Zar hnuz kêix 18/4, Đoanx côngz xưv số 3 Ban chox kriê Đề án tổng kết 10 shông uô lơưr Bôv Chính trị khóa 10 li ntâuk gri số 62-KL/TW lok “Tror hlôngr yiêz tsưr ziv, tsênhv njiêz huôx tôngv Mặt trận têz qơưk Việt Nam thiêz chor đoanx thêv chính trị-xar hôiv”. Suôv câuv jiês uô hâux lưv, zơưv Hầu A Lềnh, Ủy viên trung ương Đảng, Phưv chủ tịch, Tổng thư ký Ủy ban Trung ương mặt trận têz qơưk Việt Nam hêik cxuô cấp, cxuô nganhx nhoz huyện Văn Yên tsuv tror uô cxix cxuô têx tsưr ziv chiê khưx phưx têx tsênhv uô tsik tâu tâu; tror hlôngr yiêz cxix cxuô tsưr ziv lênhx tov đros Mặt trận têz qơưk Việt Nam thiêz chor đoanx thêv chính trị-xar hôiv./.

(Đinh Tuấn-Lik Thox cxêik nhênhv)

Uỷ ban đrôngs Lào Cai nhiv kruôr muôx ntâuz ntơưr heik têx xã, phường sâuv thax tsav tso tsês hâux lưv zôngv cêr mul lok hâur niêv đrôngs tsưr tsix ntênhs nox yôngz, ntênhs tuôs jux jus muôx têx tsi jông. Ntâuz ntơưr chox kriê têx xã, phường hâur niêv đrôngs tsuôk tso chei kir ntus cêr sâuv têx cêr chiê uô ntênhs nox yôngz, ntênhs tuôs, tsuv tsês 1,5 yiv ntus cêr chiê tsês trâu nênhs trâus sêv khiz thiêz nênhs mul tơư mul lok đhâu. Taz sik, tsênhz mênhx, ntâu ntênhs nox yôngz, ntênhs tuôs tsênhv tsi tâu uô trơưk, tsênhv muôx têx ntênhs zôngv tas cêr mul lok chiê uô, uô zaoz thôngz mul lok tsi tâu./.

(An Kiên- Txâur Vax cxeik nhênhv)

Oz hnuz đhâu, ntơưv tsêr kho moz đa khoa thax tsav Nghĩa Lộ, chor y, bác sỹ muôx chênhz zênhv nhoz tsêr kho moz Kror muôs Trung ương thiêz tsêr kho moz Đa khoa tỉnh Yên Bái tưz njuôk, shuôk, fêik kho moz kror muôs tsik zuôr nhiêx txiêx trâu 70 lênhx nênhs, phênhv ntâu zos pox nhuôs nhoz chor huyện Trạm Tấu, Mù Cang Chải, tỉnh Yên Bái.

Tsaz yênhx zos hâux lưv uô tsênhv tsênhz, paz trâu nênhs muôx luz nênhx txov nhêv, chor nênhs tâu sơưv cêr chêi, nênhs muôx côngz sâuv thax tsav tỉnh muôx tsar tov tâu fêik, kho moz kror muôs ciês ntơưv tiv phaz, paz txo grêk tsơưs nhiêx txiêx njuôk, kho moz, gra siêz đas jos thiêz truôx tuk luz nênhx./.

(VOV4-Lik Thox cxêik nhênhv)

Tsôngv box thiêz cưr tix fôngx zưs hmor yuô! Cxôngx xor mông pov tsir heik lok qênhx shênhx ntor luôx jôngr ntơưv xã Chiềng Khừa, huyện Mộc Châu, tỉnh Sơn La li iz cxiê jos, UB huyện Mộc Châu tưz muôx ntâuz ntơưr pov cov tsênhz mênhx lok hâux lưv no. Lok qênhx shênhx ntor luôx jôngr, uô ntêx thâuv pov tsir tso mông, têx chiz coaz muôx txơưx jênhv huyện tưz đros UB xã Chiềng Khừa qênhz yuôx pov 2 qơư trâus ntor luôx (qênhz yuôx pov hnuz 21/3/2019), hâur co 1 qơư ntor 0,94 hecta, nhiv no chiz coaz qênhz yuôx tsênhv tror uô tsênhz mênhx chiê krêz tik cêr cxâuv, 1 qơư ntor 0,079 hecta tsênhv uô tiêr ntâuz ntơưr chiê xưv phuôv uô cxâuv hành chinhr./.

(Tuyết Lan- Txâur Vax cxeik nhênhv)

Cux ntơưv thax tsav tỉnh Sơn La, hâur shông 2018, tas nro tỉnh muôx 14 jiês ntux lok nas, hâur co muôx 6 jiês ntux lok nas lox truz ntêr hnuz uô muôx yưv đêx ngaz cuôr ruôr hiêv ntâu côngz trinhx zoz thôngz nhoz cxuô txox cêr. Lơưr co, tưz poz cxuz uô cêr muk lok tsik tâu ntơưv 870 ntâu kror qơư; poz tsas cêr ntơưv 12.000 ntâu kror qơư, tas nro nhiêx txiêx njuôk xav tas muôx 250 tiv đêiv ntâu. Chiê bax kriz uô jông côngz xưv phax tar ntux têz uô hiêv thiêz zok nriêr chơưv paz hâur chor shông zuôr txos, txo grêk tsơưs tiv zix têx trâus hiêv muôx yưv thiêz xưv lik, khưx phưx sêi têx phiv liv tiv ntux nas chuô, taz por yêz muk lok tâu, Sở Zoz thôngz vận tải tỉnh Sơn La hêik Bôv Zoz thôngz vận tải, Tổng cục Cêr ar Việt Nam: muôz nhiêx txiêx paz khưx phưx têx phiv liv, taz por zoz thôngz ntu 1 shông 2018 chiê muôz trâu chor taz viv uô thiêz tso chêi khưx phưx têx phiv liv co ntu 2 lơưr cuiz tênhv; muôz nhiêx txiêx kho đuô têx qox chiê taz por zoz thôngz sâuv txox cêr 43 thiêz 12 chiê khưx phưx qênhx shênhx đêx ngaz, tsik ngaz tuk zoz thôngz, tiv zix zos hâur chêix ntux nas chuô./.

(Trấn Long-Lik Thox cxêik nhênhv)