Chiê uô lơưr dự án kriz đar, kho đuô qơư tsar đrêk yêz za Điện Biên Phủ, tỉnh Điện Biên muôx 1.200 ntâu ziv chuôz zis nhoz hâur thax tsav njiz trâus phiv liv, tsuv txar đuô qơư nhoz trâu zuôr xar 1.000 ziv chuôz zis. Nhiv no Điện Biên tsênhv sir jos huiz tôngv cxuô pênhr jos chiê kriz uô sêi têx qơư nhoz yiêz, tsưr ziv txos 30/8 shông no zuôr uô cov tâu tiêr tas nro plas ar chiê choz zok trâu Tổng Công ty Cảng Hàng không Việt Nam (ACV). Lơưr Thủ tướng Chính phủ li Cuêz tênhv 470, dự án kriz đar qơư tsar đrêk yêz za Điện Biên muôx tas nro nhiêx txiêx yưv uô zos 1.547 tiv đêiv ntâu. Dự án li tsưr ziv zos yưv pênhr uô kriz đar nzir qơư tsar đrêk yêz za Điện Biên cov thâux xa tâu muôx 500 cxênhz lênhx kruô muk lok hâur iz shông. Paz trâu huôv tsar kinh têr, vênhx huôv, xar hôiv, thôngx cxix taz por ngaz tuk, côx phax tỉnh Điện Biên hêik taz thiêz tas nro thax tsav Tây Bắc hêik cxuô./.

(Vũ Lợi-Lik Thox cxêik nhênhv)

Lơưr xor mông txix UBND tỉnh Yên Bái, lênhx nênhs trâus cik moz  Covid-19 zos nênhs nhênhz chơưv Ấn Độ, tưz tâu cêv kuôk ciês thâuv lok txos hâur têz qơưk. Đhâu ciês thâuv njuôk shuôk pâuz tiêk trâus moz, UBND tỉnh Yên Bái tưz chox kriê ciês Sở Y têr, UBND thành phố Yên Bái thiêz têx taz viv cik txos kriz uô sêiz kaz thiêz uô ciês têx tsưr ziv, li: qênhz yuôx, nriêr pâuz chor nênhs nhoz jê (muôx 11 lênhx nênhs nhoz jê, zos: 10 lênhx nênhs đros đoàn thiêz 1 lênhx nhân viên khách sạn, tas nro tưz tâu cêv kuôk tsêx trung ntơưv khách sạn; 5 lênhx nênhs txơưr cik txos zos 3 lênhx nênhs tsar yêz thiêz 2 lênhx nhân viên y têr cux tưz tâu kriz uô lơưr têx tsưr ziv chiê phax tar caz moz trơưk cui tênhv); tsưr tsix tir thêir tsuôs yuôx tuô lov caz moz iz ndis khách sạn Như Nguyệt 2; Xa nyar lok njuôk shuôk ntơưv Viện Vêv xênhz dịch tễ TW chiê njuôk shuôk caz moz thiêz hêik trâu Bôv Y têr pâuz trơưk cui tênhv./.

(Tuấn Xuân-Lik Thox cxêik nhênhv)