Têis cik hnuz 20/3, Ban sêiz car uô luôs hâux lưv 896 tỉnh Laox cai tưz tsưr tsix cươv fuô luôs hâux lưv cxiv tsa têz qươs, muôx cxuô lênhx hâur  Ban sêiz car; hâu nov ntươv qươ thiêz công an, cxuô cấp hâu nov hâur tỉnh sik côngv đros uô. Ntươ cux zos iz luôs hâux lưv chiê cxuô lênhx hâu nov gra siêz tsưr ziv txux chi sêiz car cxuô cơ quan, Ban ngênhx, tsênhv qươ, chox car cxuô lênhx cán bộ tsuv uô cov tâu truôx luôs hâux lưv cxiv tsa têz qươs cov ziv hnuz ziv muôx liv trâu sđ./.

                                                             (Tsu cxêik nhênhv-An Kiên)

Ntơưv Sơn La, dưv anr paz hlôngr yiêz tsôngv box li phênhv sâu tâu thôngz đhâu hlôngr yiêz uô kôngz nuv cxuô zav nhoz tox siêz tâu uô txix hli 3/2016 txos hli 3/2018 xuz thơưx tưz gra lok têx muôx liv trâu tsongv box. Iz chas ntơư, thôngz đhâu dưv anr, tsôngv box tưz pâuz tsênhz lok tsưr ziv, luôs hâux lưv uô hlôngr yiêz heik sâuv li têx zuôr trâus txos, uô lơưr hâur huôv tsar uô nox uô hâuk hâur cheix ntux kruôr. Tsôngv box pâuz xav txos lênhx nênhs sir zôngv têx zoz qơưx zuôr trâus txos thâuv uô têx xiv huv kôngz nuv muôx grêk ; iz chas ntơư, hlôngrr yiêz tsưr ziv zuôr muôs têx xiv huv kôngz nuv uô tâu.... Nhiv no dưv anr tưz paz trâu 30 chuôz zis tsôngv box ntơưv jok Tây Hưng, xã Muổi Nọi, huyện Thuận Châu thiêz jok Thẳm, phường Chiềng Sinh, TP Sơn La, tỉnh Sơn La....../.

(VOV4-Riê Lâux cxeik, nhênhv)

Luôs hâux lưv paz lok huôv tsar jôngr, zos tsưr tsix kôngz nuv liên hiệp quốc đros Trung ương hội kôngz nuv VN, fuô uô trâu ntươv 2 xã Đào Thịnh, huyện Trấn Yên thiêz Phú Thịnh, huyện Yên Bình txix shông 2015. Đhâu 3 shôngk fuô uô, tưz yax kriê tsôngv px sđ huôv tsar jôngr ntông, muôx phênhv sâu tâu nhiêx txiêx, tsôngv px iz thênhv jux juk txo grêk tâu yêiz pluôs thiêz paz phênhv tâu trâu luôs hâux lưv cxiv tsa jêx jos yiêz trâu tsênhv qươ./.

 (Tsu cxêik nhênhv-KT)

Thâuv 2 six zar hnuz kêix hnuz 19/3, Tổ côngz xưv Công an huyện Tân Uyên, tỉnh Lai Châu tưz ntêk tâu Chài Xênhv Muôk, xênhz shông 1991, nhoz jok Hô Pù, xã Hố Mít, huyện Tân Uyên thâuv tsênhv taz tov thâux gra tsi trơưk chei têx tsoz zênhz. Tsênhz mênhx, thâuv tsênhv uô hâux lưv ntơưv thax tsav jok Thanh Sơn, xã Pắc Ta, huyện Tân Uyên, Tổ côngz xưv qênhz pov iz lênhx hluôk nênhs tsar yêz meir txix Than Uyên lok trâu Tân Uyên thâux iz luz thôngz đơưz tov kaz, seiz xưk li zôngx ziv muôx têx tuk tsi uô cxâuv chei. Tổ côngz xưv tưz qir qênhz yuôx thiêz qênhz pov saz hâur thôngz muôx ntâu têx chas, car, blôngx thiêz txir zênhz tsênhv njuôz, tsi tâu njưk tuôs thiêz trơưk li Chài krêz lênhl mak, ntơư zos têx tsoz zênhz tsênhv zuôr thâux muk muôs zuôr nhiêx. Nhiv no, têx lưv lươngv muôx vax huôv tsênhv tror qênhz yuôx chiê uô tsênhz mênhx txuz plâuz co./.

(KT-Riê Lâux cxeik, nhênhv)