Ủy ban mặt trận têz qơưk Việt Nam tỉnh Sơn La tưz uô tiêr jiês cơưv Hiệp thương tiv 3 chiê xêir tsov, uô bê ntơưr chor nênhs txâuk cxuô kror chiê ứng cử têiv plor Côx hôiv khóa 15 thiêz Hôiv đôngx tỉnh khóa 15, ntu 2021-2026. Tas nro 100% têiv plor dự tưz thôngx ziv chiê trâu iz lênhx nênhs tơưv đhâu bê ntơưr ứng cử têiv plor Côx hôiv thiêz thôngx ziv uô bê ntơưr 10 lênhx nênhs, hâur co muôx 4 lênhx pox niêv, mênhx cxưx tsơưs nênhs muôx 7/10 lênhx nênhs. Jiês cơưv cux tưz thôngx ziv uô bê ntơưr 110 lênhx nênhs ứng cử têiv plor HĐND tỉnh ntu 2021-2026, hâur co muôx 58 lênhx nênhs hluôk, 15 lênhx nênhs tsik nhoz hâur đảng, mênhx cxưx tsơưs nênhs muôx 85 lênhx nênhs./.

(Trấn Long-Lik Thox cxêik nhênhv)

Hâux lưv yax mông lok bo xeir teiv plor côx hôiv khóa 15 thiêz teiv plor Hội đồng cxuô cấp six cxiv 2021-2026 tâu tỉnh Yên Bái cxơưz tiês uô đros ntâu tsưr ziv, txos yênhx tuêv jênh phố, jêx jos. Hâur co, tsuv heik txos têx lâuk jos, tsar jos, têx lênhx txir ndâux txir luk hâur côngv thôngx tsôngv box li pưs txux tưz paz heik kriê txos tsôngv box lok hâux lưv bo xeir. Têx hnuz no, lâuk jos Páo Xênhv Zax nhoz jos Khấu Ly, xã Bản Mù puôr lênhx muk txos yênhx ziv chuôz zis, heik kriê têx yênhx tưv lok bo xeir, zôngv luk Hmôngz chiê yax kriê txos tsôngv box:

“Thâuv tâu xã krêz uô côngz xưv bo xeir, cur thiêz tsar jos tưz tsưr tsix khiêz phêv tsôngv box chiê yax kriê txos pox nhuôs lok lênhx nênhs txâuk 18 shông ndê muk li pưs txux, txơưx jênhv hâur bo xeir. Têx ziv chuôz zis tsôngv box tsi tâu pâuz tsênhz lok sik tsi tuôx khiêz phêv mak cur muk txos ciês chuôz zis yax kriê thiêz heik tsôngv box muk bo xeir trơưk six hơưv, tso pov zuk li vax huôv thiêz luôk hâux lưv uô, tsi cxoz heik lênhx nênhs txơưr paz muk bo xeir”./.

(Đinh Tuấn-Txâur Vax cxeik nhênhv)

 Ntâu jêx jok tsôngv box mênhx cxưx Thái nhoz Sơn La nhiv no cux tsênhv tuôr tsês chiê phongx cxưx nhoz tsêr lơưx, tâu cxiv uô txix têx zav li: shôngz, ntông, blôngx puôx zêv…viv li zôngx ziv trâus cuz hnhiêz siêz, tiv zix zos hâur chêix ntux kruôr gis. Tâu yax kriê, pox nhuôs li jênhv pâuz thiêz moz siêz txos phax tar tơưs cuz ziv hnuz ziv siêz đuô. Pos Tòng Thị Vinh nhoz jok Mòng, xar Hua La, thành phố Sơn La luz tsêr lơưx 3 qar tâu cxiv uô txix 10 ntâu shông lok no, đros têx zav uô zos shôngz ntông. Yênhx hnuz chuôz zis cux tsênhv trâur chuz tơưl chiê uô jâuz mor nox. Tâu công an xar yax kriê, pos Vinh chuôz zis tưz cxiv uô tâu bể trâu đêx ntơưv iz saz tsêr thiêz muôx mêir gruk đêx chiê phax tar tơưs cuz, tuô hluôr tơưl thiêz phưx vưv trâu xênhz huôx yênhx hnuz.

“Chiê phax tar tơưs cuz, thâuv tưs chor nênhs lâul tsik nhoz tsêr, muk uô liêx têz mak tsuv tuô chor hluôr tơưl cov tuôs tas hur si. Thiêz hêik chor nhuôs nhoz tsêr mak tsik trâur tơưl, viv vax tsêr zôngx ziv cuz hnhiêz, tiv zix zos hâur chêix ntux kruôr gis li nhiv no. Thâuv tsâuv ntux, đhâu uô jâuz mor nox tas, zuôr muk pư, pêz cux tsuv muôz têx tơưl tuô cov tuôs tas, tsik chiê hluôr tơưl txêik chis cuz, thiêz txêik cuz trâu jêx jok, cux nyêi thiêz cxơưx hênhr”./.

(Trấn Long-Lik  Thox cxêik nhênhv)

Muôx yênhx puôk lênhx lưx lươngv tsênhv chêx chôngk khưx phưx têx trâus ruôr hiêv, nriêr lênhx nênhs trâus plox mông hâur jiês đêx nas cuôr yôngz ntơưv xã Minh Lương, huyện Văn Bàn, tỉnh Lào Cai. Têx côngz xưv txơưr li khưx phưx cơ sở cxuô zav, ngaz tul xênhz huôx trâu tsôngv box cux tâu chính quyênx tiv phaz tsov cưv krêz uô. Uô ntêx co, Đeix nta suôz Việt Nam nhoz thax tsav Tây Bắc tưz tso mông, thâuv 2 six tas hmo hnuz 17/4, ntux lok nas lox tưz uô đêx cuôr yôngz đhâu xã Minh Lương, huyện Văn Bàn, tỉnh Lào Cai uô 2 lênhx nênhs tuôs, 1 lênhx trâus plox mông; 25 luz tsêr đros chuôz zênhx chuôz tas trâus puôk tsuôx, 5 hecta blêx trâus ruôr hiêv; njuôs xav trâus ruôr hiêv 4 tỷ đeiv ntâu./.

(An Kiên-Txâur Vax cxeik nhênhv)