Tsi muôx tênhv tênhz tơưk pov cêr, tsi muôx txâuk đêx hur zôngv, cêr muk lol phiv liv, thax tsav ntus đriv niêx shông ntux txơưr txar phiv liv, taz sik chor cưk kriê, uô hâux lưv kriê ntơưr nhoz têx jêx jok ntơưv thax tsav tsôngv box heir nênhs Cống ntơưv jok Huổi Moi, xã Pa Thơm, huyện Điện Biên, tỉnh Điện Biên cux tsênhv niêx hnuz hmo sir jos uô jông hâux lưv kriê txux chi trâu tsôngv box cxuô heir nênhs nhoz no li têx tuz nhuôs. Tsi tiêk li co, chor cưk kriê tsênhv zos têx lênhx niêv kriê chor nhuôs cêr nox nhoz, xênhz huôx, uô nênhx jông hâur niêx hnuz thiêz. Tsêr cơưv Huổi Moi muôx 8 lênhx shux xênhz thiêz tsuôk muôx iz lênhx cưk kriê seiz car, cê buôk ti kriê ntơưr, cê tsuv tsoz phưz, txoz cxơưx têx pluôk  nox, xênhz huôx trâu chor nhuôs. Taz sik chor cưk kriê ntơưr lênhx tưs cux puôr lênhx sir jos hla đhâu têx phiv liv thiêz cêr txov chiê muk kriê txux chi trâu chor tuz nhuôs cov đros luôs lưv tus txơưx njê, tov kaz no muôx luz nênhx jông, truôx tuk./.

(Vũ Lợi-Riê Lâux cxeik, nhênhv)

Đoanx têiv plor Côx hôiv tỉnh Yên Bái tưz muôx jiês njiz cử tri xar Âu Lâu thiêz phường Hợp Minh-TP Yên Bái chiê hêik pâuz lok jiês cơưv tiv 10, Côx hôiv khóa 14. Đros sir jos uô hâux lưv, ntơưv jiês njiz cử tri, chor cử tri xar Âu Lâu thiêz phường Hợp Minh, TP yên Bái hêik njênhs njôngr  thiêz shir phaz đros Côx hôiv li têx hlôngr yiêz, tiv zix zos jiês nux têz ntơưv jiês cơưv tưz tâu nus thiêz têz huv têx hâux lưv mak cử tri moz siêz txos. Cử tri cux hêik, Côx hôiv sêiz shuôk muôx nzir têx tsênhv chêi paz hâux lưv uô trâu nênhs lox tôngv jêx jok; tsưr ziv phax tar moz Covid-19 hâur ntu zuôr txos thiêz hâux lưv nhênhz chơưv uô yuôx vắc xin pha tar caz moz hâur pêz têz qơưk. Đros co, tsov cưv txos hâux lưv pâux nzir têx ar têz, txar qơư nhoz, paz trâu chor nênhs trâus ntux têz ruôr hiêv sâuv thax tsav./.

(VOVTB-Lik Thox cxêik nhênhv)

Tas cik hnuz 19/11, ntơưv Toax anr tỉnh Sơn La, Toax anr thênhv siêz nhoz Hà Nội tưz qir tu đuô trôngx plâuz Trần Xuân Yến, kuz Phưv Giám đốc Sở zoz zux tỉnh Sơn La thiêz chor nênhs trâul cxâuv cik txos lok sâuv muôz thiêz lênhk txeik luôs lưv tus têx nhiêx txiêx, liv zôngv zuk vax huôv thâuv lês uô hâux lưv tâu zok muôz. Ntơưv Toax anr, Hôiv đôngx xơưz xưv tưz nus 5 lênhx nênhs trâul cxâuv zos: Trần Xuân Yến, kuz Phưv Giám đốc Sở zoz zux tỉnh Sơn La; Lò văn Huynh, kuz Tsar phongx khảo thí thiêz seiz car tsơưr lươngv zoz zux, Sở zoz zux; Nguyễn Minh Khoa, kuz Phưv tsar phongx txiv ngaz chính trị, Công an tỉnh Sơn La; Nguyễn Thanh Nhàn, kuz Phưv tsar phongx Khảo thí thiêz seiz car tsơưr lươngv zoz zux; Nguyễn Thị Hồng Nga, kuz chuyên viên phongx Khảo thí thiêz seiz car tsơưr lươngv zoz zux, Sở Zoz zux tỉnh Sơn La. 2 lênhx nênhs muôx vax huôv thiêz hâux lưv cik txos muôx ntơưr pênhr zos pos Lê Thị Thanh Yến thiêz zơưv Lê Thanh Sơn (zos Lò Văn Huynh pox niêv thiêz Lò Văn Huynh pox niêv tus nuk). 2 lênhx nênhs no puôr lênhx tuôr truôx iz lo luk li hâur ntơưr pênhr, tsênhv njiêz zos cov seiz shuôs đuô têx chei, cui tinhv tik cêr cxâuv trâu lơưr./.

(Trấn Long-Riê Lâux cxeik, nhênhv)

Cux ntơưv tỉnh Sơn La, Zênhx Pênhz phax Chiềng On, Bôv đôiv Pênhz phax tỉnh Sơn La sik côngv đros Công an huyện Yên Châu uô hâux lưv ntơưv thax tsav jok Lao Khô 1, xar Phiêng Khoài, huyện Yên Châu, tỉnh Sơn La tưz cxov tâu oz lênhx nênhs zuôr muôs zax zênhz tsik zos chêi. Oz lênhx nênhs co zos Lò Văn Thích, zus shông 1997 thiêz Lò Văn Đoàn, zus shông 2002. Puôr lênhx nhoz ntơưv jok Chờ Lồng, xar Yên Sơn, huyện Yên Châu, tỉnh Sơn La. Têx sâu tâu zos 0,03 gam zênhz đơưz thiêz 200 luz yuôx shơưx zax zênhz, 1 luz yêz mêir thiêz 2 luz mêir điện thoại. Đhâu nus, 2 lênhx nênhs no hêik tuôx trâu thax tsav ntus đriv chiê zuôr chor zax zênhz co ntơưv iz lênhx nênhs tsik pâuz tas 2 triệu đêiv chiê chox lok muôs zuôr liv, thâuv tsênhv gra chor zax zênhz co lok muôs chêk trâus cxov tsês. Nhiv no, txuz hâux lưuv tsênhv tror tâu uô cov tiêr ntâuz ntơưr chiê xưv lik trơưk cêr chêi têz qơưk./.

(Vì Hiện-Lik Thox cxêik nhênhv)