Têx hnuz no, pêx xênhv cxuô thax tsav qơư nhoz tox siêz tỉnh Lào Cai tsênhv kriz uô ciês pêz kror hâux lưv zov chênhr, co zos sâu têx blêx, chos tsoz chos chiv ntux tsâus thiêz jiêz têx hnhar blês tsês chiê zav nox trâu tsiêx cxu. Đhâu thâuv sâu têx blêx, pêx xênhv tưz khov  trâu chor hnuz muôx yar ntux cuz sor, jiêz chor hnhaz blês cov kruôr thiêz muôz tsês chiê. Đrâuv chor hnhar blêx kruôr co, chor tsoz chos chiv ntux tsâus (Poz cưk, tâuv, kok liêz…) cux zos zav nox zov chênhr trâu chor nhux tưv hâur chêix ntux no. Tas nro tỉnh Lào Cai nhiv no muôx 140.000 ntâu tuk nhux, tưv thiêz nênhl. Chiê taz por muôx txâuk zav nox trâu chor tsiêx cxu hâur chêix ntux no, nganhx kôngz nuv tưz sik côngv đros cxuô thax tsav qơư sir jos yax kriê txos trâu pêx xênhv pâuz lok tsês chiê têx zav nox kruôr thiêz cxaz nzir têx zav nox hmôngr trâu chor tsiêx cxu…Xav txos iz đraz hlik hli 11, tas nro thax tsav chos jâuz tâux trâu tsiêx cxu muôx 3.200 ntâu héc ta, xav mak uô tâu muôx 800.000 tấn, paz muôx tâu 50% ntâu zav nox trâu chor tsiêx cxu./.

(TTTB-Lik Thox cxêik nhênhv)

Lơưr Ban chox kriê phax tar moz Covid-19 tỉnh Yên Bái, tiv phaz nhiv kruôr muôx cxaz 22 lênhx nênhs trâus moz Covid-19; hâur co, 19 lênhx zos nênhs F1 njiz nênhs moz F0 uô ntêx co, 2 lênhx zos qênhz pov hâur côngv thôngx, 1 lênhx txix saz đrâuv tỉnh lok. Li ntơưv, xav txix hnuz 27/11 txos nhiv no, tỉnh Yên Bái tưz muôx 75 lênhx nênhs trâus moz Covid-19, puôr lênhx zos muôx lênhx cxaz txos nênhs moz cik moz txix côngv thôngx. Tas nro têx nênhs moz F0 nhiv no tsênhv tâu cêv kuôk, kho moz ntơưv tsêr kho moz kruô njưk thiêz tsêr kho moz njưk tỉnh. Chiê nzor cêv kuôk, tir tar moz siz cik, têx lưx lươngv muôx txơưx jênhv tỉnh Yên Bái nhiv no tsênhv tror nriêr têx lênhx nênhs muôx lênhx coaz txos nênhs moz F0 thiêz tsưr tsix njuôs siv ntơưv têx thax tsav njuôs xav trâus moz siêz sâuv tỉnh; ntâus grê qênhx shênhx moz txix xã, phường, thị trấn; tsưr tsix cêv kuôk, vêv xênhz tsuôk yuôx tuô caz moz ntơưv têx qơư muôx nênhs moz đrâuv côngv thôngx. Đrâuv co, heik cxuô lênhx nênhs tsuv uô jông Ban chox kriê têx cấp li têx cui tênhv phax tar moz./.

(T. Xuân-Txâur Vax cxeik nhênhv)

Lơưr Sở Y têr tỉnh Điện Biên hêik pâuz, hâur hli 11 nhiv kruôr đhâu, ntơưv thax tsav qơư pov muôx tas nro zos 403 lênhx nênhs trâus moz Covid-19; hâur co thành phố Điện Biên thiêz huyện Điện Biên muôx 245 lênhx nênhs moz. Muôx yưv têx caz moz txơưr phiv liv sâuv thax tsav thành phố Điện Biên Phủ, nganhx Y têr tỉnh Điện Biên tsênhv sir jos cxax yuôx vắc xin trâu chor shux xênhz txix 12-15 shông, tiv zix zos sâuv thax tsav thành phố Điện Biên Phủ. Hâur jiês cxax yuôx vắc xin no tâu kriz uô txix hnuz 30/11 txos tas hnuz 8/12. Njuôk xav chor nhuôs zâu muôx txix 12-15 shông sâuv thax tsav tỉnh Điện Biên cxax côngz yuôx tiv iz vắc xin phax moz Covid-19 zos xar muôx 35.100 lênhx. No zos chor nhuôs tưz tâu niêv thiêz txir thôngx ziv chiê cxax yuôx./.

(Vũ Lợi-Lik Thox cxêik nhênhv)

Hnuz xiêz 1/12, Phongx cảnh sát qênhz yuôx nênhs phamv cxâuv lok zax zênhz, Công an tỉnh Sơn La lov lik sik côngv đros Văn phongx chiz coaz cảnh sát qênhz yuôx (Công an tỉnh Sơn La) Công an xã Chiềng Khừa, Zênhx pênhz phax trôngx đriv Lóng Sập, huyện Mộc Châu, tỉnh Sơn La tưz ntês tâu Puôk Lao Tuôv xênhz shông 1981 nhoz jos Căng Tỵ, xã Chiềng Khừa, huyện Mộc Châu, tỉnh Sơn La đhâu 16 shông khiêr gâuv. Puôk Lao Tuôv muôx cuiz tênhv nriêr zok 04 hnuz 11/3/2005 tiv muôv muôs zax zênhz. Thâuv trâus ntês cxov, Tuôv zôngv triêv, kơk tir tar lưx lươngv muôx txơưx jênhv thiêz tsi so hu lênhx nênhs cxênhz jê tuôx paz. Taz sik, cxôngx têx tsưr ziv nghiệp vụ, lưx lươngv muôx txơưx jênhv tưz ntês tâu Puôk Lao Tuôv đhâu 16 khiêr gâuv. Nhiv no lưx lươngv txơưx jênhv tsênhv tror uô tiêr ntâuz ntơưr chiê chox Tuôv muk yưr lir trơưk cêr chei têz qơưk./.

(Trấn Long-Txâur Vax cxeik nhênhv)