Sêiz lax ntơưv tôv, Đoanx Têiv plor Côx hôiv tỉnh Yên Bái puôr lênhx thôngx ziv siêz thiêz hêik tiêk, Tso tơưv Chêi Cảnh sát cơ động thiêz kho đuô, cxaz nzir iz cxiê gri Chêi Sở hữu trí tuệ zos kror tsuv uô, lok six huv đros trâu qênhx shênhx yiêz. Cux cik txos dự án Chêi Cảnh sát Cơ động hlôngr trâu Pháp lệnh, zơưv Đỗ Đức Duy, Trưởng đoanx Têiv plor Côx hôiv tỉnh Yên Bái hêik tiêk, tsuv muôx tsênhv chêi chiê xêir zuôr têx tuz nhuôs tsôngv box mênhx cxưx tsơưs nênhs trâu hâur lưx lươngv no, cux li tsuv muôx têx tsênhv chei paz trâu cán bộ, chiến sĩ lưx lươngv Cảnh sát cơ động:

“Hâur ntâu jiês tsav txênhz muôx vưx qiv đros trâu yax kriê, hêik pâuz mak lok six tsuv muôx txos chor Cảnh sát cơ động zos chor nênhs pâuz tâu txos têx vênhx huôv ntơưv cxuô thax tsav qơư, nênhs pâuz hêik tsôngv box mênhx cxưx tsơưs nênhs têx luk. Cxuô thax tsav qơư muôx chôngz tsôngv box mênhx cxưx tsơưs nênhs mak tsuv tâu xêir zuôr têx tuz nhuôs tsôngv box mênhx cxưx tsơưs nênhs nhoz trâu hâur lưx lươngv no chiê uô jênhv vưv ntơưv têx thax tsav qơư li hêik tas co”./.

(T Xuân-Lik Thox cxêik nhênhv)

Uô Chính phuv li cuiz tênhv số 861 lok thôngz đhâu têx xã thax tsav 1,2,3 nhoz thax tsav tsôngv box mênhx cxưx tsơưs nênhs thiêz tox siêz ntu 2021-2025, tỉnh Lai Châu cux xưk li ntâu tiv phaz tox siêz muôx têx txơưr txar lox, viv uô zênhr shar ntâu txos hâux lưv tâu sơưv têx chính sách lok zaoz zux; BHYT, tsôngv box li hâux lưv txeik pênhr phưx vưv tsiv uô kinh doanh. Lơưr co, tỉnh Lai châu tưz muôx 10 cxênhz ntâu lênhx nênhs trâus txiêr ntơưr BHYT, txu grês lênhx nênhs tâu cxaz chuôz BHYT hâur tỉnh txix 96% tsuôk yuôr 70% ntâu; 18 cxênhz lênhx shux xênhz tsi tâu sơưv chính sách paz txưv thiêz zuôr xar 4 cxênhz ziv chuôz zis tsi tâu paz txưv txeik pênhr tsiv uô kinh doanh. Teiv plor Tao Văn Giót, đoanx teiv plor côx hôiv tỉnh Lai châu puz pâuz:

“ Tsôngv box mênhx cxưx tsơưs nênhs nhoz uô nênhx ntơưv têx thax tsav tox siêz, txov nhêv, hla trâu ntu 2021-2025 mak hla đhâu xã, jêx jos txov nhêv tiv zix. Lơưr Chính phuv li cuiz tênhv 861 mak pêz uô uô cê hâux lưv tso tơưv têx cuiz tênhv thiêz tso tơưv six hơưv lur, viv li hâux lưv chiê tsôngv box pâuz lok hâux lưv no mak cux tsi tâu taz por. Viv li, cur thix ziv côx hôiv thiêz chính phuv tsov cưv chiê têx chiz coaz muôx txơưx jênhv TW cux xưk li chiz coaz tiv phaz muôx six chênhz chiê uô jông têx chính sách yiêz tưz tso tơưv”./.

(K.Kiên-Txâur Vax cxeik nhênhv)

Hmo 21/10, tỉnh Sơn La pov muôx nzir 5 lênhx nênhs trâus moz yiêz Covid-19 hâur qơư cêv kuôk ntơưv huyện Mường La. Tas nro 5 lênhx nênhs trâus moz no zos chor nênhs lox tôngv tự do tror lok txix tỉnh Bình Dương. Nhiv no, 5 lênhx nênhs no tsik uô cuz, tsik hnông, tsik lax uô paz. Lơưr ntâuk gri, chor nênhs nhiv kruôr pov trâus moz no zuôr tsik uô cik moz trâus côngv thôngx. Taz sik, hâur ntu zuôr txos, chor nênhs cêv kuôk đros uô cê hâur qơư cêv kuôk no zuôr zôngx ziv trâus cik moz siêz. Xav txix hnuz 5/10 txos nhiv no, Sơn La tưz pov muôx 33 lênhx nênhs trâus moz Sát Covi-2 nhoz hâur tas nro chor nênhs tror lok txix têx tỉnh faz Nam. Chor nênhs moz no muôx nhoz 7 hâur tas nro 12 huyện, thành phố hâur tỉnh, zos: Vân Hồ, Phù Yên, Bắc Yên, Yên Châu, Mường La, Sốp Cộp thiêz thành phố Sơn La./.

(Thu Thùy-Lik Thox cxêik nhênhv)

Cux tsâus ntux hnuz 21/10, tỉnh Yên Bái sâu jênhv cxaz 2 lênhx nênhs trâus caz moz SARS cov2 hâur thax tsav qơư cêv kuôk chêx chôngk, 2 lênhx nênhs no muk txix tỉnh Bình Dương tror lok, chuôz ndê têx lênhx nênhs trâus moz Covid-19 zos tsôngv box cxôngx têx tỉnh faz Nam lok zos 23 lênhx.

Lơưr Ban chox kriê phax tar moz Covid-19 tỉnh Yên Bái, 2 lênhx nênhs no thâuv lok txos Yên Bái hnuz 14/10 tưz heik kriê y tế, tâu chox muk cêv kuôk chêx chôngk, tsi tâu njiz lênhx tưs hâur tỉnh. Nhiv no 2 lênhx nênhs no tsênhv kho moz ntơưv tsêr kho moz kruô njưk thiêz moz njưk tỉnh Yên Bái, đas jos ngaz tul.

Xav txos hnuz 21/10, Yên Bái tưz muôx 477 cxênhz côngz yuôx tâu cxax, hâur co 191 cxênhz lênhx nênhs tưz tâu cxax txâuk 2 côngz yuôx vắc xin phax moz Covid-19./.

(Trịnh Xuân-Txâur Vax cxeik nhênhv)