Tỉnh Sơn La txos nhiv no tưz muôx 18 zav kôngz nuv tâu Cục Sở hữu trí tuệ muôz ntơưr cungz jênhv, hâur co muôx ntâu zav txir ntông li: Bơ (huyện Mộc Châu); txir mo môngk, txir tsơưz (Yên Châu); txir lưv tsiz Sông Mã; txir thênhx caz Phù Yên; txir na Mai Sơn…Chor hax huv no thâuv muôx ntơưr cungz jênhv tưz paz gra siêz tsiv gri đuô sâuv ciêz đrôngs: shông 2018, tas nro tỉnh têx hax huv kôngz nuv muôs tơưv saz đrâu têz qơưk tâu muôx 110 triệu USD; njuôk xav shông no zuôr tâu muôx 150 triệu USD…zơưv Hoàng Quốc Khánh, Chủ tịch UBND tỉnh Sơn La puz pâuz:

“Ntu zuôr txos tỉnh Sơn La muôx tsưr ziv zuôr tror cxiv tsa cungz bê trâu 6 hax huv txir ntông nhoz tỉnh co zos txir khơưz đuz Sơn La, txir lưk kâuz hmaz Sơn La, txir mo môngk Sơn La, txir lưv tsiz Sơn La, Bơ Sơn La, Thanh long Sơn La; kriz uô têx ntâuz ntơưr đăngk cir por vêv oz zav txir ntông zos lưv tsiz thiêz txir mo môngk muôs trâu saz Trung Quốc. Yênhx shông, pêz zuôr tsưr tsix ntênhk ciêz lok huôv tsar têx txir ntông; piêr pâuz tỉnh Sơn La têx hax huv; tsưr tsix sik tưr lok uô têx txir ntông thiêz têx tsưr ziv huôv tsar chor ntông nox txir lơưr saz gra siêz uô xênhz yar truôx jông thiêz chiê muôs tơưv saz đrâuv têz qơưk”./.

(TTTB-Lik Thox cxêik nhênhv)

Nênhs Cho nhoz Văn Bàn, tỉnh Lào Cai tưz hla đhâu yeiz pluôs khov têx ntông bồ đề. 2 shông tror lok no, zuôr xar 100 chuôz zis tsôngv box Cho nhoz 2 xã Nậm Tha thiêz Chiềng Ken tưz muôx phênhv sâu tâu yiêz khov tso têx cuô mik ntông bồ đề muôs trâu doanh nghiệp, ntâu chuôz zis iz hnuz luz nênhx hlôngr yiêz jux juk. Nhiv no, têx cuô mik ntông bồ đề tsênhv tâu muôs muk trâu têz qơưk Pháp, Myanmar chiê tsiv uô têx yuôx tsư kaz, yuôx plênhr uô jông jav. Têx cuô mik ntông heik sâuv hov jông muôs txix 450 cxênhz đeiv iz cir, viv li têx thax tsav jôngr ntông bồ đề nưk tuôx nưk ntơư tưz tâu tsôngv px krêz sâu, tso muôs, paz tsôngv px heir nênhs tsơưs nhoz tox siêz hla đhâu yeiz pluôs./.

                                      (KT-Riê Lâux cxeik, nhênhv)

Ntơưv jok Bản Dõng, xar Sơn Lương, huyện Văn Chấn, tỉnh Yên Bái, pêx xênhv nhiv kruôr pov iz lênhx txir nênhx trâus tuôs nhoz hâur đêx đros muôx pêz kror trâus saz ntơưv chax đaz viv li tưz hêik trâu cơ quan txơưx jênhv pâuz. Lênhx nênhs co tâu xav jênhv zos tix lâus Lò Văn Duy, zus shông 1980, nhoz ntơưv jok Bản Dõng, xar Sơn Lương, huyện Văn Chấn, tỉnh Yên Bái.

