cxeik, nhênhv)

Tỉnh Sơn La nhiv kruôr pov muôx nzir 2 lênhx nênhs trâus moz Sát-Covi-2 nhoz huyện Phù Yên hmo 17/8, zos pos N.T.P.H, zus shông 1985, nhoz Tiểu khu 4, thị trấn Phù Yên, huyện Phù Yên, zos kế  toán iz luz tsêr cơưv ntơưr sâuv thax tsav huyện thiêz N.D.K, zos pos N.T.P.H tuk nhuôv tuz, zus shông 2010, shux xênhz tsêr cơưv cxênhx oz Võ Thị Sáu, thị trấn Phù Yên, huyện Phù Yên. Oz lênhx nênhs moz no tưz muk txos ntâu qơư sâuv thax tsav huyện Phù Yên.

Tsênhv tsênhz, txix hnuz 3/8-17/8, 2 lênhx nênhs moz no tưz muk txos trâu têx qơư ntơưv huyện Phù Yên li: Phongx Zoz zux huyện; quán Sơn Tuế hâur thax tsav ciêz; Phòng Nội vụ huyện; Tsêr Chiến Đoàn, trôngx vas ciêz Tsênhv qơư huyện; Đình Chu, jok Chiềng, xar Quang Huy; Siêu thị Quý Sỹ, thị trấn Phù Yên; tsêr cơưv cxênhx iz thiêz cxênhx oz xar Mường Lang, huyện Phù Yên; tsêr muôs yuôx Khang Nhũ (Ntu cêr siz yuôv pêz txox muôx tênhz liêz, njuôz, thị trấn Phù Yên); phongx njuôk shuôk moz bác sĩ Hà Thị Khoán, tiểu khu 5, thị trấn Phù Yên; tsênhv qơư cuiv ar huyện thiêz tsêr kho moz Đa khoa huyện Phù Yên. Chor nênhs tưz muk trâu têx qơư hêik tas sâur mak hêik ciês trâu qơư y têr jê tiv zix pâuz chiê tâu paz; lok sik hu tênhv trâu Ban chox kriê phax, tar moz Covid-19 huyện Phù Yên chiê hêik pâuz thiêz tâu paz. Hêik trâu chor nênhs tưz nhoz jê, njiz tâu zuk chiê hêik pâuz y têr trâu têx qơư y têr ntơưv thax tsav qơư./.

(Trấn Long-Lik Thox cxêik nhênhv)

Cux ntơưv Sơn La, xưk li tưz xa mông, tỉnh Sơn La nhiv kruôr muôx 2 lênhx nênhs trâul moz yiêz Covid-19 hâur côngv thôngx ntơưv huyện Phù Yên, tsi tâu pâuz mênhx qir tiv cik tâu caz moz li chas. Chiê taz por truôx tuk hâur phax tir thêir moz Covid-19, Sở zoz zux tỉnh Sơn La muôx heik pâuz txos trâu hur tiz si cxuô luz tsêr cơưv chiê shux xênhz tuôx tsêr cơưv txix hnuz 18/8.

Iz chas ntơư, tso shux xênhz so tsi tuôx tsêr cơưv txix hnuz 18/8 txos trâu thâuv muôx heik pâuz yiêz. Hok chor tsêr cơưv Phổ thông dân tộc nội trú, tax tso shux xênhz nox nhoz hâur tsêr cơưv, uô lơưr têx tsưr ziv lok phax tir thêir moz thiêz tok txos thâuv muôx heik pâuz, chox kriê.

Tax nduô tsês têx jiês cơưv, xênhz huôx zuôr muôx chôngz lênhx nênhs, hâur co muôx cơưv cxaz lok sâuv têx txux chi kriê ntơưr, hlôngr têx ntơưr cơưv lớp 6. Tas nro chor canr bôv seiz car, cưk kriê ntơưr, nhân viên  têx qơư zoz zux uô lơưr jông têx tsưr ziv phax tir thêir moz gênhk thiêz tsơưs nhoz jê, chuôs njiz luôs lưv tus saz đrâuv. Cưk kriê hux jos đros shux xênhz têx lênhx uô niêv uô txir sox seiz njôngr têx nhuôv li đas jos ntơưv chuôz zis./.

 (Thu Thùy-Riê lâux cxeik, nhênhv)

Công an huyện Văn Chấn, tỉnh Yên Bái nhiv kruôr muôx cuêz tênhv khởi tố txuz án thiêz cxov tsês Dương Quang Cường, zus shông 1992, nhoz jok Yên Phú, xar Hưng Thịnh, huyện Trấn Yên, tỉnh Yên Bái lok kror cxâuv tuz saz tuz nhiês.

Uô ntêx co, hnuz 12/8, thâuv tsar yêz muk txos ntu cêr ntơưv thị trấn Sơn Thịnh, huyện Văn Chấn, Cường trâus tôv côngz xưv Phongx Cảnh sát zoz thôngz, Công an tỉnh Yên Bái uô ntâuz ntơưr, cxov yêz tsês tiv muk chênhr. Txos thâuv 4 six 30 phênhz zar zuôr tsâuk ntux đros hnuz, Cường nhiês muk trâu hâur trạm Cảnh sát zoz thôngz ntơưv xar Cát thịnh, huyện Văn Chấn chiê chêix zuk luz yêz otô trâus cxov tsês ntơưv no, đrâu trâu trạm luz trôngx vas thiêz khiêr.  Lưx lươngv Công an tưz châuv thiêz tror cxov tâu Dương Quang Cường./.

(TTTB-Lik Thox cxêik nhênhv)