Hnuz 24/8, tỉnh Sơn La muôx nzir 4 lênhx nênhs trâus moz Sát-Covi-2 ntơưv huyện Phù Yên, uô chor nênhs trâus moz Covid-19 sâu thax tsav tỉnh hâur 1 hli ntâu đhâu ndê muôx 165 lênhx, hâur co, muôx 23 lênhx siz cik moz hâur côngv thôngx. Chor nênhs trâus cik moz puôr lênhx zos chor nênhs tror lok txix qơư muôx caz moz, tsênhv cêv kuôk tsêx trung ntơưv qơư cêv kuôk huyện Phù Yên thiêz puôr lênhx cik txos iz cxiê lênhx nênhs trâus moz tưz tâu xav jênhv uô ntêx co hâur huyện li qơư cêv kuôk tsêx trung.

Nhiv no tas nro 4 lênhx nênhs trâus cik moz yiêz no tsik cuz, tsik hnôngk, tsik muôx yưv li chas, tưz tâu chox lok chơưv kho trâu ntơưv qơư cêv kuôk huyện Phù Yên. Lơưr ntâuk gri, tas nro 4 lênhx nênhs no zuôr tsik uô cik moz trâu côngv thôngx, viv tưz tâu cêv kuôk tsêx trung ciês thâuv tror lok txos ntơưv thax tsav qơư. Nhiv no, Sơn La muôx 15 lênhx nênhs moz tưz tâu kho jông moz thiêz tơưv tsêr kho moz; iz lênhx nênhs moz tâu chox muk chơưv kho trâu tsêr kho moz Nhiệt đới Trung ương; chor nênhs txơưr đuô tsênhv tâu cêv kuôk, chơưv kho ntơưv Tsêr kho moz đa khoa huyện Phù Yên thiêz qơư cêv kuôk chor nênhs trâus moz F0 huyện Phù Yên./.

(Trấn Long-Lik Thox cxêik nhênhv)

85 lênhx canr bôv, chiến sỹ hâur têx Phongx Công an tỉnh Sơn La thiêz Công an huyện, TP hâur tỉnh tưz tâu tso sơưr cêr muk paz huyện Phù Yên uô luôs hâux lưv phax tir thêir moz Covid-19. Chor canr bôv, chiến sỹ no zuôr đros cấp ủy, hâu nov cxuô cấp thiêz têx lưv lươngv muôx vax huôv fuô uô luôs hâux lưv sir jos phax tar moz Covid-19 hâur thax tsav qơư chiê tsưx phưv đas jos truôx tuk trâu tsôngv px sđ. Iz chas ntơư, uô hâux lưv tsưx phưv truôx tuk thax tsav qơư, cux iz zav li đros lês uô têx hâux lưv txơưr đuô tâu Công an tỉnh thiêz Ban chox kriê phax tir thêir moz Covid-19 tỉnh Sơn La thiêz huyện Phù Yên choz, paz đros chor lưv lươngv uô hâux lưv phax tar moz gênhk ntơưv huyện Phù Yên nzor tir thêir tâu caz moz, txo grêk tsơưs têx lênhx nênhs moz, uô tâu luôs hâux lưv no trơưk tsưr ziv tưz tso tơưv.

 Uô ntêx ntơư, Đảng ủy Bộ Chỉ huy Quân sự tỉnh Sơn La cux tưz tso zuôr xar 100 lênhx canr bôv, chiên sỹ muk paz huyện Phù Yên uô luôs hâux lưv phax tir thêir moz Covid-19./.

(Trấn Long-Riê Lâux cxeik, nhênhv)

 Ntux nas lox lok txix thâuv hmo ntux txos têis cik sơưr nzor hnuz 24/8 tưz uô ar poz cxuz ntâu ntu cêr nhoz tỉnh Lai Châu, uô cêr muk lok tsik tâu hâur ntâu six hơưv. Lơưr co, cêr muk txix thành phố Lai Châu muk huyện Mường Tè, ntu cêr 4H txix Pắc Ma muk trôngx đriv U Ma Tu Khoòng (tỉnh Lai Châu) cux muk lok tsik tâu. Đhâu muôx yưv ar poz, chor taz viv sêiz car cêr nganhx zoz thôngz vận tải tỉnh tưz bax têx yêz, lênhx nênhs đros chuôz zênhx yuôx zav thoz huk, kho đuô têx cêr co cov cêr muk lok tâu. Sâuv thax tsav tỉnh Lai Châu nhiv no cux tsênhv muôx ntux nas lok, muôx têx qơư lok nas lox, uô zôngx ziv muôx ar poz ntơưv têx huyện Mường Tè, Nậm Nhùn, Phong Thổ, Sìn Hồ, Tam Đường. Hêik pêx xênhv sơưr đơưk nhoz ntơưv têx qơư phiv liv thiêz thâuv muk lok tâus cêr tsuv uô jông sêiz shuôk, phax tar chiê tsik njiz trâus têx phiv liv tsik jông./.

(Khắc Kiên-Lik Thox cxêik nhênhv)

Tỉnh Lào Cai nhiv kruôr muôx tsưr ziv taz por muôx txâuk têx hax huv zuôr trâul txos phưx vưv tsôngv px li zoz qơưx hâur six hơưv zos tas nro tỉnh trâul cêv kuôk XH. Iz chas ntơư, heik tsuv bax tsês cov txâuk têx huv uz no sir zôngv hâur 30 hnuz trâu 750 cxênhz lênhx nênhs, xav hur si têx lênhx px muk đrâuv luôs 2 chas tỉnh tror lok tiv muôx moz gênhk thiêz px luôs 2 chas tỉnh tsênhv uô hâux lưv, nhoz hâur Lào Cai. Têx huv bax tsês co phênhv ntâu zos kôngz krâur, zav nox, iz cxiê têx hax huv txơưr đuô zuôr trâul txos. Hâur qênhz shuôs côngz têx huv, zav nox heik sâuv, Ủy ban tỉnh Lào Cai choz  trâu têx Sở, ngênhx cik txos tsuv sox seiz njôngr, pâuz tâu zênhx max, tsênhz mênhx têx txơưr txar hâur ciêz đrôngs, taz por muôx txâuk têx huv heik sâuv, gri truôx tuk; muôz jông six hơưv huôv tsar uô nox uô hnar, phax tir thêir têx lênhx nênhs zuôr muôs têx hax huv txưr, hax huv tsi jông…… Đhâu qênhz shuôs, têx zuôr trâul txos trâu tas nro tỉnh Lao Cai hâur 30 hnuz muôx nhos 7.500 tênhr cxur, 5.500 tênhr grêix, 11 cxênhz tênhr jâuz tâuv……./.

(An Kiên-Riê Lâux cxeik, nhênhv)