Vênhv thix sir zôngv qir zuôv, yuôx por vêv đrox tsuôk tsi trơưk cui tênhv tsênhv zos iz hâur têx hâux lưv uô zênhr shar lox xos tsơưr lươngv xiv huv kôngz nuv nhoz tỉnh Sơn La; cêr cor cav zôngv yuôx por vêv đrox tsuôk tsi muôx tsưr ziv tưz uô muôx ntâu txuz trâus tsơưr tưx, uô kiês nênhs tênhx qơư ar, đêx....zênhr shar lox txos tsôngv box li đas jos. Txơưv côngz xưv coar lik, cux xưk li seiz car kriê cxaz, yax mông lok vênhv thix zôngv yuôx por vêv đrox tsuôk thiêz qir zuôv tâu tsov cưv uô, taz sik tsênhz mênhx, hâux lưv muôv muôs, sir zôngv qir zuôv, yuôx por vêv đrox tsuôk sâuv thax tsav tsênhv lax txu grês tâu; qênhx shênhx zôngv yuôx por vêv đrox tsuôk tsi uô tơưk 4 tsưr ziv thiêz lul heik kriê tâu sâu sâuv têx chuôz zênhx tso yuôx, tsi por hưv jông lênhx nênhs thâuv zôngv yuôx, têx hnaz, hưx tso yuôx tsênhv por sâuv têx liêx têz....Zơưv Trần Đình Khánh, Phưv giám đốc Công ty TNHH qir zuôv thiêz hóa chất Sơn La puz pâuz:

“ Tỉnh Sơn La tsưr tsix phêv ziv no lơưr cur mak lok six jông. Viv Sơn La muôx mênhv chêx tsêz chos lox, huôv tsar kinh têr phênhv ntâu zos chêx chôngk uô kôngz jôngr nuv, tsêz chos, zoz qơưx zôngv têx qir zuôv thiêz yuôx por vêv đrox tsuôk lok six lox. Hnuz no UB tỉnh tsưr tsix phêv ziv no zuôr apz pox nhuôs nôngx mênhx pâuz ntâu đuô thâuv zôngv têx xiv huv no, cux xưk li muôz cxuô theox chênhv jông tiv zix chiê huôv tsar kinh têr”./.

(Thu Thùy- Txâur Vax cxeik nhênhv)

Hâur chor hnuz 17 thiêz 18/11, cxuô qơư sâuv thax tsav tỉnh Yên Bái sik đros tsưr tsix hnuz hôiv niêv côngv siêz tas nro mênhx cxưx shông 2018, tok hơưv 88 shông hnuz thôngx ziv Mặt trận têz qơưk Việt Nam (18/11/1930-18/11/2018). Hnuz hôiv tâu tsưr tsix jông đros ntâu kror paz muôx sik tưr, uô muôx chêx cur đuô têx jênhv vưv chính trị ntơưv tiv phaz.

Đros têx jêx jok tox siêz Yên Bái, hnuz hôiv niêv côngv siêz tas nro mênhx cxưx tưz zos yênhx hnuz hôiv zov chênhr hâur shông. Zos jiês chiê tis njiê têx chêx cur tưz uô tâu hâur xênhz yar thiêz cxiv tsa luz nênhx vênhx huôv hâur iz shông; cux zos jiês chiê chor ziv chuôz zis, qơư pêx xênhv nhoz, jêx jok sik njiz, sik thav, phêiz kênh, cơưv shâuv thiêz uô truôx đuô cêr sik côngv siêz./.

(Đinh Tuấn-Lik Thox cxêik nhênhv)

Xor mông cxôngx Công an tỉnh Lai Châu puz pâuz, taz viv nhiv kruôr ntês ciêr chênhr lênhx nênhs fêv Lý Cá Lòng, xênhz shông 1984 thiêz Mạ Mạ Xá xênhz shông 1994 puôr lênhx nhoz jos Lè Ma, xã Ka Lăng, huyện Mường Tè, tỉnh Lai Châu viv tuô tuôs lênhx nênhs, huôz chuôz zênhx chuôz tas. Uô ntêx co, hnuz xiêz 8/11, Công an huyện Mường Tè jênhv tâu chuôz zis li ntơưr pov lok hâux lưv tix lâuk Cao Văn S xênhz shông 1977 nhoz thị trấn Mường Tè, tỉnh Lai Châu trâus plox mông. Lơưr ntơưr pov tiêk hnuz xiêz 6/11 tix lâuk S mul yêz meir uô côgnz xưv, sâuv cêr mul xã Tá Bạ, huyện Mường Tè mak txơưv plox mông. Đhâu 72 six zôngv cxuô tsưr ziv nghiệp vụ, lưx lươngv Công an tưz ntês tâu 2 lênhx nênhs zos Lý Cá Lòng thiêz Mạ Mạ Xá. Ntơưv chiz coaz qênhz yuôx, 2 nênhs fêv no jênhv lok hâux lưv tuô tuôs lênhx nênhs. Lơưr co thâuv tix lâuk S mul uô côngz xưv txos xã Tá Bạ, Lòng thiêz Xá tưz tar yêz zôngv kơk ntâus tix lâuk S uô tix lâuk tuôs ciês ntơưv qơư. Nhiv no, chiz coaz muôx txơưx jênhv tỉnh Lai Châu tsênhv uô tiêr ntâuz ntơưr chiê chox 2 lênhx nênhs no tik cêr cxâuv trơưk Pháp luật li cui tênhv./.

( Khắc Kiên- Txâur Vax cxeik nhênhv)

Hnuz 16/11 nhiv kruôr đhâu, ntơưv jok Phì Nhừ A, xar Phì Nhừ, huyện Điện Biên Đông, tỉnh Điện Biên nhiv kruôr muôx yưv iz txuz txiêz nanv yêz lox thâux kôngz nuv pôngz trâu kaz cê, hmôngr jông tsik trâus hiêv lok lênhx nênhs. Zơưv Muôk Xênhv Thox, trưởng công an xar Phì Nhừ puz pâuz; thâuv co, luz yêz lox 27C-03618 zos tix lâus Quàng Văn Toản, nhoz ntơưv xar Chiềng Sơ (huyện Điện Biên Đông) tsar, thâux 6 tấn kôngz nuv txix xar Chiềng Sơ muk thành phố Điện Biên Phủ. Txos ntơưv thax tsav xar Phì Nhừ chêk pôngz trâu kaz cê toz muôx 40 thiêr. Thâuv yêz pôngz trâu kaz cê uô nênhs tsar yêz trâus saz, luz yêz cux puôk tsuôx tas.

Ciês đhâu muôx yưv txiêz nanv, Công an xar Phì Nhừ tưz hêik trâu công an huyện Điện Biên Đông pâuz chiê tso nênhs tuôx cêir chêx. Nênhs tsar yêz trâus saz hnhar tưz tâu pêx xêhv chox tuôx chơưv kho ntơưv tsêr kho moz Đa khoa tỉnh Điện Biên./.

(Vũ Lợi-Lik Thox cxêik nhênhv)