350 ntâu lênhx nênhs hlôngr njêx muôs trâu chor tập thể, tiz nênhs uô tâu hâux lưv jông tưz lok dự Đại hôiv sik tưr nhiêv têz qơưk tỉnh Sơn La jiês tiv 5 tâu tsưr tsix trâu têis cik 1/10 ntơưv thành phố Sơn La, tỉnh Sơn La. 100 ntâu lênhx nênhs, tập thể zuôr tâu kruôk txos ntơưv Đại hôiv. 5 shông đhâu, tỉnh Sơn La têx phongz yaox sik tưr tâu kriz uô đêz đar. Iz zav li phongz yaox sik tưr: sir jos sik đros cxiv tsa jêx jok yiêz; côngv têk viv nênhs pluôs, tsik chiê lênhx tưs trâus pôngz kaz; Doanh nghiệp Sơn La hôiv nhập thiêz huôv tsar…Zơưv Trần Như Kiên, Giám đốc hợp tác xã kôngz nuv Phương Nam, huyện Yên Châu, tỉnh Sơn La, iz hâur têx tập thể uô tâu jông hâur phongz yaox sik tưr nhiêv têz qơưk puz pâuz:

“Tâu dự đại hôiv hnuz no mak cur shir phaz hênhr, pêz zuôr sir jos huôv tsar jông thiêz hêik pox nhuôs sơưr đơưk hâur jêx jok sir jos khưr uô nox, tiv oz zos huôv tsar kinh têr xar hôiv, tiv pêz zos sik côngv têk cxiv tsa jêx jok yiêz chiê huôv tsar têz qơưk Sơn La cov zik hnuz ziv jông đuô”./.

(Trấn Long-Lik Thox cxêik nhênhv)

Têis cik sơưr nzor hnuz 1/10, ntơưv ntâu tiv phaz nhoz tỉnh Yên Bái muôx ntux nas lox thiêz muôx chuô. Ntux nas lok uô đêx ngaz ntơưv ntâu qơư uô hiêv ntâu txos pêx xênhv li têx jâuz tâuv thiêz vax tsêr. Jiês ntux nas no tưz uô 65 ziv chuôz zis nhoz chor xar Tân Thịnh, Văn Phú thiêz phường Đồng Tâm, phường Yên Thịnh, thành phố Yên Bái trâus đêx ngaz. Ntơưv huyện Yên Bình zuôr xar 30 héc ta blêx, poz cưk, jâuz tâuv cxuô zav trâus đêx ngaz; iz cxiê ntu cêr trâus đêx ngaz cuôr uô cêr muk lok tsik tâu…xav têx trâus hiêv tas xar muôx 800 triệu đêiv. Đhâu ciês muôx yưv ntux nas chuô, chor xar, phường nhoz thành phố Yên Bái thiêz huyện Yên Bình tưz tso nênhs muk qênhz shuôk, thôngz sâu thiêz kriz uô têx tsưr ziv paz trâu têx trâus hiêv lơưr cui tênhv./.

(Đinh Tuấn-Lik Thox cxêik nhênhv)