Tâu pâuz, tix lâus Lò Văn Duy muk Hà Nội uô jos, taz sik muk tâu pêz hnuz mak tror lok tsêr. Txơưv tiêk chor nênhs đros muk tưz hêik cov tix lâus tsik lok taz sik tix lâus Duy cux chêix yêz kruô lok Văn Chấn. Têis cik 29/11, sơưr đơưk cux tsênhv pov tix lâus Duy muk nox yêik, hok tix lâus tuk pox niêv mak muk câuk cuô mik cao su. Muôx nhos 10 six zar têis cik, tix lâus duy tuk tuz pov tix lâus hor triêv taz sik tsik pâuz chiê uô đaz tsi. Txos zar hnuz kêix chêk sơưr đơưk pov tix lâus Duy tưz tuôs hâur tuk đêx nhoz jê tsêr. Đhâu njuôk sêiz, pov lênhx nênhs co muôx 3 kror trâus triêv hlêik ntơưv chax đaz, iz kror hlêik ntơưv lux yiz saz lâux. Đhâu chính quyền tiv phaz hêik pâuz mak lênhx nênhs no cux zos nênhs jông thiêz tsik muôx siz char siz chês đros lênhx tưs thiêz chuôz zis hlo. Njuôk xav lênhx nênhx no tuôs zos zuk nriêr zuk cêr tuôs. Nhiv no txuz hâux lưv tsênhv tâu cơ quan txơưx jênhv qênhz yuôx uô cov tsênhz mênhx./.

(Tuấn Xuân-Lik Thox cxêik nhênhv)

Đhâu siz pâuz, siz sưv đros iz paz nênhs đhâu mạng XH Facebook, trâus chor nênhs ntơư hâuz nziêk, 4 lênhx nxeik shux xênhz, hâur ntơư 2 lênhx cơưv ntơưr lớp 7, iz lênhx cơưv ntơưr lớp 8, iz lênhx cơưv lớp 9 nhoz tsêr cơưv cxênhx 2 Chiềng Đen, TP Sơn La tưz tso ntơưr tsês, nhiês cêr khiêr muk Hà Nội zok nriêr hâux lưv uô trơưk li chor nênhs fêv heik sâuv hâuz nziêk. Thâuv tsi pov têx nhuôs lok tsêr, chor nhuôv heik sâuv niêv thiêz txir tưz heik trâu tsêr cơưv thiêz công an xã Chiềng Đen, TP Sơn La pâuz. Đhâu 2 hnuz zok nriêr, đros trâu Công an TP thiêz Công an huyện Sóc Sơn, TP Hà Nội têx cêr paz, chuôz zis tưz chox tâu chor nhuôs heik sâuv tror lok tsêr truôx tuk. Cưk kriê ntơưr Bùi Bảo Quốc, thơưx seiz car tsêr cơưv cxênhx 2 Chiềng Đen-TP Sơn La heik pâuz nzir: “Đhâu thâuv têx nhuôs shux xênhz niêv thiêz txir heik trâu tsêr cơưv pâuz tiêk, chor nhuôs tưz tsi pov zar hnuz kêix hnuz uô ntêx ntơư lơưv, tsêr cơưv tưz kriê shux xênhz niêv txir cov muk heik trâu Công an xã Chiềng Đen chiê Công an đros paz zok nriêr. Đhâu 2 hnuz sir jos zok nriêr, chuôz zis tưz tok tâu têx nhuôs tror kaz lok tsêr truôx tuk. Hâur tas cik, đhâu ciês thâuv têx nhuôs lok txos tsêr, Ban giám hiệu tsêr cơưv cux chox kriê têx tsưr tsix đoanx thêv, cưk kriê ntơưr car seiz lớp cơưv muk shuôs têx nhuôs shux xênhz tov tsêr. Nhiv no tưz muôx iz lênhx shux xênhz tror tuôx cơưv ntơưr, 3 lênhx tsênhv yuôr cux chos nhav lul tiêk, zuôr tror tuôx tsêr cơưv chiê cơưv ntơưr”.

Đhâu txuz nuv no, têx tsêr cơưv thiêz chor uô niêv uô txir tsuv tror sir jos đros seiz car, heik têx zuk mê tuz mê nhuôv cov pâuz tsênhz chiê txar jav tsi trâus têx nênhs fêv hâuz nziêk, lar heik zos trâul chor nênhs fêv nziêk đas muôs pox niêv, nhuôs zâu đhâu mạng XH./.

(Vàng Lan-Riê Lâux cxeiv, nhênhv)