Đôngx chir Trương Hòa Bình, Ủy viên Bộ chính trị, Phưv Thủ tướng thường trực Chính phủ, Tsar ban chox kriê hlôngr yiêz chính phủ têx ntâuz ntơưr hành chính đros đoanx côngz xưv uô hâux lưv ntơưv tỉnh Sơn La lok sâuv hlôngr yiêz têx ntâuz ntơưr hành chính. Đôngx chir Trương Hòa Bình sâu jênhv têx luôs hâux lưv mak tỉnh Sơn La tưz uô tâu hâur six hơưv đhâu, iz chas ntơư chox kriê, heik fuô uô, phênhz lênhx nênhs lês uô hâux lưv hlôngr yiêz têx ntâuz ntơưr hành chính, cxiv kho, chuôz tsar canr bôv công chức uô jông têx hâux lưv heik sâuv, tsi uô zuôv, uô cxâuv cui tinhv:

“Cur cux heik tỉnh Sơn La chêx tsôngk fuô uô iz cxiê hâux lưv zov chênhr: Chuôz tsar uô jông lênhx nênhs sơưr thơưx li txơưx jênhv, chiê uô hlôngr yiêz tas nro sđ txux chi tsưr ziv jênhv pâuz hâur cxix luôs chính trị thiêz têx lênhx nênhs sơưr thơưx, uô trâu canr bôv, công chức, viên chức lês uô têx hâux lưv têz qơưk pâuz tsênhz txos Lâuk Hôx têx luk kriê thiêz tsưr ziv cêr uô nênhx jông; reik uô truôx đros hâux lưv hlôngr yiêz têx ntâuz ntơưr hành chính thiêz tsưr ziv huôv tsar kinh tế-XH hâur tỉnh, thiêz Bộ, ngênhx hâux lưv hlôngr yiêz têx ntâuz ntơưr hành chính”./.

                                (Trấn Long-Riê Lâux cxêik nhênhv)

Ntơưv thành phố Sơn La nhiv kruôr tsưr tsix jiês hêik pâuz xar Chiềng Ngần uô tiêr luôs hâux  lưv cxiv tsa jêx jok yiêz shông 2019. No zos xar tiv 5 nhoz thành phố Sơn La thiêz zos xar  tiv 27 nhoz tỉnh Sơn La uô tiêr luôs haux lưv cxiv tsa jêx jok yiêz.

Shông 2013, lơưr ntâuk gri bôv tsưr ziv têz qơưk cxiv tsa jêx jok yiêz, xar Chiềng Ngần nhiv kruôr uô tâu 5/19 luôs hâux lưv cxiv tsa jêx jos yiêz. Đros cxiv luôs chính trị txix thành phố txos xar li sir jos, cxuô cxênhx nênhs li thôngx ziv hâur uô lơưr têx tsưr ziv, tsênhv chêi lok cxiv tsa jêx jok yiêz, txix iz jêx jok uô siv, đhâu co zos yênhx phongz yaox sir jos uô hâur tas nro xar, sir jos uô têx luôs hâux lưv cxiv tsa jêx jok yiêz, xav luz đraz uô tâu txix 2-3 luôs hâux lưv iz shông./.

(Trấn Long-Lik Thox cxêik nhênhv)

Đhâu 2 shông ntâu krêz lớp kriê ntơưr Cho, zơưv Triệu Kim Sín, heir nênhs Cho nhoz jok Tống Hạ, xã Nậm Đét, huyện Bắc Hà, tỉnh Lào Cai tưz paz yênhx châuv lênhx nhuôs zâu nênhs Cho pâuz txos zuk heir nênhs têx ntơưr. Xuz thơưx, zơưv lớp cơưv co tsuôk muôx 2-3 lênhx nhuôs cơưv, phênhv ntâu zos têx tuz nhuôs hâur chuôz zis, đhâu ntơư ntâu lênhx nhuôs pâuz zơưv kriê ntơưr Cho, lơưr tưz thor tuôx cơưv chôngz jux juk. Txos nhiv no, zơưv lớp cơưv thâuv tưs tưz muôx txix 22-25 lênhx nhuôs. Tiv tsêr mê thiêz grêiv viv li zơưv tsuv kêr tax tsêr uô jâuz uô mor nox hâur têx tsêr cơưv hâur thax tsav xã uô qơư kriê ntơưr. Zơưv Sín heik: Seiz pov têx nhuôs gruôs cơưv, zuk cux shir phaz, no cux zos chiê por hưv zuk heir nênhs têx txux chi vênhx huôv jông thâuv ntêx, tsi kriê trâu têx nhuôs mak tov kaz no tsi muôx lênhx tưs pâuz txos zuk heir nênhs têx ntơưr cơưv, ntơưr sâu./.

