Hnuz 21/3, Thành đoàn Lai Châu tsưr tsix jiês cơưv shâuv, hêik pâuz Nghị quyết Đại hội Đoanx thôngz têz qơưk jiês tiv 11, six cxiv 2017-2020; yax kriê chiv nhênhv 87 shông hnuz yênhx lix Đoanx hluôk nênhs cộng sản Hồ Chí Minh, 55 shông hnuz Đoanx hluôk nênhs Hồ Chí Minh tỉnh Lai Châu. Thôngz đhâu jiês cơưv paz trâu cán bộ, hluôk nênhs sâuv thax tsav thành phố pâuz tsênhz Nghị quyết Đại hội đoanx li tsiv gri, kror zov chênhr, đhâu co paz gra siêz jênhv pâuz, txơưx jênhv, phuôx huiz txơưx xar tơưv trâu cxuô cấp bộ đoanx, hluôk nênhs./.

(KT-Lik Thox cxêik nhênhv)

Hâur 3 luz hli hâur shôngk shông, Chi cục nhiêx sê huyện Mường La, tỉnh Sơn La tưz tsêx trung trâu chor tsưr ziv kriz uô sâu nhiêx txiêx têz qơưk sâuv thax tsav; sik côngv đros chor xã, thị trấn taz viv sêiz car truôx jông chor doanh nghiệp uô xênhz yar, kinh doanh sâuv thax tsav li phênhv sâu cxaz, sir jos uô côngz xưv qênhz yuôx hêik pâuz lok nhiêx sê thiêz uô jông côngz xưv sâu nhiêx sê shông 2018.

Hli 2, Chi cục nhiêx sê huyện Mường La tưz sâu tâu 5 tiv đêiv. Ntu zuôr txos, Chi cục tror sir jos hlôngr yiêz tâu ntơưr nhiêx sê, sir zôngv muôx chêx cur tin học hâur sêiz car nhiêx sê, sir jos uô têx tsưr ziv phax tar yuôr nux gri, sâu tsik tâu nhiêx txiêx têz qơưk…/.

(KT-Lik Thox cxêik nhênhv)