Tiv nas chuô uô ruôr hiêv, six hơưv đhâu, txox cêr lox số 12 txix Lai Châu lok trâu Điện Biên muôx ntâu ntu trâus xưz poz lok cxuz cêr tas. Chiê taz por truôx tuk trâu lênhx nênhs thiêz têx yêz mul lok sâuv txox cêr no, ngênhx muôx vax huôv tưz tsưr tsix phênhz cêr lus mul lok. Taz sik, viv têx cêr lus mul lok đêz, ntâu lênhx nênhs mul lok sâuv cêr tưz tsi uô trơưk chei, cui tinhv, mak lơưr xeir mul lok đhâu têx qơư trâus xưz poz txix cheix iz cxiê lênhx tsôngv box ntơưv qơư têx fuô gox hla đhâu đêx Nậm Na. Lar heik, têx fuôx gox ntơư phênhv ntâu zos têx fuôx gox lav uô thiêz mê chiê tsôngv box ntơưv qơư zôngv hla đhâu đêx mul lok uô liêx têz lok sik ntâul muôz shuôz njêl; phênhv ntâu têx lênhx tsar fuôx gox co cux tsi tâu muôx cxix têx ntâuz ntơưr  tsar, tsi muôx yo hnar muk hâur đêx....Viv li tsi truôx tuk. Tix lâus Lò Văn Bình, nhoz jok chiêng Chăn 4, xã Chăn Nưa, huyện Sìn Hồ, tỉnh Lai Châu, iz lênhx nênhs tsar fuôx gox nhoz no heik pâuz:

“Têx hnuz tsi yuô muôx kruô mak muk txix 5-7 lưv li. Hnuz tưs muôx kruô cux muk tâu ntâu lưv thiêz. Pêz cux tsi tâu pov Công an lok sik lênhx tưs heik li chas. Tsôngv kruô mul lok phiv liv, tsi muôx cêr muk mak pêz paz thâux xa lơưr mul lok đhâu đêx xưz. Lênhx tưs xar mul cux muk, tsi xar muk cux chiê li”./.

(Khắc Kiên-Riê Lâux cxeik, nhênhv)

Xar muôx 9 tsâuk ntux hnuz 14/9, 7 lênhx shux xênhz zos 6 lênhx tuz, 1 lênhx nxêik nhoz tsêr cơưv phôv thônz mênhx cxưx niêv txir zus mor cxênhx iz xã Bản Già, huyện Bắc Hà, tỉnh Lào Cai xưk li trâus tsơưr tưx tsuv tâu chox tuôx tsêr kho moz chiê chơưv paz. Têx kror pov cxuô nhoz chor shux xênhz hêik co zos khâuk ka, ntuôr, moz plaz, moz ka, mak qir tiv tâu xav jênhv zos chor shux xênhz nox tâu hmôngr CTE viv xav tiêk co zos cuô jâuz.

Zơưv thox Seo Thề, Chủ tịch UBND xã Bản Già puz pâuz, chor shux xênhz tưz muôx hmôngr CTE co hâur tsêr cơưv luz tủ lok sik phêiz nox. Muôx 2 lênhx zâu tiv zix zos shux xênhz lớp 1 tưz nox tâu mê njik hmôngr co trâu hâur plaz. Chor tsênhv yuôr zos shux xênhz lớp siêz đuô mak tsuôk xuôk blêis zêiv thiêz hêik tiêk tsik kaz thiêz nox tsik tâu. Đhâu ciês thâuv txuz hâux lưv co muôx yưv, chor shux xênhz co tâu chox tuôx tsênhv qơư Y tế chiê chơưv paz, chor shux xênhz li đas jos tưz tror jông li kuz. Txos nhiv no, 6 lênhx shux xênhz co tưz tâu chiê tơưv tsêr kho moz; 1 lênhx shux xênhz cux tsênhv nhoz tsêr kho moz chiê sêiz shuôk nzir./.

(An Kiên-Lik Thox cxêik nhênhv)

Tas cik hnuz 18/9, Ban ngaz tuk zoz thôngz tỉnh Yên Bái tsưr tsix jiês yax kriê ngoại khóa lok têz qơưk têx chei cheix yêz mul lok tâus cêr sâuv ar trâu 1.270 lênhx shux xênhz tsêr cơưv cxênhx 3 Nguyễn Huệ, TP Yên Bái. Ntơưv no, têx shux xênhz tưz tâu canr bôv qênhz yuôx zoz thôngz, cảnh sát zoz thôngz piêr kriê têx tsênhv njiêz chênhr hâur têz qơưk chei, cui tinhv cheix yêz mul lok tâus cêr. Iz chas ntơư, têx shux xênhz cux tâu pâuz txos têx cui tinhv yiêz lok xưv bluô thâuv uô cxâuv têz qơưk chei cheix yêz mul lok tâus cêr li: Tsi ntông câuk mov por hưv tâuz hâu thâuv jâuv sâuv yêz meir, yêz meir tênhv, yêz câur tênhv; tsar yêz meir tsi tâu txưv shông; cheix yêz mul lok tsi trơưk chei, cui tinhv.....Iz chas ntơư, thôngz đhâu têx luk nus fiv đros têx muôx tsênhz thâuv cheix yêz mul lok tâus cêr hâur niêx hnuz đros trâu têx huv muôz puz zos: câuk mov por hưv tâuz hâu tưz paz têx shux xênhz gra siêz txux chi tsưr ziv jênhv pâuz lok sâuv têz qơưk têx chei cheix yêz mul lok tâus cêr truôx tuk thiêz uô lơưr têz qơưk chei, cui tinhv thâuv cheix yêz mul lok./.

(Báo Lào Yên Bái-Riê Lâux cxeik, nhênhv)