Ntênhs hội pax lâus tâu tỉnh Điện Biên tsưr tsix tsi so txix hli 3 txos hli 5 hâur niêx shông, reik đros trâu six hơưv, hnuz nhôngs qir sơưr tir ntâuk trok châuz Điện Biên Phủ đrav ntêx. Ntênhs hội shông no tsưr tsix txix hnuz 17-19/3 đros trâu nthuôr uô ntâu txux chi vênhx huôv-thêv thao-ju lix jông li: Nthuôr uô lov jêv; piêr kriê têx xiv huv ju lix, cxuô heir nênhs tsơưs têx txux chi vênhx huôv; tưr thik lok sâuv cxuô heir nênhs tỉnh Điện Biên têx tsôngk trik yo jông; sik njiz sik thav, tưr thik lok thêv thao, têx txux chi uô si đrav ntêx thiêz iz cxiê zav nuv txơưr đuô. Zơưv Lê Văn Quý, Phưv Chủ tịch Ủy ban tỉnh Điện Biên, Tsar ban tsưr tsix Ntênhs hội pax lâus shông 2018 heik pâuz:

“Txix shông 2009, tỉnh Điện Biên tưz cxiv tsa tsưr ziv thiêz tsưr tsix chos têx ntông pax lâus. Pêz tưz chos ntông pax lâus trơưk 2 saz ntus cêr lox số 6, cêr lox 12 thiêz têx cêr mul lok hâur tỉnh, hâur huyện, xã. Thiêz pêz tưz njuôk hov, cêv kuôk, choz tu thiêz por hưv têx ntông chos co, nhiv no tsênhv taz tov tơưs pax lok six jông”./. 

(Bích Thủy-Riê Lâux cxeik, nhênhv)

Txix kaz hli 1 txos hli 3 shông no, moz tơưv ndâux hlê trâu ntơưv chor huyện Văn yên, Lục Yên, Mù Cang Chải, tỉnh Yên Bái uô 100 ntâu tuk tsiêx cxu trâus tuôs zos nhux, tưv, buô. Ciês đhâu pov muôx moz, Chi cục tu zus thiêz Thú y tỉnh Yên Bái tưz tso nênhs muk tiv phaz chiê muôz caz moz xa trâu tsênhv qơư Trung ương njuôk shuôk. Thôngx cxix, tso nênhs muk kruôz kriê chor nênhs tu zus tsưr ziv chơưv kho. Đuô li, chiê tir tar caz moz siz cik sâuv thax tsav đar, 9.400 côngz yuôx vắc xin tơưv ndâux hlê trâu thiêz 200 lir hóa chất tsuôs chiê tuô lov caz moz tưz tâu muôz trâu chor tiv phaz…/.

(Đinh Tuấn-Lik Thox cxêik nhênhv)

Hmo hnuz 17/3,  lok nas lox đros trâu khâur jênhs chuô thiêz lok lơưs tưz muôx nhoz trâu cxuô qơư hâur huyện Mộc Châu, tỉnh Sơn La, phênhv ntâu zos lok nas lox trâu  ntơưv thị trấn Nông Trường Mộc Châu, xã Đông Sang thiêz xã Hua Păng. Trơưk li Ban seiz car phax tar ntux uô ruôr hiêv thiêz zok nriêr chơưv paz lênhx nênhs huyện Mộc Châu, xav txos 11 six tas cik hnuz 18/3, khâur jênhs chuô thiêz lok lơưs tưz uô ruôr hiêv tas xar muôx 8 ha têx kôngz, zuôr xar 150 ha têx txir ntông . Đros trâu têx trâus uô ruôr hiêv li heik co zos 20 chuôz zis tsôngv box luz tsêr trâus zơưk trur, iz luz trâus vâu puôk tsuôx, iz luz tsêr trâus chuô blơưv kêix tsuv tâu yeik txar zênhx max. Nhiv no hâu nov ntơưv qơư tsênhv tror chox kriê cov thôngz sâu thiêz đros cxiv kho têx trâus ntux uô hiêv heik sâuv, paz tsôngv box nzor truôx tuk luz nênhx thiêz uô nox uô hâuk./.

(Việt Anh-Riê Lâux cxeik, nhênhv)

Hmo txos têik cik sơưr nzor hnuz 18/3, tiv phiv liv txix chuô nhoz siêz, ntơưv huyện Sa Pa, tỉnh Lào Cai muôx ntux nas đros lơưs thiêz chuô. Zơưv Nguyễn Thành Luân, nênhs nhoz tiv phaz puz pâuz, hmo 17/3, thị trấn Sa Pa muôx ntux nas đros lơưs zâu viv li cux tsik tâu uô hiêv txos tsoz chos cxuô zav. Đros six hơưv co, ntux lok nas tas nro cxiê qơư hâur tỉnh Lào Cai. Ntux nas tưz paz muôx tâu iz chor đêx trâu cxuô zav tsoz chos. Ntux kruôr gis trâus txo grêk, hêik pâuz lok cuz tox cuz jôngr nhoz chor tiv phaz hâur tỉnh tror grêk txos phênhv ngaz tuk./.

(An Kiên-Lik Thox cxêik nhênhv)