Cxur Điện Biên tâu chôngz lênhx nênhs nhiêv zuôr. Pâuz tâu kror no, UBND tỉnh tưz uô siv thax tsav đrak liêx lox, sir zôngv khoa học, kỹ thuật chiê uô, jux juk cxiv tsa tâu côngz bê trâu chor cxur Điện Biên. Txos nhiv no, Hợp tác xar Dịch vụ Thanh Yên (huyện Điện Biên) thiêz công ty TNHH Safe Green tưz yưv pênhr trâu thax tsav kriz uô, côngv đros chor nênhs uô lơưr tsưr ziv VietGAP, muôx cán bộ kỹ thuật sêiz shuôk truôx jông. Đros cxur, Điện Biên tsênhv muôx ntâu hax huv jông li cà phê Mường Ảng, yuôx zêx Tủa Chùa…puôr lênhx zuôr uô tâu zos têx hax huv jông, sir jos cxiv ts côngz bê. Têx hax huv tax ploz tsênhr OCOP li: cxur Điện Biên, yuôx zêx Tủa Chùa, cà phê Mường Ảng…zuôr muôs tâu trâu ciêz đrôngs hâur têz qơưk, ntiêx têz đros qơư uô tâu hêik pâuz tsênhv mênhx./.

(Báo ĐB-Lik Thox cxêik nhênhv)

Lơưr thôngz sâu, tas nro TP Sơn La, tỉnh Sơn La muôx 220 ntâu ziv chuôz zis pluôs. Chiê côngz xưv txu grês cêr tâu krêz uô muôx chêx cuk, truôx vênhs, TP Sơn La tưz seiz car thiêz pheiz zav chuôz zis pluôs lơưr yênhx paz li: Paz tsi muôx lok sik tsi txâuk ar uô kôngz; paz tsi muôx ntơưr côngz jênhv ar nhoz, ar uô kôngz; paz muôx zoz qơưx txeik pênhr chiê uô nox uô hâuk, taz sik tsi tâu tâu txeik pênhr; paz lox tôngv tsi muôx hâux lưv uô; paz muôx tsêr nhoz xơư nas, lav uô lav nhoz.....Zơưv Hà Trung Chiến, Bí thư thành ủy Sơn La puz pâuz: 63 ziv chuôz zis muôx tsêr nhoz xơư nas, lav uô lav nhoz mak thành phố sir jos txos tas shông no paz lơưr muôx tsêr jông nhoz:

“Tsi zos tas nro têx ziv chuôz zis txov nhêv lok tsêr nhoz puôr lênhx tâu pêz huiz tôngv têx doanh nghiệp, lok sik tsưr tsix siêz jông paz max, mak pêz pheiz uô yênhx paz pir li chuôz zis tsi muôx pênhr xưv uô lox tôngv, txov nhêv, têx chuôz zis pluôs muôx hnuz nhôngs siêz đuô 40 shông mak tâu paz txưv cxôngx thành phố li tsaz yênhx. Têx chuôz zis tsênhv muôx đas jos uô lox tôngv, niêv txir hluôk mak pêz paz txeik pênhr lơưr Zênhx hangx chính sách xã hội li tsaz yênhx chiê lơưr sir jos uô nox uô hâuk chiê thêv tas têx phênhv puz txeik tsov cưv co”./.

(VOVTB-Txâur Vax cxeik nhênhv)

Jiês kriz uô “Ntênhk hôiv Vênhx huôv, Du lịch Mường Lò 2020” nhiv kruôr tâu tsưr tsix ntơưv tiêx vênhv tôngv thị xar Nghĩa Lộ, đrâuv phênhv ntênhk mak muôx ntâu phênhv hôiv jông, zos 3 tsaz yênhx: “Lok Yên Bái”, “Mường Lò jông jav đhiê pax vuôs”, “Đhiê pax vuôs hmo hli đra”. Hâur co jông đuô zos đhiê pax vuôs xòe cxôngx nzor thiêz jiês đhiê pax vuôs xòe muôx 2020 lênhx nênhs cxaz chuôz…Pos Đỗ Thị Thanh Nga, Chủ tịch UBND thị xar Nghĩa Lộ puz pâuz:

“Ntênhk hôiv Vênhx huôv, Du lịch Mường Lò 2020 tâu thị xar Nghĩa Lộ tsưr tsix muôx ntâu kror yiêz thiêz jông đuô. Đros hâux lưv tsưr tsix ntênhk hôiv mak pêz cux uô jông hâux lưv phax tar moz Covid-19, chiê taz por ngaz tuk trâu sơưr đơưk tuôx trâu ntênhk hôiv. Bax vax tsêr cxuô zav chiê txêik tok tsôngv kruô sơưr đơưk cov jông tiv zix”./.

(TTTB-Lik Thox cxêik nhênhv)

Công an thành phố Lào Cai, tỉnh Lào Cai nhiv kruôr ruôr yênhx côngz ntâu qơư sir zôngv zax zênhz sâuv thax tsav.

Lơưr co, lưx lươngv muôx txơưx jênhv qênhz yuôx ntơưv tsêr số 178 cêr Điện Biên, phường Cốc Lếu, TP Lào Cai tưz pov ntâu lênhx nênhs tsênhv sir zôngv zax zênhz. Đhâu qênhz yuôx, cảnh sát pov 19 lênhx muôx 17 lênhx zos hluôk tuz 2 lênhx zos hluôk nxeik tsênhv zôngv yuôx shơư zênhz thiêz uô si lov jêv. Ntơưv qơư tuêv côngz xưv sâu tâu 3 njiêr zax zênhz MDMA, 1 hnaz zax zênhz Ketamin, iz cxiê hnaz zax zênhz txơưr thiêz 20 luz điện thoại, loa, tênhv tênhz thiêz chuôz zênhx zôngv chiê hâuk zax zênhz. Đhâu njuôs siv sei, 19 lênhx nênhs no puôr lênhx muôx zax zênhz.

Nhiv no công an TP Lào Cai tsênhv đros Công an phường Cốc Lếu uô ntâuz ntơưr chox têx lênhx nênhs heik sâuv muk chiv zênhs zax zênhz thiêz yưr lir lơưr phuôx lix li cui tênhv./.

(An Kiên-Txâur Vax cxeik nhênhv)