Chi cục tsêz chos kôngz thiêz por hưv đrox tsuôs tỉnh Sơn La nhiv kruôr uô tiêr luôs hâux lưv cxiv uô 100 ntâu luz bể lok zos qơư trâu têx hnaz yuôx por vêv đrox tsuôs đhâu sir zôngv tas ntơưv 7 xã hâur tỉnh, sir jos cov uô tâu luôs hâux lưv cxiv tsa jêx jok yiêz trâu hâur shông no. Têx xã no zos: Mường Chanh, huyện Mai Sơn; Chiềng Khương, huyện Sông Mã; Sốp Cộp, huyện Sốp Cộp; Phổng Lái, huyện Thuận Châu thiêz xã Chiềng Đen, TP Sơn La. Xav hur si têx nhiêx uô têx qơư heik sâuv tas xar muôx 500 tsov đeiv.

Nhiv no, Chi cục tsêz chos kôngz thiêz por hưv đrox tsuôs tỉnh Sơn La tsênhv tror fuô uô, đhok 80 kror qơư ntơưv 6 xã, sir jos uô tâu luôs hâux lưv cxiv tsa jêx jok yiêz hâur shông zuôr txos.

Qơư trâu têx hnaz yuôx tsuôs tuô đrox, tuô caz.... co tâu cxiv uô txix xi măng, xuôz jêz, iz qơư muôx têx ntiv tâu 1,5 yiv đruôz têx hnaz tax, hưx yuôx tưz đhâu sir zôngv tas, tâu tso đêz trâu têx hâur đêx, thax tsav tsôngv box nhoz, phênhz huv đros sâuv têx liêx têz, tsi uô hiêv txos tênhx qơư  iz ndis. Đhâu co, gra siêz tsôngv box sđ txux chi tsưr ziv jênhv hâur sir zôngv têx yuôx heik sâuv, paz taz por uô trâu tênhx qơư nox nhoz hur si tâu trơưk têz qơưk tsưr ziv, cui tinhv lok cxiv tsa jêx jok yiêz./.

(Hồng Việt-Riê Lâux cxeik, nhênhv)

Cơ quan qênhz yuôx, công an huyện Bảo Thắng, tỉnh laox cai, nhiv kruôr cxov tâu zơưv Lê Đức Hiệp, xênhz shông 1997, nhoz jos 11, xã Đắc Hrinh, huyện Đắc Hà, tỉnh Kon Tum, khiêr gâuv đhâu 5 luz hli, ho tror lok thor cơ quan qênhz yuôx, viv uô cxâuv chêi.

Đhâu qênhz yuôx, đhâu zơưv Hiệp muôz kưk ntâuk zơưv Trần Văn Sơn, xênhz zus shông 1999, zơưv Hiệp tưz khiêr muk tsêr; zơưv Văn Sơn, tâu chox muk chơưv kho trâu tsêr kho moz. Đhâu sêiz njuôk shuôk, zơưv Sơn trâus ntâuk saz, ruôr hiêv txos đas jos 33%. Hâur hli 7/2017, zơưv Hiệp tưz khiêr muk trâu Hà Nội.

Txos trâu hnuz xiêz 2/8, công an huyện Bảo Thắng tưz tso tơưv chêi chiê tu txuz plâuz co thiêz tik cêr cxâuv trâu zơưv Hiệp, viv uô cxâuv chêi ntâuk lênhx nênhs. Têis cik hnuz 20/9, zơưv Hiệp tưz tror lok thor cơ quan công an, viv uô cxâuv chêi./.

                                                    (Tsu cxêik nhênhv-An Kiên)

Hâur six hơưv jê lok no, yênhx châuv ha têx txir thênhx caz, txir quýt hâur xã Minh An, Nghĩa Tâm, Tân Thịnh, Thường Bằng La, thị trấn Nông trường Trần Phú...., tỉnh Yên Bái trâus caz tho nox uô hiêv, njưk tuôl tas.

Xav txos iz đraz hli 9, tưz muôx 30 ha trâus caz tho nox uô ruôr hiêv, hâur ntơư têx têz trâus caz tho nox siz mak muôx 9 ha, 6 ha tsênhv yuôr trâus uô hiêv lok six hnhar, xav kror đruôz đraz têx tsoz txir trâus tuôs tsav 60% ntâu.

Nhiv no, têx caz hmoz cux tsênhv tror huôv xênhz, uô ruôr hiêv thiêz muôx têx zuôr huôv xênhz cik đêz đar trâu cxiê qơư. Huyện Văn Chấn, tsênhv chox kriê cxuô thax tsav qơư thiêz chuôz tsar tso canr bôv muk trâu têx thax tsav heik sâuv chiê fuô kriê tsôngv box tsưr ziv phax tir thêir, tuô lov têx caz hmoz tsi chiê huôv xênhz cik đêz đar./.

(KT-Riê Lâux cxeik, nhênhv)