Hâur ntu đhâu, chor đại biểu HĐND cxuô cấp zos nênhs heir nênhs tsơưs nhoz Lào Cai tưz heik lol tsôngv px nhoz chor thax tsav đêz đrôngs, txov nhêv li têx tsưr ziv, siêz xar txos trâu cơ quan lês uô têx hâux lưv têz qơưk; gra siêz hâux lưv seiz kaz; paz cxơưz huôv tsar kinh tế XH, uô jông tsênhv chei mênhx cxưx, cxuz cêr yeiz pluôs, cxiv tsa jêx jok yiêz. Six cxiv 2016-2021, tas nro tỉnh Lào Cai muôx zuôr xar 2.400 lênhx đại biểu HĐND cxuô cấp zos heir nênhs tsơưs, fiv đros trâu tsưr ziv 66% tsôngv box heir nênhs tsơưs hâur tas nro jênh sôr hâur tỉnh. Hâur 5 shông đhâu, ntơưv Lào Cai muôx zuôr xar 90 cxênhz lênhx tsôngv box heir nênhs tsơưs tâu kriê cxaz têx txux chi tsưr ziv uô nuv; chor chuôz zis pluôs hâur tas nro tỉnh txo grêk txix 34% ntâu shông 2016 yuôr 8% ntâu lok shông 2020, hâur co phênhv ntâu zos têx chuôz zis tsôngv box heir nênhs tsơưs. Trơưk li zơưv Lý Bình Minh, Phưv Chủ tịch Ủy ban tỉnh Lào Cai:

“Thax tsav zos qơư muôx tsôngv box heir nênhs tsơưs uô nênhx nhoz, mak đại biểu zos heir nênhs tsơưs, lơưr pâuz tâu têx txux chi cêr nênhx vênhx huôv, phôngz cxưx, pâuz tâu lul heik. Chênhr viv li, cử tri, px zos heir nênhs tsơưs têx tsưr ziv, siêz xar, lul heik lơưr zuôr pâuz tsênhz đuô txix hâur luz nênhx niêx hnuz. Txix ntơư, zôngx ziv heik tâu trâu cxuô cấp, cxuô ngênhx lok cử tri, px têx lul heik, thix ziv co txos chor hloz thênhv siêz”./.

(An Kiên-Riê Lâux cxeik, nhênhv)

Têx huyện faz Tây tỉnh Yên Bái, li Mù Cang Chải, Trạm Tấu, Văn Chấn tưz ntâu luz hli đhâu tsik pov muôx ntux nas, qiv hơưv kruôr gis, đros trâu têx đrox nhov trâus tuôs tas thâuv ntux no uô ntêx co, viv li zôngx ziv trâus cuz tox cuz jôngr. Nhiv no cxuô thax tsav qơư no tsênhv sir jos kriz uô têx tsưr ziv chiê uô cov tâu jông côngz xưv phax tar cuz tox cuz jôngr. Zơưv Kiều Tư Giang, Phưv Chi cục trưởng Chi cục Kiểm lâm tỉnh Yên Bái puz pâuz:

“Chi cục tưz hêik trâu UBND tỉnh tso tơưv chỉ thị chuôz cxaz uô côngz xưv por vêv, phax tar cuz tox cuz jôngr hâur chêix ntux kruôr 2020-2021. Sik côngv đros quân đôiv, Công an muk qênhz yuôx chor qơư zov chênhr, chiê txix co muôx tâu têx tsưr ziv xưv lik zos muôx yưv cuz jôngr. Chox kriê Hạt kiểm lâm têx huyện uô jông hêik pâuz cuz tox cuz jôngr txos trâu yênhx jêx jok; sêiz car jông chor liêx têz hâur têx jêx jok. Hêik chor chuôz zis uô liêx têz mak tsuv tsov six hơưv jông chiê hlơưr têz cov kiểm lâm sêiz shuôk thax tsav thiêz tsar jok pâuz tâu, zos muôx cuz tox cuz jôngr mak zuôr tso tâu nênhs thiêz kriz uô tâu têx tsưr ziv chiê tuô hluôr tơưl ciês”./.

(Thừa Xuân-Lik Thox cxêik nhênhv)

Ntơưv thax tsav jok Áng Ưng, xã Chiềng Ban, huyện Mai Sơn, tỉnh Sơn La, Phongx Cảnh sát qênhz yuôx têx nênhs fêv uô cxâuv chei lok zuôr muôs zax zênhz, Công an tỉnh Sơn La seiz car hux jos đros Đội qênhz yuôx, phax tar zax zênhz (Cục Hải quan Điện Biên) nhiv kruôr ntêk tâu iz lênhx nênhs thâux gra tsi trơưk chei zax zênhz.

Lênhx nênhs trâul ntêk tâu co zos Lò Văn Hải, xênhz shông 1986, nhoz ntơưv xã Chiềng Chung, huyện Mai Sơn, tỉnh Sơn La; Têx chuôz zênhx sâu tâu muôx 2.800 njiêr yuôx shơư zênhz thiêz iz cxiê zav chuôz zênhx txơưr đuô cik txos.

Nhiv no txuz nuv co tsênhv tror tâu Công an tỉnh Sơn La qênhz yuôx, uô tsênhz mênhx./.

(Trấn Long-Riê Lâux cxeik, nhênhv)

Luz tsêr muôs cxuô zav ntơưr nhoz ntơưv số 337, cêr Hoàng Liên, thành phố Lào Cai-iz kror qơư kinh doanh ntâuz ntơưr, chuôz zênhx uz no, têx zav uô si trâu nhuôs zâu…lox tiv zix Lào Cai nhiv kruôr trâus lưx lươngv sêiz car ciêz đrôngs xưv bluô uô cxâuv lok kinh doanh têx zav uô si chuôr.

Đhâu qênhz yuôx siêu thị no, lưx lươngv muôx vax huôv tưz pov muôx 250 ntâu hax huv zos chuôz zênhx uô si trâu nhuôs zâu tâu têz têz qơưk saz đrâuv uô, tsik muôx ntâuz ntơưr tưs hlo. Tas nro chor hax huv no tưz trâus sâu tsês, muôz hlơưr por tsês lơưr cui tênhv. Lưx lươngv muôx vax huôv cux tso tơưv cuêz tênhv xưv bluô nhiêx txiêx luz siêu thị no muôx 12 triệu đêiv./.

(An Kiên-Lik Thox cxêik nhênhv)