Hâur 2 hnuz đhâu, Ban chấp hành Đảng bộ tỉnh Yên bái tsưr tsix phêv ziv jiês tiv 2 (krêz đar) ntâus grê chêx cuk uô jênhv vưv 9 luz hlik, sik seiz lax tsưr ziv, jênhv vưv tsênhv hâur têx luz hlik kaz shôngk shông 2020; ntâus grê côngz xưv tsưr tsix Đại hội teiv plor Đảng bộ tỉnh jiês tiv 19, six cxiv 2020-2025 thiêz tso ziv chênhv, cuiz tênhv iz cxiê njiêz luv lơưr vax huôv.

Ntơưv phêv ziv, tỉnh ủy Yên Bái tưz hu lơưs tas nro cán bộ, đảng viên, công chức, viên chức hâur tas nro cxix luôk chinhr trị, têx tsưr tsix, doanh nghiệp, lênhx nênhs lox tôngv, têx lênhx nênhs siêz jông, sir jos uô lơưr UBMTTQ tỉnh li phuôx tôngv gôngr côngv paz max têx cán bộ chiến sĩ, tsôngv box faz Trung tsênhv trâus zênhr shar hnhar tiv ntux nas, chiê phênhv tưs txu grês têx phêv liv, cêr pôngz siêz, paz tsôngv box nzor hla đhâu têx phêv liv, ngaz tul luz nênhx./.

(Tuấn Xuân-Txâur Vax cxeik nhênhv)

Đhâu muôx 10 shông ntâu uô tsaz yênhx tsưr ziv têz qơưk cxiv tsa jêx jok yiêz, xar Tú Nang, huyện Yên Châu, tỉnh Sơn La tưz muôx ntâu  hlôngr yiêz. Ntâu ntu cêr hâur jêx jok tưz tâu uô txix bê tông paz muk lok zôngx ziv đuô. Tsêr cơưv ntơưr, trạm y têr, tsêr vênhx huôv tâu cxiv uô truôx jông. Ntâu ziv chuôz zis hâur xar tưz cxiv uô tâu vax tsêr lox jông. Tix lâus Sa Văn Thuận-Phưv Chủ tịch UBND xar Tú Nang puz pâuz “muôx tâu hlôngr yiêz li co zos tưz huiz tôngv tas nro cxiv luôs chính trị thiêz pêx xênhv đros uô cxiv tsa jêx jok yiêz. Đhâu yax kriê, pêx xênhv nhoz cxuô jêx jok tưz jênhv pâuz tâu jông đuô. Tưz tsik zos sir jos hâur uô nox, mak sơưr đơưk tsênhv uô jông vêv xênhz tênhv qơư jêx jok”./.

(TT Viet-Lik Thox cxêik nhênhv)

Thax tsav Mường Lò, nhoz thị xã Nghĩa Lộ, tỉnh Yên Bái tâu seiz zos nênhs Thái đuz faz Tây Bắc li kuz têz qơưk, nhiv no muôx 10 mênhx cxưx ntâu sik đros nhoz uô nênhx.

Chiê tuôr tsês tsôngv box têx mênhx cxưx tiv phaz li cêr nênhx vênhx huôv jông, six hơưv đhâu, chính quyênx têx cấp, côngv thôngx tsôngv box, tsêr cơưv ntơưr nhoz Nghĩa Lộ tưz muôx ntâu tsưr ziv jông, hâur co muôx hâux lưv kriê trâu cxênhx hluôk tuôr tsês mênhx cxưx li cêr vênhx huôv jông cxôngx thâuv tsênhv cơưv ntơưr hâur tsêr cơưv. Têx mê nhuôs shux xênhz cux khênhr piêr kriê ntơưv têx ntênhs phêv lox thiêz cơưv shâuv tâu sei. Ntâu xã, phường, tsêr cơưv sâuv thax tsav cux tsưr tsix kriê ntơưr Thái trâu têx mê nhuôs shux xênhz./.

(Tuấn Xuân- Txâur Vax cxeik nhênhv)

Têx hnuz jê lok no muôx ntux no, viv li chor nênhs moz, tiv zix zos nhuôs zâu tuôx njuôk shuôk thiêz chơưv kho moz ntơưv têx qơư y têr sâuv thax tsav tỉnh Điện Biên chuôz ndê chôngz lênhx. Ciês Khoa kho moz nhuôs zâu, tsêr kho moz đa khoa tỉnh tưz tsuv chiê 2 txos 3 lênhx, têx thâuv tsênhv zos 4 lênhx nhuôs pư uô cê sâuv iz luz txax.

Thạc sĩ, Bác sĩ Đỗ Thị Lan Hương, Phưv tsar khoa puz pâuz, Khoa kho moz nhuôs zâu tsuôk muôx 76 luz txax pư, taz sik tsik so muôx txix 120 txos 140 lênhx nhuôs tuôx nhoz  kho moz. Têx hnuz jê lok no, tiv ntux no, chor nênhs moz chuôz ndê chôngz, đros muôx 20 txos 40 lênhx tuôx kho moz iz hnuz, uô phiv liv ntâu txos trâu hâux lưv njuôk, kho moz.

“Viv chor txax pư muôx tsơưs đuô chor nênhs moz tuôx kho moz, viv li tsuv chiê pư uô cê chiê chơưv kho moz. Kror no cux muôx yưv ntâu phiv liv, lax sêiz car nênhs moz, vêv xênhz qar nhoz cux lax uô… Iz cxiê kror hêik trâu chor uô niêv uô txir pâuz zos hâur ntu hlôngr chêix no zos chêix muôx têx caz moz huôv xênhz. Viv li, chor uô niêv uô txir tsuv hnar sor trâu têx mê nhuôv, muôz trâu mê nhuôv nox cov txâuk tsơưr pưr, uô vêv xênhz cov hur si, tiv zix zos nzuôr cov hur si oz cxêik têk…”./.

(Vũ Lợi-Lik Thox cxêik nhênhv)