Yar ntux cuz sor tưz uô trâu thax tsav huyện sa Pa tsik muôx txâuk đêx sir zôngv. Xav txix px txos trâu cxuô chuôz zis uô cxuô zav nox, cxuô luz tsêr kruô nhoz thax tsav qơư du lix cux tsik muôx txâuk đêx sir zôngv, viv ntux kruôr gis truz ntêr hnuz thiêz uô trâu grê muôs đêx tsar ndê 600 cxênhz đêiv nhiêx iz khối đêx.

Trơưk li tsôngv px nhoz huyện Sa Pa, tỉnh laox cai hêik pâuz,đhâu iz hli ntâu lok no, hauar thax tsav đrôngk huyện sa Pa tsik muôx txâuk đêx sir zôngv, uô tuôr thênhv txos tsôngv px sđ luz nênhx nox nhoz muk lok hauar niêx hnuz. Pos Nguyễn thị thu Hồng, nhoz đrôngl huyện Sa Pa hêik pâuz:

Băng: “đhâu iz ntu no mak zênhx tsik muôx iz tênh đêx sir zôngv, cxuô chuôz zis nhoz iz thax tsav ntơư cux gra thôngz muk thor têx chuôz zis muôx kror đêx; zos thor tsik tâu mak tsuv muôz nhiêx zuôr đêx lok sir zôngv”./.

                                                (Tsu cxeik nhênhv-An Kiên)

Ntux cuz sor hênhr cux tưz uô hluôr tơưk txeil cuz jôngr hâur thax tsav têx tỉnh Tây Bắc.

Ntơưv tỉnh Điện Biên tưz muôx hluôr tơưk cuz jôngr ntơưv ntâu xã hâur têx huyện Mường Ảng thiêz Tủa Chùa. Ntơưv xã Mường Đăng, huyện Mường Ảng, têx txuz hluôr tơưk txeik cuz jôngr nhoz jok Nậm Pọng thiêz jok Chan 2, tưz cuz uô ruôr hiêv tas 14 ha  jôngr ntông. Ntơưv huyện Tủa Chùa, xuz thơưx sâu jênhv, hluôr tơưk cuz jôngr tưz muôx nhoz ntâu suôv qơư hâur iz xã li: Sính Phình, Trung Thu, Xá Nhè. Taz sik txos iz jiês no, nhiv kruôr tuô tâu iz txuz hluôr tơưk cuz jôngr, uô ruôr hiêv tas 2,1 ha xưz./.

(Vũ Lợi-Riê Lâux cxeik, nhênhv)

Hâur thax tsav cxuô luz jos li: Sáng Pao, xã Xà Hồ; Pá Koang, xã Túc Đán thiêz Mông Si, xã Bản Mù, huyện Trạm Tấu, tỉnh Yên Bái tưz muôx yưv hluôr tơưk cuz jôngr. Zơưv Vũ Trọng Huân, Kiểm Lâm sêiz car jôngr ntông, huyện Trạm Tấu hêik pâuz: Đhâu pov muôx yưv hluôr tơưk cuz jôngr ntông, lực lươngx đros trâu hâu nov ntơưv qơư cux chox car tâu iz cxênhz ntâu lênhx px đros tir thêir tuô hluôr tơưk, tsik chiê cuz đêz đar trâu cxuô thax tsav qơư./.

          (Tsu cxêik nhênhv-Tuấn+Xuân)

Hâur têx hnuz đhâu, tiv ntux cuz sor ntêr hnuz, hâur thax tsav tỉnh Lai Châu muôx yênhx châuv txuz hluôr tơưk txeil cuz jôngr thiêz têx blôngx kruô, xuz thơưx uô ruôr hiêv tas iz cxiê xuz tsuôs, jôngr ntông chos hâur thax tsav.

Tsênhv tsênhz, hâur hnuz 18/4, tas nro tỉnh lai Châu tưz muôx 5 txuz hluôr tơưk cuz jôngr ntơưv têx xã: Nậm Cần, huyện Tân Uyên; Nậm Manh, Nậm ban, huyện nậm Nhùn; Ma Quai, huyện Sìn Hồ thiêz Nùng Nàng, huyện Tam Đường. Đhâu hlo thâuv qênhz pov hluôr tơưk txeil cuz jôngr, hâu nov tỉnh Lai Châu tưz chox kriê têx huyện, hu lênhx nênhs ntơưv qơư, đros thiêz yênhx cxênhz lênhx nênhs, muôx: Jênh quân, têx lênhx yuô jôngr, tuz lênhv thiêz tsôngv box ntơưv qơư sik đros tuô hluôr tơưk. Têx txuz hluôr tơưk cuz jôngr puôr lênhx tâu tuô tuôs đhâu 3-5 six hơưv txeik chis cuz, viv li uô ruôr hiêv tas ntâu têx xuz tsuôs, jôngr ntông./.

(Khắc Kiên-Riê Lâux cxeik, nhênhv)