Kror hâux lưv Ủy ban Trung ương hêik cov sêiz shuôk, kỷ luật Ban cán sự Đảng Bôv thôngz môngz thiêz yax mông thiêz chor tiz nênhs cik txos; sêiz shuôk, kỷ luật Ban thường vụ Đảng ủy thiêz chor tiz nênhs cik txos hâur zênhx hangx Thương mại Cổ phần yưv pênhr thiêz Huôv tsar Việt Nam…, tâu đảng viên thiêz pêx xênhv tỉnh Yên Bái tsov cưv txos. Tix lâus Nguyễn Duy, nhoz phường Hồng Hà, thành phố Yên Bái hêik:

“Lơưr cur mak haux lưv sêiz shuôk, kỷ luật chor cán bộ uô cxâuv tror puz pov Đảng thiêz têz qơưk li sir jos hâur phax tar nox nhiêx têz qơưk, tsik jav lênhx tưs hlo. Đảng viên thiêz pêx xênhv zênhx thôngx siêz đros đrêiv thiêz vav tiêk cxuô kror uô cxâuv puôr lênhx zuôr tâu xưv lik truôx jông, txix co chiê hêv, tir tar, txo grêk tsơưs tiv zix têx uô cxâuv, tsik zos, paz trâu pêx xênhz ziv hnuz ziv njênhs trâu Đảng, têz qơưk li lênhx tov”./.

(Đinh Tuấn-Lik Thox cxêik nhênhv)

Hâur têx hnuz đhâu, yênhx châuv cơ quan, taz viv, nênhs siêz jông tưz tuôx txos Ủy ban MTTQ VN tỉnh Lai Châu paz nhiêx thiêz têx chuôz zênhx uz no trâu tsôngv box trâus uô ruôr hiêv tiv đêx nas cuôr yôngz, tox poz ar lơưk nzor truôx tuk luz nênhx thiêz khưx phưx uô nox uô hâuk. Ntux nas lox hâur têx hnuz đhâu tưz uô ruôr hiêv ntâu trâu thax tsav tỉnh Lai Châu, tưz muôx nhos 40 lênhx nênhs trâul tuôs, pôngz plox mông thiêz trâus saz, hâur co tuôs  thiêz pôngz plox mông 25 lênhx nênhs; iz cxênhz ntâu luz tsêr trâus đêx nas cuôr yôngz lok sik puôk tsuôx tsi jông tas, yênhx puô ha kôngz lôngk trâus đêx ngaz, cuôr yôngz......, njuôk xav hur si têx trâus uô hiêv heik sâuv tas muôx 340 ntâu tỷ đeiv ntâu. Đros thiêz cêr siz hluz siz paz, hur tiz si viv tsôngv box thax tsav trâus đêx nas uô ruôr hiêv, têx hnuz đhâu yênhx châuv tsưr tsix, xiz nênhs tưz sik pheiz kênh têx cêr txov đros tsôngv box thax tsav trâus đêx nas uô hiêv, paz nhiêx txiêx thiêz têx chuôz zênhx uz no trâu tsôngv box. Txos nhiv no, ntơưv qơư tưz lênhk txeil tâu tsôngv cưr tix nênhx tsa sđ nhoz cxuô qơư li 2,3 tỷ đeiv têx nhiêx muôz paz trâu tsôngv box./.

(VOV4-Riê Lâux cxeik, nhênhv)

Cik txos chuyên án tsav txênhz, xưv lik 2 lênhx nênhs trâus zok cxov phiv liv ntơưv jok Lũng Xá, Tà Dê, xar Loóng Luông, huyện Vân Hồ, tỉnh Sơn La, xav txos zar zuôr tsâuk ntux hnuz 30/6, côngz xưv qênhz njuôk thax tsav qơư co tưz tâu uô tiêr. Chuyên án no li yênhx côngz tưz paz uô hlôngr yiêz ntâu thax tsav phiv liv lok muôl muôs zax zênhz tsik zos chêi, chor nênhs phamv cxâuv trâus zok cxov phiv liv ntơưv Sơn La. Đros têx chêx cur no, Thủ tướng chính phủ Nguyễn Xuân Phúc tưz muôx ntơưr kruôk Bôv Công an; Tỉnh ủy, HĐND tỉnh Sơn La; Tỉnh ủy, UBND tỉnh Hòa Bình, hâur co hênhr kruôk txos Công an tỉnh Sơn La, Bôv tư lệnh cảnh sát cơ động li chêx cur. Bôv trưởng Bôv Công an cux cuêz tênhv khơưk kruôk trâu 14 taz viv muôx tâu chêx cur jông hâur ruôr tâu yênhz côngz chuyên án no./.

(Tuyết Lan-Lik Thox cxêik nhênhv)

Tsôngv box.....! Tas cik hnuz 30/6, đhâu 3 hnuz ntâu sir jos zok nriêr, lưv lươngv muôx vax huôv tưz zok tâu lênhx tuz hluôk Txôngr Xênhv Muôk trâus đêx nas cuôr yôngz ntơưv huyện Mường Nhé hâur coz nas lox zar hnuz kêix 27/6 nhiv kruôr đhâu. Kror qơư zok nriêr tâu lênhx tuz hluôk Txôngr Xênhv Muôk zos ntơưv thax tsav tuk đêx Nậm Nhé, jok Mường Toong 2, xã Mường Toong, kuôk kror qơư tâu xav tiêk trâus đêx nas cuôr yôngz ntơư xar muôx 10 cêik. Nhiv no lênhx nênhs zok nriêr tâu heik sâuv tưz tâu chox lok zok trâu chuôz zis uô đaz uô kruô. Hâu nov ntơưv qơư tưz muk shuôs thiêz tror qênhz yuôx shuôs têx tsênhv chei chiê paz trâu chuôz zis hâur six hơưv zuôr txos./.

(Vũ Lợi-Riê Lâux cxeik, nhênhv)