Txix têx Trung Quốc heik yênhx lix 2 huyện Nam Sa, Tây Sa sâuv 2 poz hiêr Hoàng Sa thiêz Trường Sa VN, hâur têx hnuz đhâu, tsôngv px Lai Châu tưz heik tsi jông siêz trâu Trung Quốc têx luôs hâux lưv uô tsi trơưk chei co. Niêv lâuk Nguyễn Thị Thuận, nhoz xã San Thàng, TP Lai Châu heik pâuz: No zos têx nuv uô tsi trơưk chei ntiêx têz cui tinhv. Txơưv tiêk tsênhv uô nênhx pluôs, taz sik hâur ntu muôx moz Covid-19 uô ruôr hiêv txos px Trung Quốc luz nênhx hâur ntu nhiv kruôr đhâu, px Lai Châu tưz sik đros pheiz kênh, đros hâu nov paz max trâu Trung Quốc yênhx cxênhz chêr tsôngk tril yo por hưv thiêz yênhx cxênhz đeiv ntâuz bos kror ndâux chiê phax tir thêir moz, ntơư zos heik lol px 2 têz qơưk cêr sik thôngx siêz.

“Trung Quốc liv zôngv ntu tas nro ntiêx têz tsênhv sir jos phax tir thêir moz Covid-19 chiê côngz fur yênhx lix 2 huyện Nam Sa thiêz Tây Sa sâuv 2 poz hiêr Hoàng Sa thiêz Trường Sa VN, zos têx uô tsi trơưk chei, uô cxâuv chei, cui tinhv ntiêx têz. Têx li heik no tsi tâu ntiêx têz côngk nhav thiêz px VN cux tsi jông siêz. Pêz tsôngv px heik hâu nov Trung Quốc tsuv tso tsês hlo têx nuv uô tsi trơưk chei li heik sâuv thiêz uô lơưr Công ước Chei sêiz niêv đêx hiêr shông 1982, viv chei ntiêx têz tsi côngk nhav têx li heik ntơư đhâu txênhz tâu lok”./.

                                     (Khắc Kiên-Riê Lâux cxeik, nhênhv)

Đhâu 20 hnuz nhoz so chiê phax, tar moz Covid-19, chor cán bộ, công chức, viên chức thiêz nênhs lox tôngv hâur tỉnh Sơn La tror piz uô hâux lưv txix hnuz 20/4.

Taz sik, tas nro cxuô lênhx nênhs tâu hêik kriê tsuv uô truôx jông, cxix cxuô têx tsưr ziv chiê phax, tar caz moz ntơưv qơư uô hâux lưv lơưr Bôv Y têr hêik kriê, li: nhoz siz kuôk muôx 2 thiêr, chox đêiv bos kror ndâux, njuôk shuôk đas jos thiêz nzuôr têk txix têx cuô đêx paz tuô lov caz moz thâuv tuôx muk hâur qơư uô hâux lưv…zơưv Cầm Xuân Ế, Chủ tịch hôiv bôv đôiv lâul tỉnh Sơn La puz pâuz:

“Pêz cux hêik kriê tiêk cơ quan bôv đôiv lâul mak tsik cxoz tso siêz viv ntâuk tros châuz lok cux li, hâur tir tar caz mo li no mak cux jông li, Cux tsuv uô lơưr thủ tướng hêik kriê, sir jos thiêz xưv lik jông têx phiv liv thiêz tsuv uô cov jông đuô têx hâux lưv no”./.

(TTTB-Lik Thox cxêik nhênhv)

Txix têx txux chi tsưr ziv uô hâux lưv, Công an huyện Lục Yên nhiv kruôr ntêk tâu Đàm Kim Cương, xênhz zus shông 1987, nhoz ntơưv jok 11, thị trấn Yên Thế, huyện Lục Yên-zos lênhx nênhs uô tuz saz nhiês yêz meir, thâuv lênhx nênhs no tsênhv tsar luz yêz meir nhiês tâu ntơư muk muôs ntơưv jok Đồng Hương, xã Đồng Yên, huyện Bắc Quang, tỉnh Hà Giang.

Tsênhv tsênhz, thâuv 6 six tas cik hnuz 20/4, tix lâus Chu Quốc Hữu nhoz jok 4, thị trấn Yên Thế, huyện Lục Yên chuôz zis qênhz pov iz lênhx hluôk nênhs tuôx, lok hâur tsêr, đhâu ntơư zênhx max nhiês chaz iz luz yêz meir Honda Airblade cheix muk. Đhâu ciês co, chuôz zis tưz heik trâu cơ quan Công an pâuz. Thiêz tâu pâuz, Đàm Kim Cương zos lênhx nênhs trâul muôx zênhk zax zênhz. Nhiv no txuz nuv co tsênhv tâu Công an huyện Lục Yên, tỉnh Yên Bái tror qênhz yuôx, uô tiêr têx ntâuz ntơưr chiê muôz tik cêr cxâuv trơưk đreiv li chei têz qơưk cui tinhv./.

(TTTB-Riê Lâux cxeik, nhênhv)

Iz lênhx nênhs ntơưv TP Sơn La, tỉnh Sơn La nhiv kruôr trâus cxov tiv uô chuôr ntâu đêiv ntâuz bos kror ndâux y têr.

Tsênhv tsênhz, ntơưv tổ 1, phường Tô Hiệu, thành phố Sơn La, tôv côngz xưv Đôiv Cảnh sát qênhz yuôx uô cxâuv lok kinh têr-Zax zênhz, Công an thành phố Sơn La (tỉnh Sơn La) tưz pov thiêz cxov tsês Nguyễn Thị Hồng Trang, zus shông 1991, nhoz ntơưv tôv 1, phường Chiềng Sinh, thành phố Sơn La thâuv tsênhv thâux gra muôx 1.300 ntâu đêiv ntâuz bos kror ndâux pâuz tsik tsênhz qơư uô. Ntơưv cơ quan Công an, Nguyễn Thị Hồng Trang hêik tiêk tưz zuôr chor ntâu bos kror ndâux tsik pâuz tsênhz qơư co lok uô đuô cov zos yênhx têx ntâuz bos kror ndâux xưk li iz Công ty ntơưv TP Bắc Ninh, tỉnh Bắc Ninh chor thiêz chox muk muôs sâuv thax tsav thành phố Sơn La.

Công an thành phố Sơn La tưz sâu tsês tas nro chor ntâuz bos kror ndâux hêik co thiêz uô ntâuz ntơưr xưv lik lênhx nênhs uô cxâuv trơưk cêr chêi têz qơưk./.

(Trấn Long-Lik Thox cxêik nhênhv)