Chiê tir tar caz moz siz cik cxôngx têx tiv phaz muôx moz txos têx tiv phaz tsi tâu muôx moz huôv xênhz, hnuz 31/7, Sở zaoz thôngz vênhv teiv tỉnh SƠn La tưz tso tơưv ntâuz ntơưr số 2286 lok hâux lưv tso tsês huôx tôngv vênhv teiv yêz thâux kruô muk lok txos thax tsav huyện Phù Yên- zos tiv phaz sâu jênhv 10 lênhx nênhs trâus moz Covid-19. Lơưr co, cxôngx 12 six tar su hnuz 31/7 txos thâuv muôx thôngz pov yiêz, tsuv tso tsês huôx tôngv yêz thâux kruô li (yêz ca, yêz hôx thôngx, yêz ju lix, yêz taxi) muk lok txos thax tsav huyện Phù Yên, tỉnh Sơn La, tsi xav yêz uô côngz xưv, yêz thâux nenhs moz, nênhs tas six hơưv cêv kuôk y tế; yêz chos công nhân, chuyên gia têx doanh nghiệp, yêz thâux phưx vưv côngz xưv phax tar moz tâu tso chei huôx tôngv, taz sik tsuv uô jông cui tênhv phax tar moz Covid-19 lơưr Bộ y tế thiêz Ban chox kriê phax tar moz Covid-19 tỉnh li heik kriê./.

(Trấn Long-Txâur Vax cxeik nhênhv)

Văn phongx Thường trực Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Lào Cai thôngz sâu heik pâuz, ntux lok nas ntêr đros trâu muôx chuô lox nhoz ntâu thax tsav đar hâur hmo thiêz tas cik hnuz xiêz 01/8 tưz uô px 100 ntâu luz tsêr, têx tsêr cơưv thiêz ntâu ha kôngz lôngk hâur thax tsav trâul uô ruôr hiêv, tsi jông tas, phênhv ntâu zos ntơưv TP Lào Cai thiêz 3 huyện Bảo Yên, Bát Xát, Văn Bàn. Ntux nas lox tsênhv uô txox cêr muk lol jêx jok hâur xã Nậm Xây, huyện Văn Bàn trâul xưz poz lox cxuz cêr, tsi jông muk lol đhâu. Njuôk xav têx trâul ruôr hiêv đhâu đêx nas uô jiês no tas muôx nhos 1,1 tyv đeiv.

Đhâu hlo thâuv muôx têx tsi jông co yưv siv, hâu nov ntơưv qơư tưz hu tsôngv cưr tix nênhx sđ ntơưv qơư đros trâu têx yêz uz no zênhx max thoz huk, kho têx tsi jông ntơư./.

(An Kiên- Riê Lâux cxeik, nhênhv)

Têx lưx lươngv ntơưv qơư huyện Văn Chấn thiêz thị xã Nghĩa Lộ, tỉnh Yên Bái hâur hnuz xiêz 1/8 tưz khưx phưx tiêr tas nro 530 ntâu tsôngv box luz tsêr trâus zơưk trur tiv chuô lox muôx yưv hâur thiêz hmo 31/7. Zơưv Nông Ích Chấn, Phưv Chủ tịch UB huyện Văn Chấn puz pâuz, khov chuv tôngv uô tsưr ziv “4 ntơưv qơư” viv li côngz xưv khưx phưx têx trâus ruôr hiêv tâu krêz uô sei li ntơưv:

“Huyện tưz chox kriê têx tiv phaz thiêz têx lưx lươngv hluôk nênhs, dân quân, công an paz pox nhuôs vor trur tsêr tas nro têx tsêr trâus zơưk trur chiê nzor ngaz tul luz nênhx. Mặt trận tổ quốc thiêz têx đoanx thêv cux muk seiz nus, tôngv vênhx thiêz paz têx chuôz zis trâus zênhr shar uô vêv xênhz tênhx qơưk. Txos nhiv no, têx tiv phaz tưz krêz uô tiêr”./.

(Thừa Xuân-Txâur Vax cxeik nhênhv)

Cux zos ntơưv Yên Bái, hâur thax tsav xã Kiên Thành, huyện Trấn Yên nhiv kruôr muôx iz txuz trâul pôngz đêx, uô iz lênhx nênhs trâul tuôs. Zơưv Hoàng Văn Đà, Phưv Chủ tịch Ủy ban xã Kiên Thành, huyện Trấn Yên (Yên Bái) heik pâuz, txuz pôngz đêx co muôx yưv ntơưv tsas đêx Đát, jok Yên Thịnh, xã Kiên Thành. Lênhx nênhs trâul pôngz đêx co zos Phạm Văn M, xênhz shông 1980, nhoz xã Tuy Lộc, TP Yên Bái, tỉnh Yên Bái.

Uô ntêx ntơư, thâuv tar su hnuz 31/7, M đros iz paz fôngx zưs gra têx zav nox muk uô si ntơưv jok Yên Thịnh, xã Kiên Thành, đhâu ntơư siz zâuv muk đa đêx. Thâuv đhiê sâuv tsas đêx lok trâu hâur pak đêx, chor fôngx zưs tưz tsi pov M tơưv lok, viv li tưz muk zok nriêr, hu tsôngv cưr tix nênhx nhoz jê iz ndis tuôx đros paz nriêr. Taz sik, têx lênhx nênhs txơưx uô luôv đêx nhoz jê iz ndis thax tsav co, phênhv ntâu lơưr tưz tsi nhoz tsêr tas, tsuv muk nriêr thiêz hu luôs lưv tus nhoz đêz tuôx đros paz nriêr. Txos thâuv 4 six 30 phênhz, tsôngv px thiêx zok nriêr tâu M, taz sik tưz trâul tuôs./.

(Thừa Xuân-Riê Lâux cxeik, nhênhv)