Ndaz ndơưv chiv nhênhv 30 shông hnuz hôiv Côx phax tas nro pêx xênhv thiêz 75 shông hnuz yênhx lix quân đôiv Việt Nam, hnuz no 19/12, Bôv chỉ huy quân sự tỉnh Sơn La sik côngv đros Sở Vênhx huôv, Thể thao thiêz Du lịch tỉnh Sơn La tsưr tsix hnuz hôiv Vênhx huôv Quân-Pêx xênhv shông 2019 đros ntâu huôx tôngv jông. Hnuz hôiv tưz zaz zâuv chôngz lênhx nênhs nhoz tỉnh Sơn La cxaz chuôz. Đuô thiêz tsênhv muôx uô thể thao cxuô mênhx cxưx li Tó má lẹ, lêiv poz, Sik lâuz pak thiêz têx zav uô sik txơưr…Hnuz hôiv tưz uô truôx đuô sik côngv siêz Quân-Pêx xênhv, tôngv vênhx tas nro pêx xênhv, tas nro quân sir jos uô truôx jông côx phax, ngaz tuk, cxiv tsa lưx lươngv vũ trang hênhr, por vêv truôx têz qơưk Việt Nam xar hôiv chủ nghĩa./.

(Đắc Thanh-Lik Thox cxêik nhênhv)

Sở tài nguyên thiêz tênhx qơư tỉnh Lào Cai nhiv no tsênhv lov lik sik côngv đros têx taz viv muôx lênhx coaz uô tiêr têx luôk hâux lưv ndar txos heik kriê tsênhz mênhx têx dữ liệu njuôs pov têx pa kiês nênhs hâur qơư công nghiệp Tằng Loỏng (huyện Bảo Thắng- tỉnh Lào Cai) txos tsôngv box. Hâux lưv no zuôr chuôz tsar uô tsênhz mênhx đuô têx tsêr meir công nghiệp li hâur huôx tôngv tsiv uô côngv đros por vêv tênhx qơư, gôngr phênhv phuôx huiz tsôngv box cux xưk li chinhr quyênx ntơưv qơư li  pưs txux seiz car. Nhiv kruôr đhâu, UB tỉnh Lào Cai cux tso tơưv tsưr ziv têx doanh nghiệp tsênhv huôx tôngv ntơưv qơư công nghiệp Tằng Loỏng tsuv muôx cxaz txơưx jênhv chiê ciêr chênhr txar 100 ziv chuôz zis nhoz hâur tênhx qơư trâus kiês nênhs mul nhoz qơư taz por đuô./.

(An Kiên- Txâur Vax cxeik nhênhv)

Ban chox kriê phax tar nênhs fêv tỉnh Lai Châu nhiv kruôr sik côngv đros Ban Ngaz tuk zoz thôngz tỉnh tsưr tsix jiês tir tar chor nênhs fêv, taz por ngaz tuk zoz thôngz hâur jiês tsiêz shông 2020. Hâur shông 2019, qênhx shênhx txiêz nanv zoz thôngz tâu txox grêk tsơưs ntâu. Công an tỉnh tưz qênhz yuôx xưv lik 187/216 txuz uô cxâuv hình sự; pov 269 txuz, cxov 312 lênhx nênhs phamv cxâuv zax zênhz, sâu tâu 10,66 cir zênhz đơưz, 12 cir zax zênhz, ro luôx por tsês 6.000 ntâu yiv ndis têz chos zax zênhz. Tas nro tỉnh muôx yưv 61 txuz txiêz nanv zoz thôngz, uô 25 lênhx nênhs tuôs, 66 lênhx nênhs saz./.

(Báo Lai Châu-Lik Thox cxêik nhênhv)

Công an huyện Văn Yên, tỉnh Yên Bái nhiv kruôr tso tơưv cuiz tênhv tik cêr cxâuv đros 31 lênhx nênhs tiv tưr nhiêx tsi trơưk chei. Uô ntêx co, thâuv 11 six tsâus ntux hnuz xiêz 9/12/2019, tuêv côngz xưv Tuêv cảnh sát qênhz yuôx nênhs phamv cxâuv lok kinh têr thiêz zax zênhz- Công an huyện Văn Yên tưz pov thiêz ntês tâu 31 lênhx nênhs tsênhv tưr nhiêx ntơưv zơưv Hoàng Văn Uyến, xênhz shông 1971 li tsêr, nhoz jos Nhược, xã Châu Quế Hạ, huyện Văn Yên, tỉnh Yên Bái. Lưx lươngv muôx txơưx jênhv tưz sâu ntơưv qơư tâu zuôr xar 10 tsov đeiv, têx chuôz zênhx zôngv chiê tưr nhiêx. Tsưr tsix qênhz yuôx, tuêv côngz xưv tưz sâu tâu cxaz zuôr xar 27 tsov đeiv thiêz. Ntơưv chiz coaz qênhz yuôx têx lênhx nênhs no tưz jênhv tas nro zuk têx luôk hâux lưv uô cxâuv cêr chei co./.

(Tuấn Xuân- Txâur Vax cxeik nhênhv)