Hnuz 19/8 uỷ Ban tỉnh Điện Biên tưz tsưr tsiz njiz njêx muôs cán bộ tuz lênhv công an tỉnh Điện Biên ndax trâu chiv nhênhv 76 shông hnuz cxôngx nzor lực lươngx công an VN thiêz muôz huv puz trâu chor cán bộ uô tâu hâux lưv jông ntêk cxov tâu 2 lênhx nênhs fêv nhiês zuôr muôs 98 đêiv zênhz đơưz.

Zơưv Lê Thành Đô, chủ tịch uỷ Ban tỉnh Điện Biên cux hêik, hâur ntu đhâu lực lươngx công an tỉnh điện Biên tưz sir tas đas jos tsưr ziv, tir thêir têx nênhs fêv, tsưx phưv truôx thax tsav qơư nhoz, tsôngv px muôx luz nênhs truôx tuk.

Hâur ntu tsênhv taz tov muôx caz moz Covid-19 uô phiv liv, lực lươngx công an tsuv tror sir jos uô cov tâu truôx cxuô luôs hauax lưv tir thêir têx nênhs fêv chiê uô ruôr hiêv txos sđ, tsôngv truôx siêz huôv tsar cêr uô nox./.

                                 (Tsu cxeik nhênhv- Vũ Lợi-Chia BT)

Hâur ntu njuôk shuôk, nriêr pâuz nênhs trâus moz, tỉnh Sơn La tror pov muôx nzir oz lênhx nênhs trâus moz Sát-Covi-2, zos iz lênhx nênhs txix qơư muôx caz moz lok thiêz iz lênhx nênhs zos nênhs nhoz jêz, njiz tâu nênhs moz đrâuv côngv thôngx tưz xav jênhv hnuz 17/8/2021 (zos nênhs moz 293434). Tas nro oz lênhx nênhs no puôr lênhx tsênhv nhoz hâur qơư cêv kuôk tsêx trung huyện Phù Yên.

Tsênhv tsênhz, nênhs moz zos: pos Đ.T.N, zus shông 1987, nhoz jok Úm 2, xar Huy Thượng, huyện Phù Yên, zos cưk kriê ntơưr tsêr cơưv nhuôs zâu xar Mường Lang (huyện Phù Yên) thiêz tix lâus S.A.S, zus shông 2001, nhoz jok Trung Thành, xar Kim Bon, huyện Phù  Yên, zos nênhs muk uô jos txix tỉnh Bình Dương tror lok thax tsav qơư hnuz 18/7/2021. Nhiv no tas nro 2 lênhx nênhs moz tsik tâu pov trâus cuz, hnôngk thiêz moz li chak hlo. Lơưr ntâuk gri, nênhs moz Đ.T.N zuôr uô cik moz hâur côngv thôngx siêz, tiv zix zos chor nênhs hâur chuôz zis, thax tsav qơư uô nênhx nhoz thiêz chor nênhs cêv kuôk nhoz đros uô cê hâur qơư cêv kuôk tsêx trung.

Xav txos nhiv no, tỉnh Sơn La muôx tas nro zos 116 lênhx nênhs trâus moz Sát-Covi-2, tas nro puôr lênhx zos ntơưv huyện Phù Yên. Nhiv no, 12 lênhx nênhs tưz tâu kho jông moz thiêz tơưv tsêr kho moz, chor nênhs moz txơưr mak tsênhv tâu chơưv kho moz ntơưv huyện Phù Yên./.

(Thu Thùy-Lik Thox cxêik nhênhv)

Uô ntêx muôx yưv caz moz Covid-19 uô phiv liv trâu ntâu tsênhv qơư hâur hur si têz qơưs, chor nênhs trâus cik moz Covid-19 ntơưv huyện Phù Yên tỉnh Sơn La tưz muôx 100 ntâu lênhx. Chênhr zos muôx têx phiv liv li hêik ntơư, hâu nov tỉnh Sơn La tưz tso tơưv quyết tênhv tsik chiê têx tsêr so, tsêr tok kruô hâur thax tsav suv cơư trôngx, chiê chêx chôngk tir thêir caz moz Covid-19.

Ntơưv jiês cơưv Ban sêiz car tir thêir caz moz Covid-19, chủ tịch uỷ Ban tỉnh Sơn La Hoàng Quốc Khánh, tsar Ban sêiz car tir thêir caz moz Covid-19, tưz hêik cxuô ban ngênhx, uỷ ban cxuô huyện, thành phố tsuv sir tas đas jos tsưr ziv tir thêir caz moz Covid-19 iz zav li tir ntâuk tros châuz, tsik chiê caz moz Covid-19 cik đêz đar trâu cxuô thax tsav qơư./.

(Tsu Vưx nhênhv-Thu Thuỳ -Chia BT

Ban chox kriê phax, tar caz moz Covid-19 tỉnh Yên Bái nhiv kruôr muôx ntâuz ntơưr sôr 1600 lok hâux lưv chuôz cxaz njuôk shuôk phax tar caz moz Covid-19 ntơưv têx qơư uô nox, kinh doanh thiêz têx ciêz sâuv thax tsav tỉnh. Tỉnh Yên Bái hêik cov uô sêiz hâux lưv njuôk shuôk caz moz chiê nriêr pov tâu chor nênhs trâus moz Sát-Covi-2 nzor hâur yênhx ciêz ntơưv tas nro têx qơư uô nox, kinh doanh, qơư công nghiệp; tas nro nênhs lox tôngv cungz têx zav nox, dịch vụ tsêr kruô nhoz so trâu chor nênhs nhênhz chươuv, thâux xa hax huv, kho têx chuôz zênhx uz no…Qênhz yuôx truôx jông tas nro chor nênhs tuôx uô hâux lưv txix têx tỉnh txơưr thâuv lok hâur têx qơư uô nox, kinh doanh, qơư công nghiệp, tsêr mêir, xí nghiệp…Mak tsuv muôx ntơưr njuôk shuôk tsik trâus moz Sát-Covi-2./.

(Thừa Xuân-Lik Thox cxêik nhênhv)