Cxôngx hmo 21/11, chuô txiêk uô zênhr shar txos têx tỉnh faz Bắc pêz têz qơưk. Ntux no, tox siêz muôx têx qơư jêx tưv grês kis đuô 16 tưv. Viv li, chiê taz por trâu tsiêx cxu hâur tỉnh đros 640 cxênhz ntâu tul, tỉnh Yên Bái tưz heik têx tiv phaz cxơưz tiês têx tsưr ziv phax tar no trâu tsiêx cxu. Zơưv Chư Xênhv Zax Chủ tịch UB xã Trạm Tấu, huyện Trạm Tấu puz pâuz:

“ Pêz heik cán bộ mul têx jêx jos chox kriê, heik pox nhuôs uô guôx thiêz their guôx cov jông. Hâur six hơưv ntux lok nas thiêz no njiv mak tsi tso tsiêx cxu, tsuv hleik jâuz lok puz nhux nox hâur guôx”./.

(Thừa Xuân- Txâur Vax cxeik nhênhv)

Hội thảo thôngz têz qơưk “Huôv tsar du lịch jêx jok đros cxiv tsa jêx jok yiêz” njuôk xav zuôr tâu tsưr tsix ntơưv tỉnh Lai Châu txix hnuz 5-6/12 zuôr txos no. Nhiv no, iz cxiê tour du lịch côngv thôngx muôx đros thax tsav trung du, tox siêz faz Bắc tưz zos kror sơưr đơưk pâuz txos li tour du lịch ndis shuôk nông trường Mộc Châu; tour du lịch ndis shuôk liêx ntêir, ndis shuôk jêx jok ntơưv Hòa Bình, Sơn La, Lào Cai, Lai Châu…tưz tsik zos paz trâu tsôngv kruô tâu nhoz so, uô si, nriêr pâuz luz nênhx uô kôngz lôngk, hâuk lưv huôv tsar du lịch cux paz chuôz ndê phênhv sâu trâu pêx xênhv, paz hlôngr yiêz kinh têr txix uô xênhz yar kôngz nuv trâu dịch vụ, hlôngr yiêz têx jêx jok nhoz tox siêz Việt Nam./.

(VOV4-Lik Thox cxêik nhênhv)

Têx shôngk đhâu, Hội chữ thập đỏ tỉnh Sơn la tưz gôngr phênhv uô jông côngz xưv nox nhoz xã hội, tiv zix zos nhoz thax tsav tox siêz, ntus đriv. Tsêz no, têx cấp Hội li tas nro tsiv grê huôx tôngv cxaz chuôz phax tar đros ntux nas tax 27,5 tỷ đeiv ntâu đros 19 cxênhz ntâu jiês lênhx nênhs tâu ciêr chênhr paz txưv thiêz paz txưv jông siêz./.

( VOV4- Txâur Vax cxeik nhênhv)

Xav txix thâuv muôx yưv lênhx nênhs trâus moz HIV xuz thơưx ciês shông 1996, txos nhiv no tas nro tỉnh Lào Cai muôx 2.997 lênhx nênhs trâus moz HIV, hâur co zuôr xar 1.500 lênhx nênhs tuôs tiv zav moz no.

Nhiv no, tas nro têx xar, phường, thị trấn ntơưv tỉnh Lào Cai puôr lênhx muôx nênhs moz HIV, tsêx trung chôngz tiv zix ntơưv chor huyện Bát Xát, Bảo Thắng, Văn Bàn. Txix hâur shôngk shông 2018 txos nhiv no, tas nro tỉnh muôx 60 lênhx nênhs trâus moz yiêz. Chor nganhx txơưx jênhv tỉnh tưz kriz uô ntâuz tsưr ziv, chiê txo grêk tsơưs chor nênhs cik moz HIV xưk li sir jos uô côngz xưv yax kriê hâur côngv thôngx; kriz uô têx tsaz yênhx dự án trâu têx qơư zov chênhr, têx trôngx đriv; paz nhiêx txiêx zuôr bảo hiểm y têr trâu nênhs trâus moz HIV muôx luz nênhx txov nhêv…/.

(An Kiên-Lik Thox cxêik nhênhv)