Chiv nhênhv 36 shông hnuz cưk kriê ntơưr Việt Nam (20/11/1982-20/11/2018), nas hmo, ntơưv Hà Nội, Bôv zoz zux thiêz thox cxov, Công đoàn zoz zux Việt Nam sik côngv đros Ban khoa giáo-Đaix nta đuôz shav Việt Nam tsưr tsix tsaz yênhx nta đuôz shav hlôngr trâu siêz xar txos. Tsaz yênhx zos chiê sâu jênhv chor cưk kriê ntơưr sâuv thôngz têz qơưk tưz sir jss hla đhâu têx phiv liv chiê gôngr côngv trâu zoz zux hâur têz qơưk. Tsaz yênhx tưz chox sơưr đơưk sêiz pov tâu cxuô kror nhoz hâur têz qơưk. Li hêik lok têx cưk kriê ntơưr tsêr cơưv PTDT niêv txir zus mor Văn Chấn, Yên Bái tưz sir jos chiê chox têx mê nhuôs tuôx cơưv ntơưr. Cưk kriê ntơưr Nguyễn Quang Diện, sêiz car tsêr cơưv phôv thôngz mênhx cxưx niêv txir zus mor An Lương, huyện Văn Chấn, tỉnh Yên Bái hêik:

“Poz tas ntâu, muôx têx qơư tsuv muk đhâu têx luz poz jêz lox, muôx têx qơư mak muk tsik tâu. Muôx têx ntu trâus poz toz muôx yênhx puô thiêr. Thâuv co mak pêz tsik xar txos phiv liv hlo, tsuôk xar têk uô chak cov taz por oz pêz hnuz thiêz shux xênhz tuôx cơưv tâu ntơưr mak muôx nox. Iz jiês mak pêz iz lênhx êr muox 30 cir kôngz krâur. Hâur 4 hnuz xưz pêz tưz êr tâu muôx 2 tấn ntâu kôngz krâur muk trâu chor shux xênhz”./.

(VOV4-Lik Thox cxêik nhênhv)

Tâu yênhx lix kuôk no 5 shông ntâu, tsưr ziv “Jêx jok ngaz tuk, chuôz zis shir phaz” ntơưv jok Làng Pẳn, xar Quang Kim, huyện Bát Xát, tỉnh Lào Cai tưz thiêz tsênhv paz gra siêz luz nênhx kinh têr- xar hôiv cux xưk li tuôr truôx ngz tuk têx jêx jok. Hâur 5 shông đhâu, tổ sêiz car tsưr ziv co tưz sik côngv đros chor nganhx, đoanx thể tsưr tsix 35 jiês hêik pâuz pháp luật, 3.250 ntâu lênhx nênhs cxaz chuôz nriêr pâuz lok luật zoz thôngz, Luật siz zuôr thiêz chuoz zis, Luật đêx ar thiêz Pháp lệnh por vêv jôngr./.

(VOV4-Lik Thox cxêik nhênhv)