                               (KT-Riê Lâux cxeik, nhênhv)

Jiês ntux lok nas lox hâur oz pêz hnuz đhâu tưz uô ruôr hiêv ntâu trâu oz huyện tox siêz Trạm Tấu thiêz mù Cang Chải, tỉnh Yên Bái.

Lok tsêr nhoz: muôx 5 luz tsêr ntơưv huyện Mù Cang Chải trâus đêx nas chuô uô ruôr hiêv, hâur co: 2 luz tsêr tsuv tâu txar sêi đrơưv qơư nhoz chiê taz por ngaz tuk; 3 luz tsêr trâus poz vâu uô trâu vax tsêr thiêz cxuô zav puôk tsuôx tas. Đêx ngaz cuôr cux uô iz tuk qox txuôk txix txox cêr 32 muk xar Dế Xu Phình (Mù Cang Chải) trâus đêx cuôr yôngz.

Ntơưv huyện Trạm Tấu, đêx ngaz cuôr iz luz yêz lox thiêz iz luz yêz câuk ar trâus đêx ngaz, tiv doanh nghiệp tsênhv thoz huk pak đêx tênhv Trạm Tấu đhâu thâuv uô tiêr tsik chêix yêz lok tsêr mak tsês trâu ntơưv thax tsav qơư uô. Njuôk xav têx trâus ruôr hiêv tas xar muôx 600 triệu đêiv./.

(Tuấn xuân-Lik Thox cxêik nhênhv)

Cik txos mông iz lênhx nxeik hluôk ntơưv Điện Biên trâus pôngz plox mông zar hnuz kêix hnuz 16/7 nhiv kruôr đhâu, nhiv no chuôz zis tưz zok nriêr tâu lênhx nxeik heik co ntơưv tỉnh Quảng Ngãi, kuôk thax tsav qơư lênhx nxeik trâus pôngz plox mông ntơư 1.200 ntâu cêik. Đhâu ntâu hnuz sir jos zok nriêr đros trâu xa mông zok nriêr sâuv têx đeix, ntơưr pov tsir, chuôz zis txeik tâu iz lênhx tsưr iz qơư uô jâuz uô mor nox nhoz jê tsêr meir liv trox Dung Quất, huyện Bình Sơn, tỉnh Quảng Ngãi xor tôngx hu tuôx tiêk, pov iz lênhx nxeik jông iz zav li Huyền. Thâuv chor nênhs hâur tsêr muk txos qơư, Đỗ Thương Huyền tưz tsi pâuz lơưr, tsi pâuz zuk tul txir. Pov Huyền jông li ntơư, chor nênhs hâur tsêr chox Huyền muk seiz njuôk shuôs moz, mak lơưr chor cưk yuôx hêik tiêk Huyền trâus moz, tưz phênhz tsi mênhx. Nhiv no chuôz zis cux tsênhv sir jos đros têx cơ quan Công an TP Điện Biên Phủ chiê uô tsênhz mênhx qir tiv Huyền muk li chas lok sik muôx lênhx tiz nênhs tưs chox muk trâu Quảng Ngãi. Iz chas ntơư nzor chox Huyền lok Hà Nội chiê muk tsêr kho moz chơưv kho./.

                         (Vũ Lợi-Riê Lâux cxeik, nhênhv)